ايماقتار • 04 ماۋسىم، 2019

كوپ بالالى وتباسىلارعا پاتەر بەرىلدى

761 رەت كورسەتىلدى

«Nurly Ertis» باعدارلاماسىن جۇزەگە اسىرۋ شەڭبەرىندە نۇر-سۇلتاننان ەكىباستۇزعا 50-دەن استام كوپ بالالى وتباسى كوشىپ كەلدى. با­لالار مەرەكەسىندە ەڭبەك جانە حالىقتى الەۋ­مەتتىك قورعاۋ ءمينيسترى بەردىبەك ساپارباەۆ پەن پاۆلودار وبلىسىنىڭ اكىمى بولات باقاۋوۆ ەلوردالىق تىركەۋىن وزگەرتۋگە شەشىم قابىلداعان وتباسىلارعا پاتەر كىلتتەرىن تابىس ەتتى.

بارلىق ەڭبەككە جارامدى قونىس اۋدارۋشىلار جەرگىلىكتى كاسىپورىندار مەن مەكەمەلەردە جۇمىسپەن قامتاماسىز ەتىلمەك. ال بالالارى بالاباقشا مەن مەكتەپتەرگە ورنالاستىرىلادى. ولارعا اتاۋلى الەۋمەتتىك كومەك تاعايىنداۋ ءۇشىن قۇجاتتاردى راسىمدەۋگە جاردەم كورسەتىلەدى. بۇگىنگى تاڭدا ەكىباستۇز قالا­سى اكىمدىگى ەلدىڭ ەڭبەك كۇشى مول وڭىرلەرىنەن قونىس اۋدارۋ­شىلارعا 283 پاتەر بەرۋگە دايىن، ونىڭ ىشىندە 89 – ءۇش بولمەلى، 108 – ەكى بولمەلى، 86 ءبىر بولمەلى پاتەرلەر بار.

«ەلباسىنىڭ تاپسىرماسى بويىنشا ەلىمىزدە جۇمىسپەن قامتۋدى قامتاماسىز ەتۋ، ازامات­تاردىڭ الەۋمەتتىك وسال توپتارىن قولداۋ، حالىقتىڭ ءال-اۋقاتى مەن ءومىر ءسۇرۋ ساپاسىن ارتتىر­ۋ بويىنشا كەشەندى شارالار جۇزەگە اسىرىلۋدا. وسىعان بايل­انىستى پاۆلودار وبلىسى اكىمدىگىنىڭ باستاماسىمەن «Nurly Ertis» بىرەگەي باعدارلاماسى ىسكە قوسىلدى. بارلىق كوشىپ كەلۋ­شىلەرگە جان-جاقتى قولداۋ كورسەتىلەدى. ەكىباستۇزدا كوپ­تەگەن ءىرى ونەركاسىپتىك كا­سىپ­ورىندار جۇمىس ىستەيدى، كا­سىپ­كەرلىك جاقسى دامىعان، سون­دىقتان ونى قازاقستاننىڭ دا­مىعان جانە پەرسپەكتيۆالى قا­لالارىنىڭ ءبىرى دەپ اتاۋعا بولادى. بۇل وڭ تاجىريبەنى ەلى­مىزدىڭ باسقا دا ەڭبەك كۇشى تاپشى ايماقتارىندا پايدالانۋ قاجەت»، دەدى ب.ساپارباەۆ.

ءوڭىر باسشىسى ب.باقاۋوۆ ءوز سوزىندە پاۆلودار وبلىسى رەس­پۋب­­ليكاداعى ءبىلىم بەرۋ سالا­سىنداعى كوشباسشىلاردىڭ ءبىرى ەكەنىن اتاپ ءوتتى.

«ءبىزدىڭ بالالارىمىز حالىق­ارالىق جانە رەسپۋب­ليكا­لىق پاندىك وليمپيادالاردا جۇلدەلى ورىنداردى يەلەنەدى، ال ءۇش جاستان اسقان بالالار بالاباقشالارداعى ورىندارمەن 100% قامتاماسىز ەتىلگەن. ونەركاسىپ بەلسەندى دامۋدا، قازاقستاندا بۇرىن ءوندى­رىل­مەگەن ءونىم شىعاراتىن جاڭا كا­سىپورىندار اشىلۋدا. سون­دىقتان پاۆلودار وبلىسىندا «Nurly Ertis» باعدارلاماسىن ىسكە اسىرۋ وتە ورىندى. وسى باع­دار­لاما بويىنشا نۇر-سۇلتان قالاسىنان ەكىباستۇزعا ومىرلىك قيىن جاعدايعا تاپ بولعان 50 كوپ بالالى وتباسى كوشىپ كەلدى. ءبىز ولاردى تۇرعىن ۇيمەن، جۇمىسپەن، بالا­باقشالار مەن مەكتەپتەردەگى ورىندارمەن قامتاماسىز ەتەمىز. ءبىز قونىستانۋشىلارعا كو­مەكتەسۋگە مىندەتتىمىز جانە ءبىزدىڭ ءوڭىر ولار ءۇشىن ناعىز ءوز ۇيىندەي بولادى دەپ ۇمىتتەنەمىز»، دەدى وبلىس اكىمى.

بۇدان كەيىن مينيستر مەن اكىم «دارا» قايىرىمدىلىق قورىنىڭ قولداۋىمەن «Samruk-Kazyna Trust» الەۋمەتتىك جوبالاردى دامىتۋ قورىمەن بىرلەسە وتىرىپ، ەكىباستۇز قالاسىنىڭ №2 مەكتەبىنىڭ بازاسىندا اشىلعان پسيحولوگيالىق-پەدا­گو­گيكالىق تۇزەتۋگە ارنالعان بالالار كا­بينەتىنىڭ جۇمىسىمەن تانىستى.

جوبانىڭ ماقساتى – ەرەكشە ءبىلىم بەرۋدى قاجەت ەتەتىن بالالار مەن ولاردىڭ وتباسىلارىنا ءتيىمدى كومەك كورسەتۋ.تۇزەتۋ كابينەتىندە ەرەكشە بالا دە­فەكتولوگ، پسيحولوگ، لوگوپەد، ەدش نۇسقاۋشىسى ءجا­نە ت.ب. سياقتى ماماندار توبىنان كەشەندى بىلىكتى كومەك الا الادى. كابينەت تولىق قاجەتتى جابدىقتارمەن، ونىڭ ىشىندە مونتەسسوري ادىستەمەسى بويىنشا، ەدش بويىنشا ساباق وتكىزۋگە ارنالعان قۇرال-سايماندارمەن، تيفلو جانە سۋردوجابدىقتارمەن، «دەلفا» لوگوپەديالىق اپپاراتىمەن، سونداي-اق بارلىق قاجەتتى ادىستەمەلىك قۇرالدارمەن جابدىقتالعان.

جۇمىس ساپارىنىڭ سوڭىندا بەردىبەك ساپارباەۆ ەكىباستۇزعا ەلوردادان كوشىپ كەلگەن وتبا­سى­لاردىڭ مەكتەپكە دەيىنگى جاس­تاعى بالالارى باراتىن №27 «ەركەم-اي» بالاباقشاسىنا باردى.

 

پاۆلودار وبلىسى

 

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار