وندا پرەزيدەنت ق.توقاەۆتىڭ سايلاۋالدى تۇعىرناماسىنىڭ ەرەجەلەرى عانا كورىنىس تاۋىپ قويماي, ولارعا قول جەتكىزۋدىڭ نەگىزگى تاسىلدەرى دە بەلگىلەنىپ, جيناقتالعان تۇردە بەرىلگەن.
ساباقتاستىق قاعيداتى ەلباسىنىڭ قازاقستاندى ءۇشىنشى جاڭعىرتۋى, بەس ينستيتۋتتىق رەفورمانى ىسكە اسىرۋعا ارنالعان باعىتى, پرەزيدەنت «ەلباسى ستراتەگياسى» دەپ اتاعاننىڭ بارلىعىنىڭ وزگەرمەيتىندىگىمەن راستالدى.
سونىمەن بىرگە جاڭا تاسىلدەر مەن جاڭا شەشىمدەر ۋادە ەتىلدى جانە مەملەكەت باسشىسىنىڭ ايتۋىنشا, ولاردىڭ ورىندالۋى كوپ كۇتتىرمەيدى.
سونداي-اق تۇڭعىش پرەزيدەنت – ەلباسى وتكەن جىلدىڭ سوڭىندا جانە وسى جىلدىڭ باسىندا قالىپتاستىرعان قۋاتتى الەۋمەتتىك پاكەت وسى سالاداعى ەلەۋلى ناتيجەلەرگە قول جەتكىزۋ ماقساتىندا الەۋمەتتىك ساياساتتىڭ جاڭارتىلۋىمەن تولىقتىرىلاتىنى دا ماڭىزدى.
بيلىكتىڭ ادامداردىڭ سۇرانىستارىن ەستۋ, جەرگىلىكتى جەرلەردەگى ماسەلەلەردى شەشۋ, ازاماتتار الدىندا جۇيەلى تۇردە ەسەپ بەرۋ مىندەتى ەرەكشە اتاپ ءوتىلدى. «ۋادە بەرمەي, ىستەۋ كەرەك!» دەگەن تەزيس ورتالىق جانە جەرگىلىكتى بيلىكتىڭ ءىس-ارەكەتتەرىن باعالاۋشى ۇستانىمعا اينالىپ, ول ادامداردىڭ ناقتى ءال-اۋقاتىنان كورىنىس تابۋعا ءتيىس. ادىلدىك قاعيداتىن راستاۋ دەگەنىمىز دە مىنە, وسىندا جاتىر.
بارلىق سالاداعى – ەكونوميكالىق, الەۋمەتتىك جانە ساياسات سالاسىنداعى – پروگرەسس قاعيداتىن پرەزيدەنت قازىرگى زامانعى سىن-قاتەرلەرگە ءبىردەن-ءبىر دۇرىس جاۋاپ رەتىندە قاراستىرادى.
بىراق پروگرەستىڭ ءوزى دە تسيفرلىق نەمەسە فيزيكالىق ءوسۋ رەتىندە ەمەس, ادامداردىڭ يگىلىگى ءۇشىن جاسالعان جاسامپاز وزگەرىستەر رەتىندە تۇسىنىلەدى.
سوندىقتان قازاقستاندىق كاسىپكەرلەردى قولداۋ, ينۆەستيتسيالاردى تارتۋ جانە قورعاۋ, ىسكەرلىك بەلسەندىلىكتى ىنتالاندىرۋ نيەتى, سايىپ كەلگەندە, تۇراقتىلىق پەن بىرلىكتىڭ نەگىزى رەتىندە كەڭ اۋقىمدى ورتا تاپتى قالىپتاستىرۋدى بىلدىرەدى.
مىنە, وسى جەردە ءبىز مەملەكەت باسشىسىنىڭ قوعام مەن ازاماتتار ءۇشىن ماڭىزدى – قوعامنىڭ بىرلىگىن قامتاماسىز ەتۋ جانە ءاربىر ازاماتتىڭ قۇقىقتارىن قورعاۋ ماقساتىنا جاقىندايمىز.
سايلاۋ ناۋقانى دا وسى الەۋمەتتىك سۇرانىستى قوعامنىڭ كۇن تارتىبىندەگى جەتەكشى ترەند رەتىندە العا شىعاردى.
ەكىنشى جاعىنان, مەملەكەت باسشىسى ۇلىقتاۋ راسىمىندەگى سوزىندە ءوز قىزمەتىنىڭ جاھاندىق ماقساتتارىن عانا ەمەس, سونداي-اق ولارعا قول جەتكىزۋدىڭ نەگىزگى تاسىلدەرىن دە اتاپ كورسەتە الدى.
مەملەكەتتىڭ ستراتەگيالىق ماقساتتارعا قول جەتكىزۋ ءۇشىن جاۋاپكەرشىلىگى ءبىر فورمۋلامەن تۇجىرىمدالدى: كۇشتى, وكىلەتتى پرەزيدەنت – ىقپالدى, ارەكەتكە قابىلەتتى پارلامەنت – حالىققا ەسەپ بەرەتىن ۇكىمەت.
الايدا, ساياسي قوندىرما جۇرگىزىلىپ جاتقان ەكونوميكالىق وزگەرىستەرگە سايكەس بولۋى ءۇشىن ساياسي ترانسفورماتسيا پروتسەسى بەلگىلەنگەن. جانە دە بۇل پروتسەسس بيلىكتىڭ حالىق الدىنداعى جاۋاپكەرشىلىگىن ارتتىرۋ, ازاماتتىق قوعامدى دامىتۋ, بيلىك پەن قوعامنىڭ ديالوگى, سونداي-اق پىكىرلەر ءپليۋراليزمى ۆەكتورى بويىنشا قۇرىلادى.
بۇل جولداعى العاشقى قادام, بالكىم, العاشقى كەڭەسى وسى جىلدىڭ تامىز ايىندا وتەتىن ۇلتتىق قوعامدىق سەنىم كەڭەسىن قۇرۋ بولۋى مۇمكىن.
ال پرەزيدەنتتىڭ سايلاۋالدى تۇعىرناماسىن ىسكە اسىرۋدىڭ ناقتى جوسپارى بارلىق جۇمىستىڭ ورتاق ءمانى بولىپ, وندا ازاماتتار مەن قوعامنىڭ تىلەكتەرى ەسكەرىلەدى.
مەملەكەت باسشىسى پرەزيدەنت لاۋازىمىنداعى جۇمىسىنىڭ باسىمدىقتارى دەپ اتاعان 10 مىندەت بارىنشا ناقتىلىقپەن اتاپ كورسەتىلدى. ولاردىڭ قاتارىندا – حالىقتىڭ تابىسىن ارتتىرۋ, سىبايلاس جەمقورلىققا قارسى كۇرەس, سوت رەفورماسى, جۇمىسقا ورنالاستىرۋ, جاڭا جۇمىس ورىندارىن اشۋ, تابىستى ءادىل ءبولۋ, تۇرعىن ءۇي ماسەلەلەرىن شەشۋ, ءادىل الەۋمەتتىك ساياسات, جالپىعا بىردەي وقىتۋدى قولداۋ, ساپالى مەملەكەتتىك قىزمەتتەر كورسەتۋ, وڭىرلەردى دامىتۋدىڭ جاڭا باعىتى, «رۋحاني جاڭعىرۋ» باعدارلاماسى, سىرتقى ساياسات جانە جاستار بلوگى بار.
ولاردىڭ اراسىندا – «ءوسۋدىڭ ماڭىزدىلىعى», «سوت ادىلدىكتىڭ سوڭعى ينستانتسياسىنا اينالۋى ءتيىس», «كىرىستەردى ءادىل ءبولۋ – بۇل ستراتەگيالىق ماڭىز بار ماسەلە», «حالىق وڭىرلەردەگى شەشىم قابىلداۋلارعا قاتىسۋى ءتيىس», «بوستاندىققا ۇمتىلۋ, حالىقتىڭ بىرلىگى مەن جاسامپاز كۇشى», «جاستار – پروگرەستىڭ قوزعاۋشى كۇشى», «پرەزيدەنتتىك كادرلىق رەزەرۆ» بار.
بۇل ماسەلەلەردى قوعام دا, قازاقستاندىق ساياسي تاپ تا, مەملەكەتتىك قىزمەت تە ەستۋگە ءتيىس جانە تاۋەلسىز قازاقستاننىڭ جاڭا تاريحى «ەسىك قاعىپ تۇرماعانىن», قازىرگى كەزدە «تابالدىرىقتان اتتاعانىن» تۇسىنۋلەرى كەرەك.
بۇل ءبىزدىڭ جاڭا ساياسي تسيكلگە قادام باسقانىمىزدى بىلدىرەدى.
جانسەيىت تۇيمەباەۆ,
قحا توراعاسىنىڭ ورىنباسارى
