ەرتىس وزەنى جاعاسىنداعى ورتالىق جاعالاۋدىڭ تومەنگى بولىگىندە بوي كوتەرگەن «Ertis Promenade» ساحناسى تاڭقالارلىق.
ۇلكەن كەڭ LED-ەكرانى ء ىلىنىپ, جاعاجاي ساحناسى جارىق شاشاتىن ءتۇرلى يلليۋميناتسيالارمەن بەزەندىرىلگەن. وسى جەردە جاز بويى اپتا سايىن وتاندىق جانە شەتەلدىك انشىلەر ءان سالادى.
بيىلعى جازعى ماۋسىمىنىڭ اشىلۋىنا جەرلەس انشىلەر مەرۋەرت تۇسىپباەۆا, روزا مۇقاتاەۆا, رينات مالتساگوۆ جانە داميرا ماجيتوۆالار كەلدى. كوپشىلىكتىڭ ءسۇيىپ تىڭدايتىن اندەرىن شىرقاپ, جاقسى كوڭىل-كۇي سىيلادى.
تۇرعىندار وبلىستىق مادەنيەت, ارحيۆتەر جانە قۇجاتتاما باسقارماسىنىڭ رەسمي سايتىنداعى ساۋالناما ارقىلى «Ertis Promenade» جوباسىنا شاقىرىلاتىن جۇلدىزدى ۇسىنىپ, ءوز تاڭداۋلارىن دا جاساي الادى.
جاعالاۋدا سۋ بۇرقاقتار جارىسا توگىلەدى, جارىقشامدار جارقىرايدى. گۇلزارلار كوزدىڭ جاۋىن الادى. اباتتاندىرىلعان ەرتىس جاعالاۋىنىڭ ۇزىندىعى ەندى جىل سايىن قوسىلىپ, 7 شاقىرىمعا سوزىلادى.
قالا اكىمدىگىنىڭ مالىمەتىنشە, جاعالاۋداعى جوندەۋ جۇمىستارى دەمەۋشىلەردىڭ قاراجاتى ەسەبىنەن جۇرگىزىلۋدە. باسپالداقتارعا جينالمالى ورىندىقتار قويىلعان.
ۇيالى تەلەفوندى قۋاتتاۋ قۇرالدارى, تەگىن سىمسىز عالامتور جۇيەسى ءۇشىن بالامالى ەنەرگيا كوزدەرى ىسكە قوسىلعان.
اشىق اسپان استىنداعى ءدامحانالار ءۇشىن الاڭدار قۇرىلىپ, ساتىلار رەتكە كەلتىرىلىدى, ورىندىقتار جاسالدى.
جاعالاۋدىڭ لاندشافتىق ارحيتەكتۋرالىق كەيپىن جاقسارتۋ ءۇشىن جاڭا قورشاۋ قويىلىپ, رەترو ۇلگىسىندەگى قالقان بولشەكتەرى ورناتىلىپتى.
ەندى رەترو ستيلىندەگى ءدامحانا اشىلىپ, جاعالاۋ ءسانىن كەلتىرمەك.
قازىر ەرەكشە جاسالعان «چايكوFFسكي» شاعىن كافەسىندە كوفە مەن ءشاي بالمۇزداق, سۋسىندار ساتىلادى.
سۋرەتتى تۇسىرگەن: ۆالەري بۋگاەۆ
