«سوسنوۆىي بوردىڭ» ەمى دە ەرەكشە
سەنبى, 18 مامىر 2013 1:31
قوستاناي وڭىرىندەگى اراقاراعاي ورمانى نەگىزىنەن دالالى بولىپ كەلەتىن وسى ءوڭىردىڭ كەۋدەسىنە تاققان القاسى ىسپەتتى. ەرتەدە وسى ايماقتى جايلاعان بايلار اراقاراعاي ورمانىنىڭ كوكپەن تىرەسكەن قاراعايىنىڭ اراسىنا قىستا جىلقىسىن ىقتادى ەكەن. ورمانداعى كولدىڭ ەمدىك قاسيەتىن ادامدار ەرتە كەزدەن-اق بايقاعان. وسى ارانىڭ استىندا ەمدىك قاسيەتى وتە مول مينەرالدىق سۋدىڭ ۇلكەن قورى بار ەكەنىن عالىمدار وتكەن عاسىردىڭ 60-70 جىلدارى اراسىندا انىقتادى.
سەنبى, 18 مامىر 2013 1:31
قوستاناي وڭىرىندەگى اراقاراعاي ورمانى نەگىزىنەن دالالى بولىپ كەلەتىن وسى ءوڭىردىڭ كەۋدەسىنە تاققان القاسى ىسپەتتى. ەرتەدە وسى ايماقتى جايلاعان بايلار اراقاراعاي ورمانىنىڭ كوكپەن تىرەسكەن قاراعايىنىڭ اراسىنا قىستا جىلقىسىن ىقتادى ەكەن. ورمانداعى كولدىڭ ەمدىك قاسيەتىن ادامدار ەرتە كەزدەن-اق بايقاعان. وسى ارانىڭ استىندا ەمدىك قاسيەتى وتە مول مينەرالدىق سۋدىڭ ۇلكەن قورى بار ەكەنىن عالىمدار وتكەن عاسىردىڭ 60-70 جىلدارى اراسىندا انىقتادى. قازىر وسىندا ورنالاسقان «سوسنوۆىي بور» ساناتوريىندە گاستريت, ەزوفاگيت, اسقازان جانە ون ەكى ەلى ىشەك جاراسى, كوليت, حولەتسيستيت, پانكرەاتيت سياقتى اسقازان-ىشەك اۋرۋلارىنان ەمدەيدى. سۋدىڭ دەمىكپەدەن, قولقا مەن سوزىلمالى پنەۆمونيادان زارداپ شەگەتىندەرگە, راديكۋليت, پوليارتريت سياقتى تىرەك-قوزعالىس اپپاراتى, بۋىن اۋرۋلارىنا, سەمىزدىككە جانە قانت اۋرۋىنا قارسى, اللەرگيا جانە ەكزەما, پسورياز, نەيرودەرماتيت سەكىلدى تەرى اۋرۋلارىنا, ادنەكسيت, بەدەۋلىك, ايەلدەردىڭ تاعى باسقا دا گينەكولوگيالىق اۋرۋلارىنا, گايموريت, فارينگيت, لارينگيت, وتيت, تونزيليت سياقتى تاماق, مۇرىن, قۇلاق اۋرۋلارىنا, ءزار جانە جىنىس جولدارى اۋرۋلارىنىڭ پروستاتيت, ەنۋرەز, بەلسىزدىك تۇرلەرىنە شيپاسى وتە مول. ەمنىڭ بارلىعى, ارينە, مينەرالدىق سۋ شيپاسىنىڭ ارقاسىندا مۇمكىن بولادى.
ادەتتە, كوپتەگەن ساناتوريلەردە تەك ەمدىك سۋ نەمەسە بالشىق قانا بولادى. ال «سوسنوۆىي بوردا» ءبارى دە بار. مۇنىڭ تەك سۋى عانا ەمەس, اۋاسىنىڭ ءوزى شيپا. ءيا, تابيعاتتىڭ ءوزى – ەمشى. مامىر ايىندا قاراعاي بۇرشىك اتا باستاعاندا ورمان ىشىندە سەرۋەندەۋ جۇرەك-قان تامىرلارى, دەمالۋ ورگاندارى اۋىراتىندارعا وتە پايدالى. فيتونتسيدتەرگە وتە باي قاراعاي بۇرشىكتەرىنىڭ سۋىق ءتيىپ اۋىرا بەرەتىندەر ءۇشىن ەمدىك قاسيەتى مول. مۇنى دارىگەرلەر «تابيعي باروكامەرا» دەپ ءجيى ايتادى. قىلقان جاپىراقتىلار جانە قايىڭى ارالاس ورمان وتتەگىن مول بولەتىنى بەلگىلى. ورماندا سەرۋەندەۋ قىسى-جازى پايدالى. ءساناتوريدىڭ بالشىعىنىڭ دا ەمدىك قاسيەتى وتە جوعارى. ونى كوبىنە بۋىن اۋرۋلارىنا پايدالانىلادى.
ساناتوريدە دەمالۋشىلاردى جوعارى بىلىكتى تەراپەۆت, كارديولوگ, گاستروەنتەرولوگ, نەۆروپاتولوگ, گينەكولوگ, مانۋالدىق تەراپەۆت, ۋرولوگ, فيزيوتەراپەۆت ءدارىگەرلەر قابىلدايدى. ولار ادامدارعا اۋرۋىنا قاراي ەم كۋرسىن جانە پروفيلاكتيكالىق شارالاردى بەلگىلەپ بەرەدى. شيپاجايدا قازىرگى زامانعى كلينيكالىق-دياگنوستيكالىق زەرتحانا جۇمىس ىستەيدى. وندا دەمالۋشىلار ەكگ, ۋزي اپپاراتتارىنان وتە الادى, قاننىڭ بيوحيميالىق تالداماسىن الادى.
ساناتوريدەگى سۋمەن ەمدەۋدىڭ ورنى ءتىپتى بولەك. مۇنداعى مينەرالدىق سۋ اعزاعا ەمدىك اسەرىن بەرەدى. ول ەڭ الدىمەن جۇرەك-قان تامىرلارى جۇيەسىنىڭ جۇمىسىن, زات الماسۋ ۇدەرىسىن جانە ەندوكريندىك بەزدەردىڭ قىزمەتىن جاقسارتادى. مينەرالدىق سۋ ۆاننالارىنىڭ پانتالىق, يود-برومدىق, سكيپيدارلىق, مايقاراعايلىق سياقتى نەشە ءتۇرى بار. سونىمەن قاتار, بالمەن, شوپپەن, شوكولادپەن وراپ ەمدەۋ, ءشوپ ۆاننالارى دەمالۋشىلارعا قاتتى ۇنايدى. ساناتوريدەگى فيزيوەمدەردىڭ دە بەرەتىن شيپاسى مول. دەمالۋشىلار ماگنيتتىك, لازەرلىك, وزاكەريتتىك ەمدەر, ەلەكتروفارەز, ۋلترادىبىس, دارىلىك ينگالياتسيا, فونوفارەز, تۇز شاحتاسى سياقتى تولىپ جاتقان ەم الادى. دەمالۋشى ءۇزۋ (ماسساج) ەمىنىڭ كلاسسيكالىق, قىتاي ادىسىمەن, شىعىس تاسىلىمەن, اروماتتىق سياقتى بىرنەشە ءتۇرىن الۋىنا بولادى.
ساناتوريدە ەمنىڭ جاڭا تۇرلەرى تولىقتىرىلىپ وتىرادى. ەمدىك كابينەتتەر قازىرگى زامانعى وزىق مەديتسينالىق قۇرالدارمەن جابدىقتالادى. ولاردىڭ جاڭارتىلۋى, جاڭعىرتىلۋى دەمالۋشىلارعا كورسەتەر قىزمەتتەر ساپاسىن جاقسارتا تۇسەدى. بيىل ساناتوريدە ەمنىڭ تاعى دا جاڭا ءتۇرى پايدا بولدى. كومىرقىشقىل ۆانناسى – شيپاجايداعى جاقسى جاڭالىقتىڭ ءبىرى.
– بۇل ۆاننا تامىردىڭ تارىلۋىنا قارسى ەم بەرەدى. جۇرەك-قان تامىرلارى اۋرۋىنان, اسىرەسە, اياق تامىرلارىنىڭ شىعىپ كەتۋىنەن (ۆاريكوز) زارداپ شەگەتىندەر ءايەلدەرگە شيپاسى مول, – دەيدى ساناتوريدىڭ باس دارىگەرى ايگۇل مىرزابەكوۆا. كومىرقىشقىل ۆانناسى كابينەتىنىڭ الدىندا بىرنەشە كىسى كەزەك كۇتىپ وتىر.
– پەتروپاۆل قالاسىنان كەلدىم. اياعىمنىڭ تامىرى شىعىپ عانا قويماي, قانقاقساپ اۋىراتىن. ماعان ساناتوري دارىگەرلەرى بىردەن كومىرقىشقىل ۆانناسى ەمىن ۇسىندى. ونى ءبىر قابىلداعاندا-اق اياعىم اۋرۋىن قويدى. تامىردى كەڭەيتەتىن شيپاسى بار ەكەن. جانىم كىرىپ قالدى, – دەيدى تاتيانا چوريموۆا. ونىڭ جانىندا وتىرعان بەكجانوۆا عاليا دا وسى ەمنىڭ تۇرىنە ءدان ريزا.
– مەن قوستانايدىڭ اۋليەكول اۋدانىنان كەلدىم. دەمىكپەمەن اۋىرامىن ءارى «ۆاريكوز» دەگەن اۋرۋ دا اياعىمدى باستىرمايتىن. كومىرقىشقىل ۆانناسىن ءبىر قابىلداعاندا اياعىمنىڭ اۋرۋىن ساپ تيدى. بۇل ەم دەمىكپەگە دە جاقسى ەكەن. ءوزىمدى سونداي جاقسى سەزىنىپ قالدىم, – دەيدى عاليا. ساناتوريدەگى دەمالۋشىلاردىڭ قايسىسىمەن تىلدەسسەڭ دە ونىڭ ەم تۇرلەرىن, دارىگەرلەر مەن باسقا دا قىزمەتكەرلەردىڭ قىزمەت كورسەتۋ مادەنيەتىنىڭ جوعارىلىعىن, تاماعىنىڭ, جاتار ورنىنىڭ دا ۋاقىت تالابىنا ساي ەكەندىگىن ايتا جونەلەدى. ولار «كەلەر جىلى تاعى دا كەلەمىن» دەپ ايتىپ جاتادى. ساناتوري كەلۋشىلەردى قاشان دا جاقسى قارسى الادى.
ساناتوريگە جولداما جانە الدىن الا ورىن ساقتاتىپ قويۋ جونىندە ماركەتينگ جانە ساتۋ ءبولىمىنىڭ: 8(714-45) – 3-33-09, 3-33-10, 49-010, 8-7142-39-02-90,39-09-09 نەمەسە شيپاجايدىڭ قوستاناي قالاسىنداعى وكىلدىگىنىڭ 8(7142)-54-30-04 تەلەفوندارىنا حابارلاسۋىڭىزعا بولادى. ال انىقتاما تەلەفوندارى: 8(71445) 3-33-05, 8-7142-39-02-90 تەلەفوندارى تاۋلىك بويى جۇمىس ىستەيدى. سونىمەن قاتار, «سوسنوۆىي بور» ءساناتوريىنىڭ http://sosnovyibor.com ينتەرنەت ارقىلى تاۋىپ الۋىڭىزعا بولادى. ال sosnov bor@mail.ru ەلەكتروندى پوشتاسىن دا ەسىڭىزگە سالامىز.
ءنازيرا جارىمبەتوۆا,
«ەگەمەن قازاقستان».
قوستاناي.
