شاراينا
بەيسەنبى, 14 ناۋرىز 2013 2:33
العاشقى تۋر پاپانى انىقتامادى
كونكلاۆ (كاردينالدار جينالىسى) داۋىس بەرۋدىڭ ءبىرىنشى تۋرىندا جاڭا ريم پاپاسىن سايلاي المادى. بۇعان سيكستين كاپەللاسىنىڭ شاتىرىنداعى مۇرجادان شىققان قارا ءتۇتىن دالەل بولىپ تابىلادى. ەگەر ۇمىتكەرلەردىڭ بىرەۋى كونكلاۆ قۇرامىنداعى 115 كاردينالدىڭ ۇشتەن ەكىسىنىڭ داۋىسىن العان جاعدايدا مۇرجادان اق ءتۇتىن شىعاتىن ەدى.
بەيسەنبى, 14 ناۋرىز 2013 2:33
العاشقى تۋر پاپانى انىقتامادى
كونكلاۆ (كاردينالدار جينالىسى) داۋىس بەرۋدىڭ ءبىرىنشى تۋرىندا جاڭا ريم پاپاسىن سايلاي المادى. بۇعان سيكستين كاپەللاسىنىڭ شاتىرىنداعى مۇرجادان شىققان قارا ءتۇتىن دالەل بولىپ تابىلادى. ەگەر ۇمىتكەرلەردىڭ بىرەۋى كونكلاۆ قۇرامىنداعى 115 كاردينالدىڭ ۇشتەن ەكىسىنىڭ داۋىسىن العان جاعدايدا مۇرجادان اق ءتۇتىن شىعاتىن ەدى.
ياعني, كانديداتتاردىڭ كايسىبىرى جەڭىسكە جەتۋ ءۇشىن ونى داۋىس بەرۋشىلەردىڭ 77-ءسى قولداۋى ءتيىس. جالپى, سايلاۋ قۇپيا تۇردە جۇرەدى. بۇعان دەيىن حابارلانعانىنداي, كاردينالدار وزدەرىنە ۇناعان ۇمىتكەرلەرگە كۇنىنە ءتورت مارتە داۋىس بەرەدى. داۋىس ەسەپتەلگەننەن كەيىن بيۋللەتەندەر جاعىپ جىبەرىلەدى. ال جاڭا پونتيفيكتى سايلاۋ قاجەتتىلىگى ريم پاپاسى بەنەديت XVI-نىڭ ۇستىمىزدەگى جىلدىڭ 28 اقپانىندا ءوز وكىلەتتىلىگىن توقتاتاتىنى تۋرالى جاريالاعاننان كەيىن تۋىنداعانى بەلگىلى.
وتىز قاشقىننىڭ كوزىن جويدى
سيريا ۇكىمەتى اسكەرلەرىنىڭ جاۋىنگەرلەرى وزدەرىنىڭ قىزمەت ورىندارىن رۇحساتسىز تاستاپ كەتىپ, ب ۇلىكشىلەرگە قوسىلماقشى بولعان 30-دان استام قاشقىننىڭ كوزىن جويدى. ۇرىس داماسك اۋەجايىن ەل استاناسىمەن جالعاستىرىپ جاتقان جول بويىندا ورىن الدى.
قاشقىندار ب ۇلىكشىلەردىڭ باقىلاۋىنداعى شىعىس گۋتا اۋدانى جاعىنا باعىت العان كەزدە بۇرىنعى سەرىكتەستەرى قۇرعان قاقپانعا تۇسكەن. تەز اياقتالعان اتىس بارىسىندا بارلىق قاشقىندار وققا ۇشسا, ب ۇلىكشىلەر ولارعا كومەككە كەلىپ ۇلگەرمەگەن. سوڭعى اپتالاردا اۋەجايعا اپاراتىن جول بويىنداعى سوعىس كۇشەيىپ وتىر. قارۋلى وپپوزيتسياشىلار ستراتەگيالىق ماڭىزدى ماگيسترالدى ءوز باقىلاۋلارىنا الۋعا ۇمتىلىپ, قايتا-قايتا شابۋىلداۋدا. بىراق ولارىنان ازىرشە ناتيجە شىعار ەمەس.
شابۋىل جاساماۋ كەلىسىمىن بۇزدى
سولتۇستىك كورەيا وڭتۇستىك كورەيامەن بىتىمگەرشىلىك تۋرالى كەلىسىمدى زاڭسىز دەپ تاپتى. بۇل تۋرالى سولتۇستىك كورەيا حالىقتىق قارۋلى كۇشتەر مينيسترلىگىنىڭ مالىمدەمەسىندە ايتىلادى. مينيسترلىك سونداي-اق بۇعان دەيىن حابارلانعان پحەنياننىڭ سەۋلمەن شابۋىل جاساماۋ تۋرالى كەلىسىمنەن شىعاتىنى تۋرالى حابارلامانى قۋاتتاعان.
حالىقتىق قارۋلى كۇشتەر مينيسترلىگى ەندى سەۋل مەن ۆاشينگتونداعى «سوعىس وتىن جاعۋشىلارعا» 1950-1953 جىلدارداعى كورەي سوعىسىنان كەيىن جاسالعان بىتىمگەرشىلىك كەلىسىمىنەن شىققان سوڭ كحدر موينىنا ەشقانداي جاۋاپكەرشىلىك المايتىنىن ەسكەرۋلەرى ءتيىس ەكەندىكتەرىن ەسكەرتەدى. سونىمەن قاتار, پحەنيان وزىنە اقش پەن باسقا دا الەمدىك دەرجاۆالاردىڭ قىسىمىنا قارسى تۇرۋعا مۇمكىندىك بەرەتىن ءوزىنىڭ يادرولىق قارۋلارىن دامىتۋ نيەتىندە ەكەنىن اتاپ كورسەتەدى.
قىسقا قايىرىپ ايتقاندا:
قىزمەت بابىن اسىرا پايدالانعانى ءۇشىن 7 جىلعا سوتتالىپ, مەرزىمىن وتەپ جاتقان ۋكراينانىڭ بۇرىنعى پرەمەر-ءمينيسترى يۋليا تيموشەنكو 2015 جىلعا بەلگىلەنگەن پرەزيدەنتتىك سايلاۋعا بالامالى تۇردە تۇسۋگە نيەتى بار ەكەنىن مالىمدەدى.
بەلورۋسسيا پرەزيدەنتى الەكساندر لۋكاشەنكو شەنەۋنىكتەرگە 25 مىڭ ەۋرودان قىمبات تۇراتىن قىزمەت اۆتوكولىكتەرىن ساتىپ الۋعا تىيىم سالدى. مۇنى پرەزيدەنتتىڭ ءباسپاسوز قىزمەتىنە سىلتەمە جاساي وتىرىپ, «ينتەرفاكس-زاپاد» اگەنتتىگى حابارلادى.
كامچاتكا ولكەسىنىڭ سولتۇستىگىندەگى كاراگين اۋدانىنداعى يلپىرسكوە سەلوسىنان 30 شاقىرىم جەردە ماگنيتۋداسى 6,5 بالل بولاتىن جەر سىلكىنىسى تىركەلدى. بۇل تابيعي قۇبىلىستان زارداپ شەككەندەر تۋرالى مالىمەت جوق.
رەسەيدىڭ بەلگورود قالاسىنداعى الاڭداردىڭ بىرىنە ورناتىلعان لەنين ەسكەرتكىشى قيراتىلدى. ونىڭ ەسكەرتكىشىن ورنىنان الۋ تۋرالى شەشىمدى بەلگورود قالالىق كەڭەسىنىڭ دەپۋتاتتارى قابىلداعان ەكەن. ەندى لەنيننىڭ ورنىنا قالا تاريحىنا قاتىسى بار باسقا ءبىر ەسكەرتكىش قويىلماق.
ۇزدىك كاسىپكەرگە – 7 جىل تۇرمە
وزبەكستاندا جەرگىلىكتى بيزنەسمەن حوليسحون بوبوەۆا «قارجى-شارۋاشىلىق جانە سالىق زاڭناماسى سالاسىندا جاساعان» قىلمىسى ءۇشىن جەتى جىلعا باس بوستاندىعىنان ايىرىلدى. «تسەنترازيا» باسىلىمىنىڭ جازۋىنشا, ونداي ۇكىمدى جىزاق قالالىق سوتى شىعارعان.
قالالىق سوتتىڭ قىلمىستىق ىستەر جونىندەگى توراعاسى كاحرامون حولمۋرودوۆتىڭ سوزىنە قاراعاندا, بوبوەۆا باسشىلىق جاسايتىن جەكە مەنشىك كومپانيانى تەكسەرۋ بارىسىندا كوپتەگەن زاڭ بۇزۋشىلىقتار انىقتالعان. سونىمەن قاتار, باسىلىم بوبوەۆانىڭ بىلتىر عانا رەسپۋبليكالىق كونكۋرستا «ۇزدىك كاسىپكەر» نوميناتسياسى بويىنشا جەڭىسكە جەتكەنىن جازادى. ال كونكۋرس وزبەكستان پرەزيدەنتى يسلام كاريموۆتىڭ قولداۋىمەن ۇيىمداستىرىلىپتى.
لاتۆيادا ءتىرى لەگيونەرلەر قانشا؟
قازىرگى كەزدە لاتۆيادا SS-ءتىڭ 75 بۇرىنعى لەگيونەرى تۇرىپ جاتىر ەكەن. مۇنداي اقپاراتتى لاتۆيا ۋنيۆەرسيتەتىنىڭ وقىتۋشىسى, الەۋمەتتانۋشى ديدزيس بەرزينش تاراتتى. بۇگىندە ول لەگيونەرلەرگە ارنالعان الەۋمەتتىك زەرتتەۋلەر جۇرگىزىپ جاتسا كەرەك.
الەۋمەتتانۋشىنىڭ سوزىنە قاراعاندا, لاتىش لەگيونەرىنىڭ بىرجاقتى پورترەتىن سالىپ شىعۋ مۇمكىن ەمەس, ويتكەنى, ولاردىڭ ارقايسىسىنىڭ ءوز تاريحى بار. سەبەبى, ولاردىڭ كوپشىلىگى وزدەرىن تاۋەلسىزدىك ءۇشىن كۇرەسىپ ءجۇرمىز دەپ ساناعان. سوندىقتان ولاردىڭ پىكىرىن وزگەرتۋ قيىننىڭ قيىنى. ال تاريح ماسەلەنىڭ باسقاشا ەكەنىن كورسەتىپ بەرىپ وتىر. الايدا, ولاردىڭ ءبارى قىلمىسكەر دەۋگە تاعى كەلمەيدى, دەيدى د. بەرزينش. لاتىش لەگيونى 1943 جىلى قۇرىلعان بولاتىن.
سولداتتى توناعاندار جازالاندى
تاجىكستاننىڭ قورعانتوبە قالاسىنداعى رەسەيدىڭ اسكەري بازاسىنىڭ اسكەري قىزمەتكەرلەرىن توناعان ەكى جەرگىلىكتى تۇرعىنعا ۇكىم شىعارىلدى. سوت شەشىمى بويىنشا ولاردىڭ ارقايسىسى 10,5 جىلدان باس بوستاندىقتارىنان ايىرىلدى.
تەرگەۋ دەرەكتەرىنە سۇيەنسەك, توچيددين نازاروۆ پەن ۆيكتور ولەينيك نيكولاي الەكساندروۆتىڭ اسكەري بيلەتى مەن باسقا دا قۇجاتتارىن, سونداي-اق 625 دوللارىن تارتىپ العان. قۇجاتتارىن قايتارىپ بەرۋ ءۇشىن ولار سولداتتان 13 مىڭ رۋبل تالاپ ەتكەن. الەكساندر گورەلكين دە قىلمىسكەرلەردىڭ قۇرباندىعىنا اينالعان. نازاروۆ پەن ولەينيك ونىڭ 10 مىڭ ءرۋبلىن الىپ قويعان. وزگە دە بىرنەشە سولداتقا الىمجەتتىك جاساعان. قىلمىسكەرلەردىڭ قانداي جاعدايدا قولعا تۇسكەنى بەلگىسىز.
ينتەرنەت ماتەريالدارى
نەگىزىندە ازىرلەندى.
