ۋگو چاۆەس قايتىس بولدى
بەيسەنبى, 7 ناۋرىز 2013 7:41
ۆەنەسۋەلانىڭ ۆيتسە-پرەزيدەنتى نيكولاس مادۋرو ۇلتقا تەلەۇندەۋىندە ەل پرەزيدەنتى ۋگو چاۆەستىڭ راك اۋرۋىنان قايتىس بولعانىن حابارلادى. مادۋرو, سونداي-اق, چاۆەستىڭ سەيسەنبى كۇنى جەرگىلىكتى ۋاقىت بويىنشا 16 ساعات 25 مينۋتتا كوز جۇمعانىن جاريا ەتتى. بۇدان بىرنەشە ساعات بۇرىن ۆەنەسۋەلا باسشىلىعى پرەزيدەنتتىڭ دەنساۋلىعى «جاڭا اۋىر ينفەكتسيادان» ايتارلىقتاي ناشارلاپ كەتكەنىن مويىنداعان بولاتىن.
بەيسەنبى, 7 ناۋرىز 2013 7:41
ۆەنەسۋەلانىڭ ۆيتسە-پرەزيدەنتى نيكولاس مادۋرو ۇلتقا تەلەۇندەۋىندە ەل پرەزيدەنتى ۋگو چاۆەستىڭ راك اۋرۋىنان قايتىس بولعانىن حابارلادى. مادۋرو, سونداي-اق, چاۆەستىڭ سەيسەنبى كۇنى جەرگىلىكتى ۋاقىت بويىنشا 16 ساعات 25 مينۋتتا كوز جۇمعانىن جاريا ەتتى. بۇدان بىرنەشە ساعات بۇرىن ۆەنەسۋەلا باسشىلىعى پرەزيدەنتتىڭ دەنساۋلىعى «جاڭا اۋىر ينفەكتسيادان» ايتارلىقتاي ناشارلاپ كەتكەنىن مويىنداعان بولاتىن.
جەلتوقسان ايىنىڭ ورتاسىندا چاۆەس قاتەرلى ىسىكتى سىلىپ تاستاۋ بويىنشا گاۆانادا ءتورتىنشى مارتە وتا ۇستەلىنە جاتۋعا ءماجبۇر بولعان ەدى. كەيىن ونىڭ اۋرۋى اسقىنۋىنا بايلانىستى ۇزاق ۋاقىت بويى كۋبا استاناسىندا قالۋىنا تۋرا كەلگەنى, ۆەنەسۋەلاعا تەك اقپان ايىنىڭ ورتاسىندا عانا ورالعانى بەلگىلى بولدى. سىرقاتىنا بايلانىستى چاۆەس ءوزىنىڭ يناۋگۋراتسياسىنا دا قاتىسا المادى.
تاعى ءبىر ايتا كەتەتىن جايت – سوڭعى وتاسىنان سوڭ چاۆەس ءبىردە-ءبىر مارتە ەل الدىندا, سونداي-اق, تەلەديداردان كورىنگەن جوق. ۆەنەسۋەلا باسشىلىعى بار بولعانى ونىڭ وتادان كەيىنگى سۋرەتتەرىن كورسەتۋمەن شەكتەلدى. بۇل جايت ەل پرەزيدەنتى توڭىرەگىندە ءتۇرلى وسەك-اياڭ تۋىنداۋىنا سەبەپ بولدى. رەسمي مالىمەت چاۆەس سىرقاتىنان ايىعىپ كەلە جاتىر دەسە, جۇرتشىلىق ونىڭ جاعدايى اسا اۋىر ەكەن دەگەن سوزدەرگە ەرىك بەردى.
چاۆەستىڭ قاتەرلى ىسىك اۋرۋىنا ۇشىراعانى 2011 جىلدىڭ باسىندا بەلگىلى بولعان-تىن. سودان كەيىن وعان كۋبادا ەكى مارتە – 2011 جىلدىڭ باسىندا جانە 2012 جىلدىڭ العاشقى جارتىسىندا وتالار جاسالدى. سونداي-اق, ول حيميالىق تەراپيانىڭ بىرنەشە كۋرسىنان ءوتتى. سىرقاتىنا قاراماستان, چاۆەس وتكەن جىلدىڭ قازان ايىندا كەزەكتى رەت پرەزيدەنتتىك سايلاۋدا جەڭىسكە جەتكەن ەدى.
59 جاستاعى چاۆەس 1999 جىلدان بەرى ۆەنەسۋەلانىڭ پرەزيدەنتى بولاتىن.
