كونفەرەنتسياعا ەلىمىزدىڭ كورنەكتى عالىمدارى مەن قوعام قايراتكەرلەرى, مەديتسينا سالاسىنىڭ ماماندارى قاتىسىپ, عالىمنىڭ ءومىرى مەن ەڭبەكتەرى جانە ءمانى مەن ماڭىزى, بۇگىنگى قازاق مەديتسيناسىنداعى ورنى توڭىرەگىندە عىلىمي-ساراپتامالىق باياندامالارىن جاسادى. تالعار مەديتسينالىق كوللەدجىنىڭ ديرەكتورى, مەديتسينا عىلىمدارىنىڭ كانديداتى باعجان قۇداباەۆ «قازاق مەديتسيناسىنىڭ وتكەنى, بۇگىنى, بولاشاعى» تاقىرىبىندا بايانداما جاساسا, زەرتتەۋشى ماتەماتيك, اقىن شاياحمەت قالي «جاراتىلىستىڭ وزەگى نە؟» تاقىرىبىنداعى بايانداماسىندا الەم فيلوسوفياسى مەن وتەيبويداق ءىلىمى حاقىندا عىلىمي تۇجىرىمدارىن ورتاعا سالدى. ال حيميا عىلىمدارىنىڭ PhD دوكتورى جەكسەنبەك توقتارباي «قازاق مەديتسيناسى الەم مەديتسيناسىنىڭ ءبىر بولشەگى» تاقىرىبىندا, تاريحشى, مادەنيەتتانۋشى ەرتاي جومارت «شيپاگەرلىك بايانداعى وتاندىق ءونىمنىڭ قاسيەتى» تاقىرىبىندا عىلىمي نەگىزدى ويلارىمەن ءبولىستى.
شيپاگەرلىك بايان زەرتتەۋشىسى نۇربولات تىلەۋقابىل ۇلى «ۇيقى بەزى اۋىرۋلارىنىڭ پايدا بولۋى جانە ونى قازاق مەديتسيناسىندا ەمدەۋ ادىستەرىنە» كەڭىنەن توقتالدى. ۇلى عالىمنىڭ ۇشان-تەڭىز ەڭبەكتەرى تۋرالى كوللەجد ستۋدەنتتەرى دە زەرتتەۋ باياندامالارىمەن ءبولىسىپ, ەركىنبەك نۇراقىن «قازاق شيپاگەرلىگىندە قان الىپ, كەشەندى ەمدەۋ جولدارى» تاقىرىبىنا, اقنيەت نۇرمۇقانوۆ «قازاق شيپاگەرلىگىندە فيتوتەراپيا كەشەندى ەمدەۋدىڭ قوسىمشا ەمى», اقبوتا ساماتقىزى «قازاق شيپاگەرلىگىندەگى بۋمەن ەمدەۋ ءادىس-شاراسى», ورالتاي مۇقاتاەۆ «قازاق شيپاگەرلىگىندەگى يىق-ءورىم بۇلشىق ەت قابىنۋىن ۇقالاۋ ءادىسى ارقىلى ەمدەۋ ءادىسى» تاقىرىبىنداعى عىلىمي زەرتتەۋلەرىمەن ءبولىستى. ال «وتەيبويداق» قازاق مەديتسيناسىن دامىتۋ قوعامدىق قورىنىڭ نەگىزىن قالاعان قاستەر اكيزا ء داستۇرلى مەديتسينا حاقىندا تۇششىمدى ويلارىمەن ءبولىسىپ, مەديتسينالىق ءبىلىم بەرەتىن وقۋ ورىندارىندا قازاق مەديتسينالىق ءىلىمىن ۇشتاستىرۋدىڭ بارىسىنا توقتالدى. عالىمدار كونفەرەنتسيادا كوتەرىلگەن تاقىرىپتاردى كەڭىنەن تالقىلاپ, اعىمداعى جىلدىڭ 11 قازانىندا وتەتىن رەسپۋبليكالىق كونفەرەنتسيادا قازاق دالاسىنداعى شيپاگەرلىك ىلىمگە نەگىزدەلگەن عىلىمي زەرتتەۋلەردى جان-جاقتى تالقىلايتىن بولادى.
الماتى وبلىسى
