مينيستر قر تۇڭعىش پرەزيدەنتى - ەلباسى ن.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا قر مادەنيەت جانە سپورت مينيسترلىگىنىڭ قولداۋىمەن سالىنىپ جاتقان وتىرار قالاجۇرتى ساپار ورتالىعىنىڭ قۇرىلىس جۇمىستارىن كوردى.
جالپى اۋدانىمىزداعى ساپار ورتالىعىن سالۋداعى باستى ماقسات وتىرار ءوازيسىنىڭ مادەني مۇراسىن ەلىمىز بەن شەت ەلدەردە ناسيحاتتاۋ, وتىرار قورىق-مۋزەيىنىڭ تەرريتورياسىندا ورنالاسقان تاريحي-مادەني مۇرا نىساندارىن قورعاۋ جانە ولاردىڭ ساقتالۋىن قامتاماسىز ەتۋ, سونىمەن قاتار, تۋريزم سالاسىنىڭ زاماناۋي تالاپتارىنا ساي تۋريستىك ورتالىق قالىپتاستىرۋ بولىپ تابىلادى. ەلباسىمىز ءوزىنىڭ « ۇلى دالانىڭ جەتى قىرى» اتتى ماقالاسىندا «ەجەلگى وتىرار قالاسىنىڭ بىرقاتار نىساندارىن – ۇيلەرى مەن كوشەلەرىن, قوعامدىق ورىندارىن, سۋ قۇبىرلارىن, قالا قامالىنىڭ قابىرعالارى مەن تاعى دا باسقا جەرلەرىن ءىشىنارا قالپىنا كەلتىرەتىن تۋريستىك جوبا دا قىزىقتى بولماق. وسىنىڭ نەگىزىندە ءبىلىمدى دارىپتەۋگە جانە ءتۋريزمدى دامىتۋعا باسا ءمان بەرىلۋى قاجەت», - دەپ ەرەكشە اتاپ وتكەن بولاتىن. وسىنىڭ نەگىزىندە سالىنىپ جاتقان نىسان مينيسترلىك تاراپىنان وتىرار اۋدانىنداعى ءتۋريزمدى دامىتۋ باعىتىندا جاسالعان اۋقىمدى ىستەردىڭ باستاۋى بولماق. الداعى ۋاقىتتا جەرگىلىكتى ادىمدىك تاراپىنان دا اباتتاندىرۋ جۇمىستارى جۇرگىزىلىپ, ەكىجاقتى شارالاردىڭ ناتيجەسىندە وتىراردا زاماناۋي تۋريزم كلاستەرى قالىپتاسادى دەپ كۇتىلۋدە. بۇل تۋرالى ارىستانباب جانە وتىرارتوبە قالاجۇرتى ماڭىنداعى اباتتاندىرۋ جۇمىستارىنىڭ جوباسىمەن تانىستىرعان اۋدان باسشىسى ەرلان قۋانىش ۇلى يگىلىكتى ءىستىڭ تۇپكى ماقساتىنا جان-جاقتى توقتالىپ ءوتتى. وتىرار مەملەكەتتىك ارحەولوگيالىق قورىق-مۋزەيىنىڭ ديرەكتورى ەرسىن تاجىباەۆ ساپار ورتالىعىندا اتقارىلعان جۇمىستار بويىنشا مالىمدەدى.
سونداي-اق تۇركىستان وبلىسىنىڭ اكىمى ومىرزاق ەستاي ۇلىنىڭ تىكەلەي قولداۋىمەن اۋدانىمىزداعى تۋريستىك مارشرۋت بويىنا اباتتاندىرۋ, كوگالداندىرۋ, جارىقتاندىرۋ, اياق جول مەن ۆەلو جولدار, سكۆەرلەر مەن ساياباقتار جانە ويىن الاڭدارىن سالىناتىندىعىن ەرەكشە اتاپ ءوتتى.
باتىرلىق پەن قايسارلىقتىڭ جارقىن ۇلگىسى بولعان وتىرار توبەدەگى ارحەولوگيالىق, تۋريستىك نىساندارمەن جان-جاقتى تانىسقان ارىستانبەك مۇحامەدي ۇلى ارىستانباب كەسەنەسىنە زيارات جاساپ, ودان ءارى وبلىس ورتالىعى تۇركىستان قالاسىنا اتتانىپ كەتتى
