جاڭا قۇرامداعى العاشقى باسقوسۋىن وتكىزدى

كەڭەس وتىرىسىنا قاتىسقان سىرتقى ىستەر ءمينيسترى بەيبىت اتامقۇلوۆ پرەزيدەنت قاسىم-جومارت توقاەۆتىڭ ۇلىقتاۋ ءراسى­مىندە سويلەگەن سوزىندە مەملە­كەتتىك ساياساتتى ىسكە اسىرۋداعى قوعام­نىڭ ءرولىن ارتتىرۋدىڭ ماڭىزىن ەرەكشە اتاپ ءوت­كەنىنە باسا نازار اۋداردى.

«مەملەكەت ازاماتتىق قوعام­دى دامىتۋعا زور كوڭىل بولە­تىن بولادى. سوندىقتان ءبىز ءۇشىن كەڭەس مۇشەلەرىنىڭ اسا وزەك­تى ماسەلەلەردى تالقىلاۋعا بەل­سەندى اتسالىسىپ، سىرتقى ءىس­تەر مينيسترلىگى قابىلدايتىن شە­شىم­دەرگە ساراپتامالىق باعا بەرۋى وتە ماڭىزدى»، دەدى مينيستر.

وتىرىس كۇن تارتىبىنە سايكەس سىرت­قى ىستەر ءمينيسترىنىڭ ورىن­باسارى ەرمەك كوشەرباەۆ شەتەل­دىك ينۆەستيتسيالار تارتۋ جانە قازاقستاندىق تاۋارلاردىڭ ەكسپورتىن ىلگەرىلەتۋ سالالارىنداعى مينيسترلىك قىزمەتىنىڭ جاڭا باسىمدىقتارى جونىندە بايانداما جاسادى.

باياندامادا 2018 جىلى تار­­­تىلعان ينۆەستيتسيالار بو­يىن­­شا كورسەتكىشتەر تۋرالى تولىق اقپارات ۇسىنىلدى. اتاپ ايتقاندا، تىكەلەي شەتەلدىك ين­ۆەس­تيتسيالاردىڭ جالپى اعىنى 15،8%-عا ءوسىپ، 24،3 ملرد اقش دوللارىن قۇرادى. 2019 جىلعى قاڭتار-ءساۋىر ايلارى ارالىعىندا نەگىزگى كاپيتالعا باعىتتالعان ين­ۆەس­تيتسيا كولەمى 6،7%-عا ءوسىپ، 2،9 ترلن تەڭگەگە جەتتى. ولار­دىڭ ءىشىن­دە سىرتقى ينۆەس­تي­تسيا­لار نە­گىزگى كاپيتالعا قۇيىلعان ينۆەس­تي­­تسيالار جالپى كولەمىنىڭ 36%-ىن (1،05 ترلن تەڭگە) قۇرايدى.

قازاقستاننىڭ ينۆەستيتسيالىق احۋالىن جاقسارتۋ بويىنشا اتقارىلىپ جاتقان جۇمىس ءجونىن­دە ايتا كەلە، ە.كوشەرباەۆ سىرت­قى ساياسي ۆەدومستۆونىڭ ينۆەس­تورلاردىڭ اقپاراتتىق-كونسۋل­تاتسيالىق كومەككە عانا ەمەس، سون­داي-اق مەملەكەتتىك قىزمەتتەرگە قول جەتكىزۋىن قامتاماسىز ەتەتىن جانە جوبالاردى باستاپقى كەزەڭ­نەن تولىق ىسكە اسىرۋعا دەيىن سۇيەمەلدەۋدىڭ بىرىڭعاي الاڭى بولاتىن فرونت-كەڭسەلەر قۇرۋ بويىنشا جۇمىس جۇرگىزىپ جات­قان­ىن اتاپ ءوتتى.

ءمينيستردىڭ ورىنباسارى قازاق­ستاننىڭ شەتەلدەردەگى مە­كە­مەلەرى ينۆەستيتسيالار تارتۋ جۇيەسىن جەتىلدىرۋ ءجونىن­دەگى دامىعان ەلدەر­دىڭ ۇزدىك ءتا­جى­ريبەلەرىن جانە ەىدۇ ۇسى­نىمدارىن ەسكەرە وتىرىپ، جاڭا تاسىلدەردى انىقتاۋ باعى­تىندا شەتەلدە بىرقاتار ءىس-شارالار جۇرگىزىپ جاتقانىن دا تىلگە تيەك ەتتى.

سىرتقى ىستەر مينيسترلىگىنىڭ سىرتقى ەكسپورتتى جىلجىتۋداعى رولىنە قاتىستى ە.كوشەرباەۆ ۆەدومستۆو جانىندا قۇرىلعان پرا­كتيكالىق شارالاردى ءازىر­لەۋگە جانە جەدەل تۇردە اق­پارات الماسۋعا باعىتتالعان شيكىزات­تىق ەمەس ەكسپورتتى جىلجىتۋ ماسەلەلەرى بويىنشا ارنايى ۆەدومستۆوارالىق جۇمىس توبى قىزمەت ەتەتىنىن ايتتى.

ازاماتتىق قوعام تاراپىنان شەتەلدىك ينۆەستيتسيالاردى تارتۋ تۋرالى «قازاقستاننىڭ ينتەرنەت اسسوتسياتسياسى» زتۇ پرەزيدەنتى شاۆكات سابيروۆ بايانداما جاسادى. ساراپشى ءوز بايانداماسىندا قازاقستانداعى ەكسپورتتىق رەسىمدەۋگە نازار اۋدارىپ، ولاردى جەڭىلدەتۋگە قاتىستى بىرقاتار ۇسىنىس جاسادى.

بۇدان ءارى سىرتقى ىستەر مي­نيسترىنىڭ ورىنباسارى رومان ۆاسيلەنكونىڭ «قازاقستان رەس­پۋب­ليكاسى سىرتقى سايا­ساتىنىڭ جاڭا تۇجىرىمداماسى» اتتى تاقىرىپتاعى بايانداماسى تىڭ­دالدى. ول وتىرىسقا قاتىسۋ­شى­لارعا قۇجاتتىڭ جاڭا رەداكتسياسى بويىنشا جۇرگىزىلگەن جۇمىس جونىندە ايتىپ بەردى.

ءمينيستردىڭ ورىنباسارى قازاق­ستاننىڭ الداعى ۋاقىت­تا دا الەم­نىڭ بارلىق مەملەكەت­تەرى­مەن تەڭ ءارىپ­تەستىك قارىم-قاتىناس­تار­دى دا­مى­تۋعا باعىتتالعان سىرتقى سايا­­سي باعىت جۇرگىزەتىنىن اتاپ ءوتتى. بۇل تەزيس قازاقستان پرەز­ي­دەنت­­ى ق.توقاەۆتىڭ قازاق­ستان­نىڭ تۇڭعىش پرەزي­د­ەنتى – ەل­باسى نۇرسۇلتان نازار­باەۆ باس­تاپ بەرگەن كونس­ترۋك­­تيۆ­تى، تەڭدەستى­رىلگەن، كوپۆەك­تورلى سىرت­قى ساياسي باعىتتى جال­عاس­تىرادى دەپ ايتقان پوزيتسياسىمەن تولىق ۇيلەسەدى.

«تۇجىرىمدامانىڭ ماز­مۇنىندا ەلباسى مەن مەملەكەت باسشىسىنىڭ سىرتقى ساياساتتىڭ ەكونوميكالىق باعىتىن كۇشەي­تۋ جونىندەگى تاپسىرمالارى ەس­كەرىلگەن. وندا تسيفرلى ترانسفورماتسيا، «جاسىل تەحنولوگيا­لاردى» دامىتۋ، «جۇمساق كۇش­تى» كەڭىنەن قولدانۋ سياقتى جا­ھان­دىق ترەندتەر كورىنىس تاپتى. قۇجاتقا حالىقارالىق قاتى­ناس­تاردىڭ بىتىمگەرشىلىك جانە مە­ديا­تور­لىق سياقتى جاڭا نىساندار ەنگىزىلگەن»، دەدى ر.ۆاسيلەنكو.

مينيستر ورىنباسارىنىڭ ايتۋىنشا، مۇددەلى ورگاندارمەن كەلىسىلگەننەن كەيىن ءماتىن كوپشىلىكتىڭ تالقىلاۋىنا سالۋ ماقساتىندا ءسىم ۆەب-سايتىنا ورنالاستىرىلعان.

پىكىرتالاس بارىسىندا كەڭەس مۇشەلەرى ينۆەستيتسيالىق احۋالدى جاقسارتۋ، شەتەلدىك كاپيتال­دى تارتۋداعى مينيسترلىك جۇ­مى­سىن جانداندىرۋ جونىندە ءبىر­­قاتار ۇسىنىس ايتىپ، سىرت­قى ساياساتتىڭ جاڭا تۇجى­رىمدا­ماسى­نىڭ جوباسىنا قا­تىستى كونسترۋكتيۆتى تالقىلاۋ جۇرگىزدى.

قوعامدىق كەڭەستىڭ كەزەكتى وتىرىسى 2019 جىلدىڭ كۇزىنە جوسپارلانعان.