09 ماۋسىم، 2019

ءۇش ساعاتتا شىعىس قازاقستان تۇرعىندارىنىڭ 15 پروتسەنتى داۋىس بەردى

538 رەت كورسەتىلدى

وبلىستىق سايلاۋ كوميسسياسى توراعاسىنىڭ ورىنباسارى ەلدار تولەۋبەكوۆتىڭ ايتۋىنشا، وڭىردە 1040 سايلاۋ ۋچاسكەسى قۇرىلعان.



قازاقستان رەسپۋبليكاسى كەزەكتەن تىس پرەزيدەنت سايلاۋىنا شىعىسقازاقستاندىقتار بەلسەندى قاتىسىپ جاتىر. وبلىستىق سايلاۋ كوميسسياسى توراعاسىنىڭ ورىنباسارى ەلدار تولەۋبەكوۆتىڭ ايتۋىنشا، وڭىردە 1040 سايلاۋ ۋچاسكەسى قۇرىلعان. «سايلاۋ كوميسسيالارى مۇشەلەرىنىڭ سانى - 6770. ولار وزدەرىنىڭ جۇمىستارىن باستاپ كەتتى. ال داۋىس بەرۋشىلەردىڭ جالپى سانى ميلليونعا جۋىق. قازىرگى، ساعات 10-داعى جاعداي بويىنشا ايتار بولساق، شامامەن وبلىس تۇرعىندارىنىڭ 15،5 پروتسەنتى داۋىس بەردى. بۇل رەتتە بەسقاراعاي، گلۋبوكوە، كاتونقاراعاي، اباي اۋداندارى بەلسەندىلىك تانىتۋدا» دەيدى ول.

ال وبلىس ورتالىعى – وسكەمەن قالاسىندا 120 سايلاۋ ۋچاسكەسى جۇمىس ىستەپ تۇر. «بۇل سايلاۋ ۋچاسكەلەرىنە 244 667 سايلاۋشى تىركەلگەن. 8000-عا جۋىق مۇمكىندىگى شەكتەۋلى ازامات بۇگىن ۇيدە داۋىس بەرۋ مۇمكىندىگىنە يە بولادى. قازىرگى ۋاقىتتا قالادا قازاقستاننىڭ 112 تاۋەلسىز باقىلاۋشىلارى، سونداي-اق ەقىۇ، تمد، شىۇ جانە باسقا دا ۇيىمداردىڭ حالىقارالىق باقىلاۋشىلارى ميسسيالارى جۇمىس ىستەيدى. سايلاۋ ۋچاسكەلەرىنىڭ جۇمىسى ءۇزىلىسسىز ساعات 20: 00-گە دەيىن جالعاسادى» دەيدى وسكەمەن اۋماقتىق سايلاۋ كوميسسياسىنىڭ توراعاسى فارحاد قۇرمانوۆ.


وسكەمەن

سوڭعى جاڭالىقتار

ۇقساس جاڭالىقتار