اسكەري قىزمەتشىلەر اتالمىش ءىس-شارانى ماڭىزدىلىعى مەن جوعارى جاۋاپكەرشىلىگىن ۇعىنا وتىرا, سايلاۋ قورتىندىسىن تاريحي وقيعا دەپ تابۋدا.
اقتاۋ قالاسىندا اسكەري قىزمەتشىلەر ءۇشىن 25744 اسكەري بولىمىندە جەكە سايلاۋ ۋچاسكەسى قۇرىلسا, اتىراۋ جانە اقتوبە گارنيزونىنىڭ اسكەري قىزمەتشىلەرى وزدەرىنىڭ تۇرعىلىقتى تىركەلۋ ورىندىرىندا داۋىس بەردى. اسكەري قىزمەتشىلەردىڭ باسىم بولىگى ءۇشىن بۇل العاشقى پرەزيدەنت سايلاۋىنا قاتىسۋ بولىپ وتىر, اسىرەسە 1500-نان استام مەرزىمدىك قىزمەتتەگى ساربازدار ءۇشىن. ولاردىڭ ءبىرى - كوكتەمگى شاقىرىلىمدا الماتىدان كەلگەن قاتارداعى جاۋىنگەر سانجار اديلباەۆ.
-وسى سايلاۋدا, بىزدەر تەك قانا ەلىمىزدىڭ پرەزيدەنتىن ەمەس, قارۋلى كۇشتەردىڭ جوعارى قولباسشىسىن سايلاۋدامىز. سوندىقتان مەن, ەلىمىزدىڭ بولاشاعى ءۇشىن دۇرىس شەشىم قابىلدادىم دەپ سانايمىن, دەدى ول.
كەيبىر اسكەري قىزمەتشىلەر, تاڭ اتاسىمەن سايلاۋ ۋچاسكەسىنە وتباسىمەن بىرگە كەلىپ جەتتى, ولاردىڭ ءبىرى 41433 اسكەري ءبولىمىنىڭ سەرجانتى 2 سىنىپتى سەرجانت باعدات بايسەريكوۆ. ول اتىراۋ قالاسىنداعى № 21 سايلاۋ ۋچاسكەسىندە ءبىرىنشى بولىپ بيۋللەتەندى ۋرناعا تاستادى.
تاڭ اتىسىمەن, «باتىس» وڭىرلىك قولباسشىلىعىنىڭ اسكەرلەرى قولباسشىسى پولكوۆنيك نۇرلان الدياروۆ, اسكەري ءبولىم كومانديرلەرى مەن باسقارام وفيتسەرلەرى ءوز تاڭداۋلارىن جاساپ, سايلاۋعا قاتىستى.
