شاراينا
بەيسەنبى, 31 قاڭتار 2013 7:39
دجون كەرريدىڭ كانديداتۋراسىن ماقۇلدادى
اقش كونگرەسىنىڭ جوعارعى پالاتاسى باسىم كوپشىلىك داۋىسپەن دجون كەرريدىڭ كانديداتۋراسىن مەملەكەتتىك دەپارتامەنت باسشىلىعى قىزمەتىنە تاعايىنداۋدى ماقۇلدادى. «فرانس-پرەسس» اقپارات اگەنتتىگىنىڭ حابارلاۋىنشا, د.كەرريدىڭ كانديداتۋراسىن 94 سەناتور جاقتاپ داۋىس بەرگەن, ءۇش سەناتور قارسى بولعان.
بەيسەنبى, 31 قاڭتار 2013 7:39
دجون كەرريدىڭ كانديداتۋراسىن ماقۇلدادى
اقش كونگرەسىنىڭ جوعارعى پالاتاسى باسىم كوپشىلىك داۋىسپەن دجون كەرريدىڭ كانديداتۋراسىن مەملەكەتتىك دەپارتامەنت باسشىلىعى قىزمەتىنە تاعايىنداۋدى ماقۇلدادى. «فرانس-پرەسس» اقپارات اگەنتتىگىنىڭ حابارلاۋىنشا, د.كەرريدىڭ كانديداتۋراسىن 94 سەناتور جاقتاپ داۋىس بەرگەن, ءۇش سەناتور قارسى بولعان.
اقش پرەزيدەنتى باراك وباما ماسساچۋسەتس شتاتىنان سەناتورلىققا سايلانعان دجون كەرريدى مەملەكەتتىك حاتشى قىزمەتىنە 2012 جىلعى جەلتوقساننىڭ ورتاسىندا ۇسىنعان ەدى. ەندى ول 2009 جىلدان بەرى مەملەكەتتىك حاتشى قىزمەتىن اتقارىپ كەلە جاتقان حيللاري كلينتوندى الماستىرادى. كلينتون ب.وباما پرەزيدەنتتىككە قايتا سايلانعاننان كەيىن ءوزىنىڭ وتستاۆكاعا كەتەتىنىن مالىمدەگەن بولاتىن. كەرري 2004 جىلى دەموكراتيالىق پارتيادان پرەزيدەنتتىك سايلاۋعا ءتۇسىپ, كىشى د.بۋشتان جەڭىلگەن ەدى.
ماليگە 350 اسكەري قىزمەتشى جىبەرمەك
ۇلىبريتانيا ماليدەگى اسكەري قيمىلدارعا قاتىسىپ جۇرگەن فرانتسۋز اسكەريلەرىنە قولداۋ كورسەتۋ ءۇشىن باتىس افريكاعا 350-گە جۋىق اسكەري قىزمەتشى جىبەرەتىن بولدى. بۇل جونىندە ۇلىبريتانيا پرەمەر-ءمينيسترى دەۆيد كەمەروننىڭ كەڭسەسى مالىمدەدى.
ۆۆس News-ءتىڭ جازۋىنا قاراعاندا, جىبەرىلەتىن اسكەري قىزمەتشىلەردىڭ 40-ى ماليلىك ارميانىڭ دايارلىعىن جاقسارتۋمەن اينالىساتىن بولادى. قالعاندارى كورشىلەس افريكالىق ەلدەرگە اسكەري كەڭەسشى رەتىندە قىزمەت كورسەتەدى. كەيبىر دەرەك كوزدەرى بويىنشا بىرقاتار ەلدەر ماليدەگى اسكەري ميسسياعا قارجىلاي دا كومەك بەرۋگە نيەت تانىتىپ وتىر.ونىڭ جالپى مولشەرى 445,5 ميلليون دوللاردى قۇرايدى. مىسالى, ەۋروپا وداعى – 67 ميلليون, جاپونيا – 120 ميلليون, اقش 96 ميلليون دوللار بولۋگە كەلىسكەن.
سايلاۋ ناۋقانىن 8 اي بۇرىن باستادى
اۆستراليانىڭ پرەمەر-ءمينيسترى دجۋليا گيللارد كەلەسى پارلامەنتتىك سايلاۋ ناۋقانىن كۇتپەگەن جەردەن مەرزىمىنەن ەرتە جاريالادى. سايلاۋ وسى جىلدىڭ 14 قىركۇيەگىندە وتكىزىلۋى ءتيىس. وسىلايشا بۇل مەملەكەت ەل تاريحىندا سايلاۋ ناۋقانىن تىم ەرتە باستاپ جىبەردى.
اۆستراليالىق باسىلىمداردىڭ جازۋىنشا, 12 تامىزدا ەليزاۆەتا ءىى-ءنىڭ وسى ەلدەگى رەسمي وكىلى گەنەرال-گۋبەرناتور كۆەنتين برايسقا باراتىن كورىنەدى. ونىمەن كەزدەسۋدە د.گيللارد پارلامەنتتى تاراتىپ, سايلاۋ وتكىزۋ تۋرالى وكىم شىعارۋدى ۇسىنباق. پرەمەر-مينيستر سەگىز ايدى قامتيتىن سايلاۋ ناۋقانى داۋ-دامايسىز وتەتىنىنە سەنىمدى. پارلامەنتتىك سايلاۋعا ءالى 226 كۇن بار. بۇل ەلدە پرەمەر-ءمينيستردىڭ سايلاۋدى تاعايىنداۋىنا جانە ونى وتكىزۋ مەرزىمىن جاريالاۋعا قۇقىعى بار. اۆستراليادا پارلامەنتتىك سايلاۋ 2010 جىلى وتكەن ەدى.
العاشقى زىمىرانىن عارىشقا شىعاردى
وڭتۇستىك كورەيانىڭ KSLV-1 زىمىرانى STSAT-2S جەر سەرىگىن وربيتاعا ويداعىداي شىعاردى. ولار بۇل جەر سەرىگىن رەسەيلىكتەردىڭ قاتىسۋىمەن جاساعان ەدى. بۇل جونىندە «ينتەرفاكس» اقپارات اگەنتتىگى حابارلادى.
بۇدان بۇرىن زىمىراننىڭ ءبىرىنشى جانە ەكىنشى باسقىشىندا ورىن العان اقاۋلارعا بايلانىستى اپپاراتتى ۇشىرۋ ەكى رەت كەيىنگە قالدىرىلعان بولاتىن. KSLV-1 زىمىرانىن العاش رەت 2009 جىلى ۇشىرعان ەدى. بىراق اقاۋ سالدارىنان جەر سەرىگى وربيتاعا شىعا الماي, اتموسفەرادا جانىپ كەتتى. ال ەكىنشى رەتتە دە وسىنداي جاعداي قايتالاندى.
80-گە جۋىق ادامنىڭ ءولى دەنەسى تابىلدى
سيريالىق كوتەرىلىسشىلەر الەپپوداعى كۋۆەيك وزەنىنەن 80-گە جۋىق ادامنىڭ ءولى دەنەسىن الىپ شىقتى. جەرگىلىكتى باسىلىمداردىڭ حابارلاۋىنشا, ولاردىڭ بارلىعى جاقىن قاشىقتىقتان باستان اتىپ ولتىرىلگەن.
ولتىرىلگەندەردىڭ بارلىعى ەر ادامدار بولعان, ولاردىڭ ەڭ ۇلكەنى 30 جاستا, ال ەڭ كىشىسى 11-12 جاستارداعى جاسوسپىرىمدەر كورىنەدى. وپپوزيتسياداعىلار وزەندە ءالى دە ونداعان ادامنىڭ دەنەسى جاتقاندىعىن ايتادى. ولاردى الىپ شىعۋعا قازىرگە بولمايدى, ويتكەنى, بۇل ۋچاسكەنى ۇكىمەتتىك اسكەرلەردىڭ مەرگەندەرى باقىلاۋعا العان. وزەننەن شىعارىلعان ءولى دەنەلەردىڭ كىمدىكى ەكەنى تەكسەرىلىپ جاتىر.
شەتەل ۆاليۋتالارىن ساتۋعا تىيىم سالدى
وزبەكستان بانكتەرىنە جەكە تۇلعالارعا شەتەل ۆاليۋتالارىن قولما-قول ساتۋعا تىيىم سالىندى. ول وسى جىلدىڭ 1 اقپانىنان باستاپ كۇشىنە ەنەدى.
«Bank.uz» باسىلىمىنىڭ حابارلاۋىنشا, بۇل جاڭا ەرەجە وزبەكستان پرەزيدەنتىنىڭ قاۋلىسىمەن بەكىتىلەتىن بولادى جانە سوعان بايلانىستى رەسپۋبليكانىڭ ورتالىق بانكى ەرەجە ازىرلەيدى. جاڭا ەرەجەگە سايكەس, ەندى شەتەل ۆاليۋتالارىن ساتۋ تەك قولما-قول اقشاسىز جۇزەگە اسىرىلادى. ول ءۇشىن جەكە تۇلعالار حالىقارالىق پلاستيكالىق كارتوچكا الۋى ءتيىس. سونىمەن بىرگە, ولاردا ۇلتتىق ۆاليۋتا – سۋممەن ەسەپ ايىرىساتىن بانكتىك كارتا بولۋى قاجەت.
قىسقا قايىرىپ ايتقاندا:
رەسەيلىك وپپوزيتسيونەر بوريس نەمتسوۆتى تەرگەۋ كوميتەتى جاۋاپ بەرۋگە شاقىردى. ونىڭ ادۆوكاتى ۆاديم پروحوروۆتىڭ ايتۋىنشا, ول «وڭشىل كۇشتەر وداعى» پارتياسىنداعى اقشا الاياقتىعىنا قاتىستى ءىس بويىنشا سۇرالادى.
ءيزرايلدىڭ اسكەري ۇشاقتارى سوڭعى ءبىر تاۋلىكتە وڭتۇستىك ليۆان اۋماعىمەن ءۇش رەت ۇشىپ وتكەن. بۇل جونىندە ليۆان اقپارات قۇرالدارى مالىمدەدى.
ميانما بيلىگى 25 جىل بويى جاپپاي شارالار وتكىزۋگە سالىنعان تىيىمدى الىپ تاستادى. كەزىندە بۇل ازاماتتاردىڭ قۇقىعى مەن ءسوز بوستاندىعىن بۇزۋ دەپ تانىلعان ەدى.
بولگارياداعى ەسىرتكى مافياسى باسشىلارىنىڭ ءبىرى – زلاتومير يۆانوۆ سوت عيماراتىنا كوتەرىلىپ كەلە جاتقان كەزدە وعان قارسى وق اتىلعان. ول اياعىنان جانە بۇيرەگىنەن جارالانعان.
ينتەرنەت ماتەريالدارى نەگىزىندە ازىرلەندى.
