ايماقتار • 14 ماۋسىم، 2019

جاڭارۋ جولىنداعى جاڭاوزەن

242 رەت كورسەتىلدى

جاڭاوزەن قالاسىنىڭ الەۋ­مەت­تىك-ەكونوميكالىق دا­مۋ­ىنا مەملەكەتتىك تۇرعىدا ايرىق­شا نازار اۋدارىلىپ، قۇ­زىرلى ورىنداردان قىرۋار قار­جى ءبولىنىپ، زور مىندەتتەردى مەجەلەگەن جوسپار-جوبالار جا­ساقتالدى. بۇدان 7-8 جىل بۇ­رىن قولعا الىنعان ءىستىڭ ەڭ­سە­رىلگەنى دە، ەندى جۇزەگە اسىرىلاتىنى دا بار.

قازىرگى تاڭدا ەل ۇكىمەتى بەكىتكەن جاڭاوزەن قالاسىن الەۋمەتتىك-ەكو­نو­ميكالىق دامىتۋدىڭ كەشەندى جوس­پا­رىنا ساي جۇمىستار قولعا الىندى. قالا اكىمى ءا.داۋىلباەۆتىڭ اي­تۋىنشا، 2025 جىلعا دەيىن جا­ڭا­وزەن قالاسى اۋماعىندا 67 جوبانى ىسكە اسىرۋعا 230 ملرد تەڭگە قاراس­تىرىلعان. اتالعان كەشەندى جوسپارعا ساي بيىلعى جۇمىستارعا 19،6 ملرد قارجى جۇمسالاتىن بولا­دى. جالدامالى پاتەرلەر ساتىپ الۋ، 18، 2 شاقىرىم اۆتوموبيل جول­دارىن سالۋعا رەسپۋبليكالىق بيۋد­جەتتەن 3،7 ملرد تەڭگە بولىنسە، جەر­گى­لىكتى بيۋدجەتتىڭ 273،4 ملن تەڭگە قارا­جاتى بيزنەس نەگىزدەرىنە وقىتۋ، اۆتو­موبيل جولدارىن سالۋ، اپاتتى تۇرعىن ۇيلەردىڭ تۇر­عىن­دارىنا پاتەر­لەر ساتىپ الۋ جۇ­مىس­تارىنا، ال «قازمۇنايگاز» اق، «وزەنمۇنايگاز» اق تاراپىنان بەرىلەتىن 8،8 ملرد تەڭگە جاتاقحانا شىعىندارىن سۋبسيديالاۋ، باسقا وڭىرلەرگە قونىس اۋدارۋ شىعىندارىن سۋبسيديالاۋ، قازگوز جاڭعىرتۋ، «وزەنينۆەست» مكك-نان 350 جاڭا جۇمىس ورىندارىن قۇرۋ سىندى جوبالارعا باعىتتالادى.

جاڭاوزەندەگى ەسكى ۇيلەر تالايدان بەرى تاۋسىلماي كەلە جاتقان جىر ەكەنى بەلگىلى. قالا اكىمى «جىردىڭ» اياقتالاتىنى تۋرالى جاقسى اڭگىمەنىڭ لەبىن سەزدىرىپ ءوتتى.

– جاڭاوزەن قالاسىن دامىتۋدىڭ كەشەندى جوسپارى اياسىندا بيىل 26 كوپقاباتتى ءۇي جوندەۋدەن وتەدى. قالادا 40 اپاتتى جاعدايداعى ءۇي بار، 500-گە جۋىق تۇرعىن كەزەڭ-كەزەڭىمەن جاڭا ۇيلەرگە كوشىرىلەتىن بولادى. بۇل جۇمىس بيىل باستالادى. اپاتتى دەپ تانىلعان «شاڭىراق» شاعىن اۋدانىنداعى №43-ءۇيدىڭ تۇرعىندارىن پاتەرمەن قامتاماسىز ەتۋ ماقساتىندا قالعان 10 پاتەر ساتىپ الۋعا «ومگ» اق الەۋمەتتىك مىندەتتەمەلەر قاراجاتى ەسەبىنەن 145،0 ملن تەڭگە ءبولۋ جوسپارلانىپ وتىر. سونداي-اق توزىعى جەتكەن 52 كوپقاباتتى ءۇيدىڭ 26-ىنا بيىل جوندەۋ جۇمىستارى باستالادى، دەدى وڭىرلىك كوممۋنيكاتسيالار قىزمەتى الاڭىندا وتكەن بريفينگتە جاڭاوزەن قالاسىنىڭ اكىمى ءا.ق ۇلىنتاي ۇلى.

جاڭاوزەن قالاسىنىڭ مۇقتاج ازاماتتارى ءۇشىن اقتاۋ قالاسىنان جالعا بەرىلەتىن پاتەرلەر ساتىپ الۋعا «وزەنمۇنايگاز» اق جانە رەسپۋبليكالىق بيۋدجەت قاراجاتى ەسەبىنەن قاراجات ءبولۋ جوسپارلانعان. جالعا بەرىلەتىن پاتەرلەر جاڭاوزەن قالاسىنىڭ جۇمىسسىزدىق تىزىمىندە تىركەۋدە تۇرعاندارعا جانە ەلىمىزدىڭ ايماعىندا سوڭعى 5 جىل ىشىندە اتىندا پاتەرلەرى جوق ازاماتتارعا بەرىلەدى. بۇدان باسقا جاڭاوزەن قالاسىنىڭ جاستارى ىشىنەن اقتاۋ قالاسىنىڭ جا­تاقحاناسىنا ورنالاسۋعا نيەت ءبىل­­دىرگەن ازاماتتاردىڭ ءتىزىمى جا­ساق­­تالىپ، وبلىستىق اكىمدىككە جول­دان­عان. جاتاقحانالاردا تۇرعانى ءۇشىن جالعا الۋ تولەماقىسىن سۋبسيديالاۋ بويىنشا «ومگ» اق قاراجاتى ەسەبىنەن 236،3 ملن تەڭگە قاراستىرىلىپتى.

باسپانا، سونداي-اق جۇمىسسىزدىق ماسە­­لەسىن رەتتەۋدەگى ەركىمەن قونىس اۋدارۋ باعىتى جانە رەس­پۋب­لي­كا­مىز­دىڭ وزگە وڭىرلەرىنە كوشۋ بويىنشا ءتۇ­سىن­دىرۋ جۇمىستارى جۇرگىزىلىپ، 38 ادامنان تۇراتىن 10 وتباسى كوشۋگە نيەت بىلدىرگەن بولسا، كوشىپ باراتىن وڭىرلەرگە قونىس اۋدارۋ شىعىستارىن سۋبسيديالاۋ بويىنشا «ومگ» اق قا­راجاتى ەسەبىنەن 20 ملن تەڭگە قا­راس­تىرىلعان.

قالاداعى جۇمىسپەن قامتۋ – وزەكتى ماسەلە. وسى ورايدا جاڭاوزەن قالاسىندا اشىلاتىن قانت زاۋىتى، مۇناي قالدىقتارىن تاپسىرۋ مەن مۇناي قالدىقتارىن تازالاۋ پۋنكتى جۇزدەگەن جاڭا جۇمىس ورنىن اشۋعا مۇمكىندىك بەرەدى دەپ كۇتىلۋدە.

– جاڭاوزەن قالاسىن دامىتۋدىڭ كەشەندى جوسپارىندا 2019-2025 جىلدار ارالىعىنداعى قاراستىرىلعان ءىس-شارالاردىڭ، ينۆەستيتسيالىق جوبالاردىڭ ىسكە اسىرىلۋىنىڭ ناتيجەسىندە 5 606 جاڭا جۇمىس ورىنى قۇرىلىپ، قالانىڭ جۇمىسسىزدىق ماسەلەسى شەشىلەتىن بولادى. بۇل جۇمىس ورىندارى ورتالىق مۇناي تاپسىرۋ پۋنكتى، قانت زاۋىتى، ەلەكتر ەنەرگياسىن وندىرەتىن كاسىپورىن سالۋ، تۇرمىستىق قالدىقتاردى قايتا وڭدەۋ كومبيناتىنىڭ ءوندىرىسىن كەڭەيتۋ، «كوۆوركينگ» ورتالىعىن قۇرۋ ارقىلى جۇزەگە اساتىن بولادى.

قۇمشەكەر وندىرەتىن زاۋىت سالۋ ءۇشىن جەكە ينۆەستورلار 86،6 ملن تەڭگە ءبولىپ وتىر. ناتيجەسىندە 48 ادام تۇراقتى جۇمىسقا ورنالاسادى. اتالعان جوبانى وسى جىلدىڭ اياعىنا دەيىن ىسكە اسىرۋ جوسپارلانعان. ال ورتالىق مۇناي تاپسىرۋ پۋنكتىن سالۋ بويىنشا «تەنگە ويل گاز» جشس تاراپىنان جۇمىستار جۇرگىزىلۋدە، قۇرىلىستىڭ ءبىرىنشى كەزەڭى اياقتا­لۋ­عا جاقىن، تولىق جوبا 2020 جىل­دىڭ سوڭىنا دەيىن اياقتالىپ ىسكە قوسىل­عان­دا، نەگىزگى قۇرىلاتىن جۇمىس ورنىنا 45 ادامدى تارتۋ جوسپارلانعان. سونداي-اق مازۋتتالعان توپىراقتى بيولوگيالىق تازارتۋ بويىنشا «ومگ» اق قاراجاتى ەسەبىنەن 995 ملن تەڭگە قاراستىرىلعان. «تازا سۋ» جشس تاراپىنان جۇمىستار باستالىپ، ناتيجەسىندە 54 ازامات جۇمىسقا جولداندى. قالاداعى «قازاق گاز وڭدەۋ زاۋىتىن جاڭعىرتۋ بويىنشا «قمگ» اق 107،2 ملرد تەڭگە جوسپارلاعان، جوبا ىسكە اسقاندا قالا تۇرعىندارى ۇزدىكسىز تۇراقتى تۇردە گازبەن قامتاماسىز ەتىلەتىن بولادى. قالادا قاتتى تۇرمىستىق قالدىقتاردى قايتا وڭدەۋ كومبيناتىنىڭ ءوندىرىسىن كەڭەيتۋ باعىتىندا ينۆەستورلارمەن 130 ملن تەڭگەنى قۇرايتىن كەلىسسوزدەر جۇرگىزىلىپ، وسى جىلدىڭ اياعىندا ىسكە اسىرۋ كوزدەلگەن. جاڭاوزەن حالقىنىڭ ءال-اۋقاتىن جاقسارتا وتىرىپ، مۇناي-گاز سالاسى كاسىپورىندارىنىڭ تۇراقتى جۇمىسىن قامتاماسىز ەتۋگە 693 جۇمىس ورنى قۇرىلادى. سونداي-اق جاڭاوزەن قالاسىندا 350 جاڭا جۇمىس ورنى اشىلىپ، جۇمىسسىزدىق ەسەبىندە تۇرعان ازاماتتار ەڭبەكپەن قامتىلدى. جانە دە بيزنەس نەگىزدەرى بويىنشا جىل باسىنان بەرى 46 ادام وقىتىلىپ، سەرتيفيكاتتارىن الدى. وسى ماقساتتا جەكە كاسىپكەرلىككە 38،5 ملن تەڭگە ءبولۋ جوسپارلانىپ وتىر. جاڭاوزەن قالاسىنىڭ وندىرىستىك الاڭىن شاعىن جانە ورتا بيزنەس جوبالارىمەن تولتىرۋدى قامتاماسىز ەتۋ بويىنشا م ۇلىكتىك نىساندى «كاسپي» الەۋمەتتىك كاسىپكەرلىك كورپوراتسياسىنا بەرۋ جۇمىستارى جۇرگىزىلۋدە. قازىرگى تاڭدا بۇل باعىتتا 37 كاسىپكەردەن ۇسىنىس ءتۇستى. سونىمەن قاتار تۇرعىنداردى ساپالى ۇزدىكسىز اۋىز­سۋمەن قامتاماسىز ەتۋ ماقساتىندا جاڭاوزەن قالاسىنداعى سۋ تازارتۋ عيماراتىنىڭ قۇرىلىسى اياقتالىپ، پايدالانۋعا بەرىلدى، دەيدى قالا اكىمى.

جاڭاوزەن حالقىنىڭ ءال-اۋقاتىن كوتەرۋ، قالانىڭ ەكونوميكالىق احۋالىن جاقسارتۋ – ۇكىمەت نازارىندا تۇرعان ماسەلە. سوندىقتان كوپشىلىك كوپ ىستەردىڭ قۇجات تۇرىندە ەمەس، بىتكەن ءىس تۇرىندە پايدالانۋعا بەرىلگەن ءساتىن اسىعا كۇتەتىنى انىق.

 

ماڭعىستاۋ وبلىسى

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار