ەلباسىنىڭ تاپسىرماسى بويىنشا قۇرىلعان جانە يمپورتتى الماستىرۋعا باعىتتالعان باعدارلامانى جۇزەگە اسىرۋ ماقساتىنا رەسپۋبليكالىق بيۋدجەتتەن 600 ملرد تەڭگە بولىنگەن. بۇل قارجىنىڭ 200 ملرد تەڭگەسى اگروونەركاسىپتىك كەشەندەگى ءوندىرىستى جانە قايتا وڭدەۋدى نەسيەلەندىرۋگە, 400 ملرد تەڭگەسى وڭدەۋشى ونەركاسىپكە جانە كەيبىر قىزمەت تۇرلەرىنە باعىتتالادى.
ايتا كەتۋ كەرەك, «الفارۋح Logistic» جشس جوباسى – «قاراپايىم زاتتار ەكونوميكاسى» باعدارلاماسى بويىنشا بۇگىنگى كۇندە رەسپۋبليكاداعى ەڭ ءىرى جوبا. سۋبسيديالاۋدىڭ ارقاسىندا كومپانيا قاراعاندىدا ءىرى ساۋدا-لوگيستيكالىق ورتالىق سالۋعا كىرىسكەن. بۇل ازىق-ت ۇلىك تاۋارلارىن ساقتاۋعا جانە تاسىمالداۋ شىعىندارىن قىسقارتۋ ەسەبىنەن ولاردىڭ باعاسىن تومەندەتۋگە مۇمكىندىك بەرەدى.
– بۇل جوبا وبلىس ەكونوميكاسىنا عانا ەمەس, جالپى قازاقستاننىڭ ەكونوميكاسىنا دا وڭ اسەرىن تيگىزەدى دەگەن ويدامىز. ءبىز ساپاسى جاعىنان يمپورتتىق تاۋارلاردان كەم تۇسپەيتىن, الايدا باعاسى اناعۇرلىم تومەنىرەك وتاندىق ءوندىرىس تاۋارلارىنا قول جەتكىزە الامىز, – دەيدى قاراعاندى وبلىسى بويىنشا «دامۋ» كاسىپكەرلىكتى دامىتۋ قورى» اق ءوف ديرەكتورى تيمۋر ەكەەۆ.
