اۋمالى-توكپەلى الەم
بەيسەنبى, 14 ناۋرىز 2013 2:51
اقش داعدارىستىڭ تاعى ءبىر تولقىنىن كۇتىپ وتىر
داعدارىستىڭ سالدارى الەمدى ءالى دە ءبىراز سارساڭعا سالار ءتۇرى بار. ماسەلەن, ينتەرنەت يىرىمدەرىندەگى اقپاراتقا سۇيەنسەك, اقش ەكونوميكاسى دا قارجىلىق داعدارىستىڭ قۇرىعىنا تۇسكەن. ايتالىق, Roubini Global Economics-ءتىڭ جەتەكشىسى, امەريكانىڭ ەكونوميست عالىمى نۋريەل ءرۋبينيدىڭ ايتۋىنشا, اقش-تىڭ كەلىسىلمەگەن فيسكالدىق ساياساتى ەلدەگى ءىجو-ءنىڭ ءوسىمىن 1,5 پايىزعا دەيىن تەجەيتىن كورىنەدى.
بەيسەنبى, 14 ناۋرىز 2013 2:51
اقش داعدارىستىڭ تاعى ءبىر تولقىنىن كۇتىپ وتىر
داعدارىستىڭ سالدارى الەمدى ءالى دە ءبىراز سارساڭعا سالار ءتۇرى بار. ماسەلەن, ينتەرنەت يىرىمدەرىندەگى اقپاراتقا سۇيەنسەك, اقش ەكونوميكاسى دا قارجىلىق داعدارىستىڭ قۇرىعىنا تۇسكەن. ايتالىق, Roubini Global Economics-ءتىڭ جەتەكشىسى, امەريكانىڭ ەكونوميست عالىمى نۋريەل ءرۋبينيدىڭ ايتۋىنشا, اقش-تىڭ كەلىسىلمەگەن فيسكالدىق ساياساتى ەلدەگى ءىجو-ءنىڭ ءوسىمىن 1,5 پايىزعا دەيىن تەجەيتىن كورىنەدى. مۇنداي جاعدايدا بولشەك ساۋدا ماسەلەسى اپاتقا ۇشىراپ, ينۆەستورلار 2013 جىلدىڭ اياعىنداعى ەسەڭگىرەۋ احۋالىنا دايىن بولۋ كەرەك. نۋريەل رۋبيني مەملەكەتتىك شىعىنداردى قىسقارتۋ شارالارىنان شىعا الماي قالعان ەۋروپادا جاعداي مۇلدە قيىن بولاتىندىعىن العا تارتادى. ول سونداي-اق, كارى قۇرلىقتى شايقالتاتىن كەلەسى «تسۋنامي» يتاليادان باستاۋ الاتىندىعىن ايتىپتى.
«فيسكالدىق قۇلدىراۋدان» شىعۋدىڭ ادىستەرىن تابۋداعى اق ءۇي مەن كونگرەسس اراسىنداعى كەلىسپەۋشىلىك قازىردىڭ وزىندە امەريكا بيۋدجەتىنىڭ شىعىس بولىگىن ەرىكسىز قىسقارتۋعا, ياعني سەكۆەسترگە ۇشىراتۋعا اكەلىپ سوقتىردى. سەناتتاعى رەسپۋبليكاشىلار مەن اق ۇيدەگى دەموكراتتاردىڭ ءوزارا كەلىسىمگە كەلە الماۋىنىڭ سالدارىنان اقش قازىناسى بيىل 85 ملرد. دوللارعا ازاياتىن بولدى. حالىقارالىق ۆاليۋتا قورىنىڭ (حۆق) بولجامى بويىنشا سەكۆەستر سالدارىنان امەريكالىق ەكونوميكانىڭ دامۋ دەڭگەيى بولجانعان 2 پايىزدان 1,5 پايىزعا دەيىن تومەندەيدى. ال بۇكىلالەمدىك بانك بۇل كورسەتكىش 1,9 پايىز دەڭگەيىندە بولادى دەيدى.
نۋريەل ءرۋبينيدىڭ پىكىرىنشە, ەلدەگى تۇتىنۋ سۇرانىمىنىڭ ءوسۋ قارقىنى قازىردىڭ وزىندە قۇلدىراپ كەتكەن. دەموكراتيالىق پارتيا مەن وبامانىڭ باستاماسى بويىنشا 2013 جىلى ءبىر ادامعا شاققاندا 400 مىڭ دوللار نەمەسە ەرلى-زايىپتىلارعا شاققاندا 450 مىڭ دوللار تابىس تاباتىن ناقتى تۇلعالارعا سالىناتىن سالىق 35 پايىزدان 39,6 پايىزعا دەيىن وسەتىن بولادى. اقش سالىق ورتالىعىنىڭ ەسەپتەۋلەرى بويىنشا ەڭ باي امەريكالىقتارعا سالىناتىن 20 پايىز سالىقتى قوسا ەسەپتەگەندە سالىق كولەمى 1979 جىلى بولعان ەڭ جوعارى دەڭگەيگە كوتەرىلەتىن بولادى. ءرۋبينيدىڭ مالىمدەۋىنشە اقش ەكونوميكاسىنىڭ دامۋى جىلجىمايتىن م ۇلىك رىنوگىنداعى وسىمگە تىكەلەي بايلانىستى. سونىمەن بىرگە, ەكونوميست سوڭعى كەزدە ەلدىڭ فەدەرالدىق رەزەرۆ جۇيەسى قابىلداعان شارالاردىڭ تيىمدىلىگى تومەندەپ كەتكەنىن, ال جۇمىس ورىندارى بارعان سايىن قىسقارىپ بارا جاتقاندىعىن العا تارتادى.
بريتانيادا جىلجىمايتىن م ۇلىك قىمباتتادى
Halifax.co.uk سايتىنىڭ حابارلاۋىنشا, بريتانيادا اقپان ايىندا جىلجىمايتىن م ۇلىككە باعانىڭ ءوسىمى بايقالىپتى. بۇل قىمباتشىلىق ءالى دە جالعاسا بەرمەك.
ساراپشىلاردىڭ ايتۋىنا قاراعاندا, باعا ءبىر ايعا شاققاندا 0,5 پايىزعا دەيىن كوتەرىلىپ, 163,6 مىڭ فۋنت ستەرلينگكە جەتكەن. ال جىلدىق كورسەتكىشتەرمەن ەسەپتەگەندە, 2,1 پايىزعا ارتقان.
«تۇرعىن ءۇي باعاسىنىڭ بۇلايشا قىمباتتاۋىنا سوڭعى ايلاردا جىلجىمايتىن م ۇلىك رىنوگى قىزمەتىنىڭ ءبىرشاما جاقسارۋى اسەر ەتىپ وتىر دەيدى, Halifax ەكونوميسى مارتين ەلليس. سونداي-اق, ول ۇستىمىزدەگى 2013 جىلدا جىلجىمايتىن م ۇلىككە باعا ءالى دە وسەتىنىن بولجاپ وتىر. مارتين ەلليس سونىمەن قاتار, حالىقتىڭ تابىسى ازايىپ جانە دە ەلدىڭ ەكونوميكالىق ءوسىمىنىڭ تومەندەۋى تۇرعىن ءۇي ساۋداسىنا ءبىرشاما كەرى اسەرىن تيگىزىپ, سۇرانىستى ازايتاتىنىن مىسالعا كەلتىرىپتى.
Halifax مالىمەتتەرىنە سۇيەنسەك, سوڭعى ءۇش ايدا بريتانيادا تۇرعىن ءۇي جىلجىمايتىن م ۇلىگىنە باعا 1,9 پايىزعا وسكەن.
رەسەيدە جۇمىسسىزدىق ارتتى
Utro.ru سايتى رەسەيدە دە جۇمىسسىزدار سانى ارتقانىن حابارلادى. رەسەيدىڭ ەڭبەك جانە الەۋمەتتىك قورعاۋ مينيسترلىگىنىڭ دەرەكتەرىنە سۇيەنە وتىرىپ, 2013 جىلدىڭ 30 قاڭتارىنان 27 اقپانىنا دەيىنگى ارالىقتا ناقتى جۇمىسسىزدار سانى 3,36 پايىز, ياعني 35 مىڭ 983 ادامعا كوبەيىپ 1 ميلليون 105 مىڭ 645 ادامدى قۇرادى دەلىنگەن. مينيسترلىك جۇمىسسىزدار قاتارىنىڭ بۇلايشا ارتۋىنا ماۋسىمدىق فاكتور اسەر ەتىپ وتىر دەپ ءتۇسىندىرىپتى.
جۇمىسپەن قامتۋ ورتالىقتارىندا تىركەلگەن جاعدايعا سايكەس, جۇمىسسىزدىقتىڭ ءوسۋى 2013 جىلدىڭ اقپان ايىندا رەسەيدىڭ 81 وڭىرىندە بايقالعان. ونىڭ ىشىندە نەنەتس اۆتونوميالىق وكرۋگىندە, حاكاسيا رەسپۋبليكاسىندا, تىۆا رەسپۋبليكاسىندا, ساحالين وبلىسىندا, ەۆرەي اۆتونومياسى اۋماعىندا, ساحا رەسپۋبليكاسىندا تەز وسكەنى بەلگىلى بولىپ وتىر.
