جاستاردىڭ الدىندا سويلەگەن سوزىندە الماتى اكىمى باۋىرجان بايبەك قازاقستاننىڭ مەملەكەتتىك رامىزدەرى وتانعا, ەل تاريحى مەن مەملەكەتتىك تىلگە, مادەنيەت پەن داستۇرگە دەگەن شىنايى سۇيسپەنشىلىكتىڭ كورىنىسى ەكەنىن اتاپ ءوتتى.
سالتاناتتى شاراعا قاتىسقان قالا اكىمى باۋىرجان بايبەك وسىدان 27 جىل بۇرىن الماتىنىڭ ناق تورىندە اسا ماڭىزدى تاريحي وقيعا – تۇڭعىش رەت مەملەكەتتىك رامىزدەر قابىلداندى. تۋ, ەلتاڭبا مەن ءانۇران - حالقىمىزدىڭ ارمانى مەن اڭسارىنىڭ, دارحاندىعى مەن دارالىعىنىڭ, الەۋەتى مەن مۇمكىندىگىنىڭ جيىنتىق كورىنىسى, دەپ اتاپ ءوتتى. - بۇگىنگى قازاقستان - تۇراقتى دامىعان, وركەن جايعان مەملەكەت. سىزدەر, تاۋەلسىز قازاقستاننىڭ وسكەلەڭ ۇرپاقتارى تەرەڭ ءبىلىم, ەرەن ەڭبەك جانە ءوزارا توپتاسۋ ارقىلى وتانىمىزدى, ءبىلىم مەن عىلىمدى, ەكونوميكانى العا جىلجىتاسىڭدار. ەلباسى ءبىر سوزىندە «ءبىز تاۋەلسىزدىككە اڭساپ, زارىعىپ جەتتىك. ەندى سول تاۋەلسىزدىكتىڭ قاسيەتتى بەلگىلەرىن دە ەرەكشە قادىرلەۋىمىز, قاستەرلەۋىمىز كەرەك. ءاربىر ازامات قازاقستاننىڭ تۋىن, ەلتاڭباسىن, ءانۇرانىن تۇمارداي قاسيەت تۇتۋى قاجەت. ەلدىگىمىزدىڭ سىنالاتىن ءبىر تۇسى – وسى» - دەگەن ەدى. تۇڭعىش پرەزيدەنتىمىزدىڭ وسى ناقىل ءسوزىن ەلىمىزدىڭ ءاربىر ازاماتى جۇرەك تۇكپىرىندە ساقتاپ, اركەز جادىندا ۇستاپ, ورىنداۋى قاجەت» دەگەن قالا باسشىسى بارشا قاۋىمدى رامىزدەر كۇنىمەن قۇتتىقتادى.
سالتاناتتى جيىن سوڭى مەرەكەلىك كونتسەرتكە ۇلاستى.
الماتى
