كلاسسيكالىق ۇلگىدە ساداقپەن اتۋ باسەكەسىندە قۇرامىندا دەنيس گانكين, سانجار مۇساەۆ جانە يلفات ابدۋلين سىندى مەرگەندەرى بار قازاقستان قۇراماسى 1/8 فينالدا اقش سپورتشىلارىمەن سايىسقا ءتۇستى. ريو وليمپياداسىنىڭ كۇمىس جۇلدەگەرى, كوپتەگەن اسا ءىرى حالىقارالىق جارىستاردىڭ جەڭىمپازى دەگەن دارداي اتاقتارى بار كومانداعا قارسى تارتىستا جەرلەستەرىمىز جانكەشتىلىك تانىتىپ, 6:0 ەسەبىمەن ايقىن جەڭىسكە قول جەتكىزدى.
وسى تابىسىنىڭ ارقاسىندا ءبىزدىڭ مەرگەندەر كەلەسى جىلى توكيو تورىندە باق سىناۋ قۇرمەتىنە يە بولدى. ءسويتىپ اراعا 20 جىل سالىپ, ساداقشىلارىمىز جاھاندىق دودادا قايتا ونەر كورسەتەدى.
