قازاقستان • 04 ماۋسىم، 2019

قوعامدىق كوميسسيا قۇرىلدى

788 رەت كورسەتىلدى

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇر­­سۇلتان نازارباەۆ 2017 جىلى وتكەن دۇنيەجۇزى قازاقتارى قۇ­­رىل­­تايىندا ەلىمىزدەگى قوعامدىق جاڭارۋ اياسىندا شەتەلدەگى قا­زاق­­تاردى قولداۋ ماقساتىندا قور قۇرۋدى تاپسىرعان بولاتىن. ءنا­­تي­­جەسىندە «وتانداستار قورى» كەاق قۇرىلدى. كەشە ۇيىمنىڭ ال­عاش­­قى وتىرىسى ءوتىپ، قوردىڭ جانىنان قوعامدىق كوميسسيا قۇرىلدى.

ماڭىزدى جيىندى اشىپ ءسوز ءسوي­لەگەن  «وتانداستار قورى» كەاق پرەزيدەنتى نۇر­تاي ءابى­قاەۆ قوردىڭ باستى باعى­تى – دۇنيە­جۇزى قازاقتارى قاۋىم­داستىعىمەن بىرلەسىپ، الەم قازاق­تارىن ءبىر شاڭىراق استىنا توپتاستىرۋ جانە سىرتتاعى قازاق دياسپوراسى بويىنشا ەلمىزدە تو­لىققاندى مەملەكەتتىك ساياسات­تى قالىپتاستىرۋ ەكەنىن اتاپ ءوتتى.

كەلەسى كەزەكتە قوردىڭ الداعى جۇمىس جوسپارى جايلى بايانداما جاساعان «وتانداستار قورى» كەاق ۆيتسە-پرەزيدەنتى ماعاۋيا سارباسوۆ مىرزا بۇگىنگى كۇنى شەتەل­دەردەگى قانداستارىمىز سانى 7-8 ميلليوندى قۇراپ وتىرعانىن ايتتى. «بۇل شامامەن بار قازاقتىڭ 30 پا­يىزى. سوندىقتان دا «وتان­داستار قورى» كەاق ءوز جۇمى­سىن جوبالىق كەڭسە فورما­تىندا قىزمەت كورسەتۋدىڭ ءبىر­­ىڭ­عاي وپەراتورى رەتىندە ۇيىم­داستىرادى. سونىڭ ءبىر سالاسى – تەز ارادا دياسپورالىق سايا­سات باعدارلاماسىن ازىرلەپ، جي­ناقتالعان مالىمەتتەردى جۇيە­لەندىرىپ، قوسىمشا زەرتتەۋلەر جۇرگىزۋ قاجەت»، دەدى ول. 

ول ءۇشىن قازاق دياسپوراسىن مەملەكەتتىك قولداۋ تۋرالى زاڭ قاجەت. ەستۋىمىزشە ول قۇجات دايىن­­دالىپ جاتقان سىڭايلى. وسى زاڭ نەگىزىندە «قازاق كارتاسىن» ەنگىزۋ كوزدەلۋدە كورىنەدى. ياعني، بۇل جوبا ىسكە اسسا، شەتەلدەگى باۋىر­لارىمىز قازاقستان اۋما­عىندا بيزنەسپەن اينالىسۋىنا، مەنشىك يەسى بولۋىنا، زاڭدى تۇردە جۇمىسقا تۇرۋىنا، تەگىن ءبىلىم الۋىنا، مەديتسينالىق قىز­مەت جۇيەسىن قولدانۋعا تولىق مۇمكىندىك تۋادى.

تاعى ءبىر جاڭالىق قور جانىنان «بايلانىس-ورتالىعى مەن قوعامدىق قابىلداۋ بولمەلەرى»  جۇمىسىن باستاپ كەتىپتى. مۇنداعى ماقسات – بارلىق اقپاردى شوعىر­لاندىرىپ، ەلگە ورالعان نەمەسە ورالۋشى اعايىندارعا اقپا­راتتىق، قۇقىقتىق كەڭەس بەرۋ، قاجەت جاعدايدا كومەك كور­سەتۋ ماسەلەسىن شەشۋ. بۇل جۇ­مىستار «ءبىر تەرەزە» قاعيداسى ارقىلى – ەڭبەك جانە حالىقتى الەۋ­مەتتىك قورعاۋ مينيسترلىگى جانە ىشكى ىستەر مينيسترلىگىنىڭ جۇ­مىستارىن ۇيلەستىرۋمەن  ىسكە اسپاق. 

بۇدان بولەك «وتانداستار قورى» كەاق ۆەب-سايتى ىسكە قو­سىلىپ، سونىمەن قاتار دياس­پورالىق ساياساتتى قولداۋ ماق­ساتىندا «Keńes» شتابى ارقىلى اشىق ديالوگ الاڭى جانە شەتەل­دەگى قازاق جاستارى ءۇشىن «Jas Qazaq» كلۋبى قۇرىل­ماق. بۇل قۇرىلىمنىڭ ءمىن­دەتى – جاس بۋىنعا قازاقتىڭ ءتىلى مەن ءداستۇرىن ۇيرەتۋ ەكەن. ونى ىسكە اسىرۋدىڭ جولدارى: قاشىق­تىقتان ينتەراكتيۆتىك سىنىپتار اشۋ; ءتىل ۇيرەتۋگە ارنالعان موبيلدى قوسىمشالار جاساۋ; قازاقستاندىق وقۋ ورىندارىمەن بىرلەسىپ قازاق ءتىلى مۇعالىمدەرىنە ارنالعان ينتەرنەت پلاتفورما قۇرۋ; مەتودولوگيالىق قۇرال ازىرلەۋ، ت.ب.

كەلەسى ءبىر ىرگەلى جوبا – شەت­ەلدەگى قازاقتار ءۇشىن «Qazaq úui» جانە «اباي» مادەني ورتا­لىق­تارى، «اتامەكەن» ىسكەر­لىك ۇيلەرىن اشۋ. «وسى ارقىلى قانداستارىمىزعا قازاق ۇلتىنىڭ قادىر-قاسيەتىن، سالت-ءداستۇرىن بو­يىنا سىڭىرەمىز»، دەيدى جيىندى ۇيىمداستىرۋشىلار.

ايتا بەرسەك اڭگىمە كوپ. مۇنىڭ ءبارى ىسكە اسسا شىن مانىندە دياس­پورا ساياساتىنىڭ كوشى تۇزەلەرى ءسوزسىز. مىسالى، قور «بيزنەس جانە يننوۆاتسيالاردى دامىتۋ» باعىتىن كوزدەيتىن «Saýda» شتابى ارقىلى قازاق دياسپوراسى مەن قازاقستاندىق بيزنەس وكىلدەرىنىڭ ىسكەرلىك بايلانىس­تارىن ورناتۋعا ىقپال ەتپەكشى. وسى رەتتە: «وتانداستار» بيزنەس ينكۋباتورى ارقىلى ۇلتتىق ناقىشتاعى ءونىم وندىرۋشىلەردى قولداۋ; قانداستار اراسىنان دارىندى ازاماتتاردىڭ بيزنەس-يدەيا­لارى مەن ينۆەستيتسيالىق جوبالارىنا قولداۋ كورسەتۋ، ت.ب.

– بۇل جۇمىستار شەتەلدەر­دە قۇرىلاتىن «اتامەكەن» قازاق ىسكەرلىك ءۇيى جەلىسى نەگى­زىندە «سامۇرىق-قازىنا»، «قازاق تۋريزم»، «قازاق ينۆەست»، «اتامەكەن» پالاتاسى سياقتى قارجى ينستيتۋتتارىنىڭ ارالاسۋىمەن اتقارىلادى، – دەيدى ماعاۋيا قاناپيا ۇلى. ەڭ باستىسى، جوعارىدا اتاپ وتكەنىمىزدەي ەلىمىزدەگى دياسپورا ساياساتىن ارتتىرۋ ماقساتىندا ۇكىمەتتىڭ جانىنان ۆەدومستۆوارالىق كوميسسيا قۇرىلىپ، ونىڭ جۇمىسى ۆيتسە-پرەمەر دەڭگەيىندە قارالماق.

جوعارىدا ايتىپ وتكەنىمىزدەي قوردىڭ نەگىزگى جۇمىس جوسپارى جايلى تولىق ماعلۇمات العان قوعامدىق كوميسسيا مۇشەلەرى ءوز­دەرى­نىڭ پىكىرلەرىن ءبىلدىردى. «قازاقستان زاڭگەرى» رقب ءتور­اعاسى سەرىك اقىلباي جاڭادان قابىل­دانۋى ءتيىس قۇقىقتىق قۇجاتتاردى ۋاقىتتىق ءھام زاڭدىق تۇرعىدان جەتىلدىرۋ ءۇشىن دوڭگەلەك ۇستەل وتكىزىپ، تاقىلاۋ قاجەتتىگىن العا تارسا، قازاقستان جازۋشىلار وداعىنىڭ توراعاسى ۇلىق­بەك ەسداۋلەت سىرتتاعى قازاق قالام­گەر­لەر تۋىندىسىن با­رشا قازاق وقىر­ماندارىنا ورتاق­تاس­تى­رۋ جولىن قاراستىرۋدى ۇسىندى.

سول سياقتى ءوز كەزەگىندە قۇن­دى ويلارىن ورتاعا سالعان اق­پارات جانە قوعامدىق دامۋ ۆيتسە-ءمينيسترى مارات ءازىلحانوۆ، باس­­تال­عان يگى ىسكە ساتتىلىك تىلەسە، تا­نى­مال ديپلومات قايرات لاما شاريف ءبىلىم جانە عىلىم مي­نيستر­لىگى ەلىمىزدەگى جوو-دا وقي­تىن دياسپورا سانىن 4 مىڭنان 7 مىڭ­عا كوتەرگەنىن قۇپتاپ، كەلەر جىلى بولاتىن ابايدىڭ 175 جىل­دىق مەرەيتويى شەتتەگى قان­داس­تارىمىز ءۇشىن دە ورتاق قۋا­نىش بولارىنا سەنىم ءبىلدىردى. قوعام­دىق كوميسسيانىڭ ال­دا­عى وتىرىستاردا ورالماندار­دى قابىل­داۋعا ءتيىس 7 وبلىستىڭ دايىندىق شاراسىن تالقىلاۋدى ۇسىندى.

جيىن سوڭىندا ەلىمىزگە تانىمال، عالىم، قايراتكەر، دەپۋتات، زاڭگەر، كاسىپكەر جانە ورال­مان­دار­عا قاتىستى تىركەلگەن قوعامدىق ءبىر­لەس­تىك باسشىلارىنان قۇرىلعان قوعامد­ىق كوميسسيا مۇشەلەرى ءوز­دەرىنە توراعا رەتىندە سەناتور مۇرات باقتيار ۇلىن سايلادى. جاڭادان سايلانعان باسشى ءارىپ­تەستەرىنە راحمەت ايتا وتىرىپ، كەشىك­پەي جۇمىس جوسپارىن ءتۇزۋدى، ءاسى­رەسە الدا قابىلدانۋى ءتيىس قازاق دياس­پوراسىن مەملەكەتتىك قولداۋ تۋرا­لى زاڭ جوباسىنا قاتىستى تال­قى­لاۋلار ۇيىمداستىرىپ، قازىر­گى تاڭدا ءتۇيىنى شەشىلمەي كەلە جاتقان ماسەلە – ورالمانداردى قۇ­جات­تاندىرۋ بويىنشا ىشكى ىستەر مينيسترلىگىنىڭ جۇمىسىن وڭتايلاندىرۋدى قولعا الۋ قاجەت ەكەنىنە توقتالدى.

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار