مەموراندۋمعا وسى كۇندەرى ۆەنا قالاسىندا ءوتىپ جاتقان بۇۇ-نىڭ عارىش كەڭىستىگىن بەيبىت ماقساتتاردا پايدالانۋ جونىندەگى كوميتەتىنىڭ (COPUOS) 62-ءشى سەسسياسى الاڭىندا قول قويىلدى. بۇل سەسسياعا قازاقستاندىق دەلەگاتسيانى قازاقستان رەسپۋبليكاسىنىڭ تسيفرلىق دامۋ, قورعانىس جانە اەروعارىش ونەركاسىبى ۆيتسە-ءمينيسترى مارات نۇرعوجين باستاپ باردى.
اتالعان ءىس-شارا اياسىندا ۆيتسە-مينيستر عارىشتى بەيبىت يگەرۋ سالاسىنداعى قازاقستاننىڭ قىزمەتى تۋرالى بايانداما جاسادى, اتاپ ايتقاندا عىلىمي-تەحنولوگيالىق ماقساتتاعى عارىش جۇيەسى تۋرالى ايتتى.
سونىمەن قاتار, مارات نۇرعوجين بۇۇ-نىڭ عارىش كەڭىستىگى ماسەلەلەرى جونىندەگى باسقارماسىنىڭ ديرەكتورى سيمونەتتا دي پيپپومەن كەزدەستى. تاراپتار ىنتىماقتاستىقتىڭ وزەكتى ماسەلەلەرىن تالقىلادى, ال كەلىسسوزدەر قورىتىندىسى بويىنشا ءوزارا تۇسىنىستىك تۋرالى مەموراندۋمعا قول قويدى.
"بۇل مەموراندۋم قازاقستان رەسپۋبليكاسىنىڭ تسيفرلىق دامۋ, قورعانىس جانە اەروعارىش ونەركاسىبى مينيسترلىگى مەن بۇۇ اراسىنداعى عارىش قىزمەتى سالاسىنداعى ىنتىماقتاستىقتى دامىتۋ ءۇشىن جاقسى نەگىز بولادى", - دەپ اتاپ ءوتتى مارات نۇرعوجين.
قۇجات تابيعي اپاتتارعا قارسى كۇرەس ءۇشىن عارىشتىق اقپاراتتى پايدالانۋ سالاسىنداعى ودان ءارى ىنتىماقتاستىقتى بىلدىرەدى. تۇراقتى دامۋ ماقساتتارىنا قول جەتكىزۋ ءۇشىن عارىش سەكتورىندا يننوۆاتسيالاردى ەنگىزۋ, عالىمداردىڭ, ستۋدەنتتەر مەن باسقا دا مامانداردىڭ بىلىكتىلىگىن ارتتىرۋ, سونداي-اق ولاردىڭ بىرلەسكەن عىلىمي-زەرتتەۋ ءىس-شارالارى مەن جوبالارعا قاتىسۋىنا ىقپال ەتۋگە جاردەمدەسۋدى كۇشەيتۋ ماسەلەسى شەشىلدى.
سونىمەن قاتار, قازاقستاندىق دەلەگاتسيا بىرقاتار ەكىجاقتى كەزدەسۋلەر وتكىزدى, اتاپ ايتقاندا, ءباا عارىش اگەنتتىگىنىڭ باس ديرەكتورى, يوردان كورولدىگىنىڭ گەوگرافيالىق ورتالىعىنىڭ باس ديرەكتورى, ازيا-تىنىق مۇحيتى عارىش ىنتىماقتاستىعى ۇيىمىنىڭ باس حاتشىسى, پەرۋ عارىش اگەنتتىگىنىڭ باسشىسى جانە CONIDA /پەرۋ/ كومپانياسىنىڭ ديرەكتورى, بۇدان باسقا, JAXA جاپوندىق عارىش اگەنتتىگىنىڭ وكىلدەرىمەن جۇمىس كەزدەسۋى ءوتتى.
سونداي-اق, ۆيتسە-مينيستر كوميتەت سەسسياسىنا قاتىسۋشىلار مەن عارىش اگەنتتىكتەرىنىڭ باسشىلارىن 2019 جىلى قازان ايىندا نۇر-سۇلتان قالاسىندا وتەتىن "قازاقستانداعى عارىش كۇندەرى" 7-ءشى حالىقارالىق فورۋمىنا قاتىسۋعا شاقىردى.
