جاماعات كوتەرگەن ۇندەۋگە وبلىستىق, اۋداندىق ءماسليحاتتىڭ دەپۋتاتتارى, كاسىپكەرلەر قولداۋ كورسەتىپ, اركىم شاما-شارقىنشا اقشا اۋدارعان. جينالعان 10 ملن. تەڭگەگە ايتەكە بي كەنتىنەن بەس وتباسىعا تۇرعىن ءۇي سالىنعان. قارجىدان بولەك جەكەلەگەن ازاماتتار قۇرىلىس ماتەريالدارىن جەتكىزىپ بەرگەن ەكەن.
اۋداندىق اكىمدىك تاراپىنان ەلەكتر جۇيەسى, اۋىز سۋ, گاز جانە كارىز جۇيەلەرىن جۇرگىزۋگە كومەك بەرىلگەن.
وسىناۋ قۋانىشتى بولىسۋگە كەلگەن اۋدان اكىمى مۇرات ەرگەشباەۆ ساۋاپتى ىسكە مۇرىندىق بولعان «اسىل يمان يحسان» قايىرىمدىلىق قورىنىڭ باستاۋىنداعى ازاماتتارعا كوپشىلىك اتىنان راحمەتىن ايتتى.
– ءبىز ەرتەدەن-اق كومەككە مۇقتاج ادامعا قولداۋ كورسەتىپ, قايىرىمدىلىق جاساعان, جەتىمى مەن جەسىرىن جىلاتپاعان حالىقپىز. قازىر دە اتا-بابا داستۇرىنەن اينىماي, اۋدان كولەمىندەگى تۇرمىسى تومەن وتباسىلارعا, جەتىم-جەسىرلەر مەن مۇمكىندىگى شەكتەۋلى جاندارعا قايىرىمدىلىق كومەكتەر كورسەتىلىپ كەلەدى. ماسەلەن, اۋداندا جىل باسىنان بەرى تۇرمىستىق جاعدايى تومەن 2300-گە جۋىق وتباسىعا 6 ملن 873,2 مىڭ تەڭگەنىڭ كومەگى كورسەتىلدى. سونداي-اق, جاناشىر جانداردىڭ قولداۋىمەن بىرقاتار وتباسىلارعا ازىق-ت ۇلىك پەن كيىم-كەشەكتەر الىپ بەرىلدى, – دەدى ول.
ال, قازاقستان مۇسىلماندار ءدىني باسقارماسىنىڭ قىزىلوردا وبلىسى بويىنشا وكىلى بولاتبەك ۇلاسقان دا قايىرىمدىلىق شاراسىنا قاتىسىپ, كوپتىڭ باتاسىن العان ازاماتتارعا ريزاشىلىعىن ءبىلدىردى.
قايرىمدىلىق حالقىمىزدىڭ بويىنا بىتكەن اسىل قاسيەت. كەي جەرلەردە بارلىق جۇمىستى ۇكىمەتتىڭ موينىنا ارتىپ قويىپ, كەتپەننىڭ سابىنان قاراۋىل قارايتىندار جەتىپ ارتىلادى. اۋىزدىعا ءسوز, اتتىلىعا تىزگىن بەرمەيتىن وندايلار بار كىنانى مەملەكەتتەن ىزدەپ, جۇرتتى دۇرلىكتىرىپ جۇرەدى. ۇكىمەتتىڭ وسى باعىتتا قولعا العان باعدارلامالارىن كوزگە ىلگىسى كەلمەيدى. بۇل, ارينە, دۇرىس ەمەس. ءوز مەملەكەتىڭ, ءوز وتانىڭنىڭ شاماسى جەتپەي جاتقان جۇگىنىڭ ءبىر جاعىن تەڭدەۋ, قولىنان كەلگەنشە كومەكتەسۋ ءار قازاقستاندىقتىڭ ازاماتتىق بورىشى. قازالىلىق ازاماتتاردىڭ رامازان ايىنان كەيىنگى ساۋاپتى تىرەگى وزگە دە وڭىرلەرگە ۇلگى بولسا ەكەن دەپ تىلەدىك.
كوپ بالالى ءۇي-ەلىمىزدىڭ كەلەشەگى, دەموگرافيالىق احۋالىمىزدى جاقسارتۋعا تىكەلەي ۇلەس قوسىپ وتىرعان وتانداستارىمىز. «ۇيادا نە كورسەڭ, ۇشقاندا سونى ىلەسىڭ» دەگەن قاناتتى ءسوز بار. كۇنى ەرتەڭ وسى وتباسىلاردان قاناتتانىپ ۇشقان تاستۇلەكتەر اۋىلداستارى كورسەتكەن قامقورلىقتى ەش ۇمىتپايتىنى انىق. وزدەرى دە قايىرىمدىلىق قانىنا سىڭگەن ازاماتتار بولىپ وسەدى.
سوندىقتان, ولارعا سالىنىپ جاتقان ينۆەستيتسيا قازاقستان كەلەشەگىنىڭ كەمەلدىگىنە جۇمىس ىستەيدى دەپ سەنىممەن ايتۋعا بولادى.
