نەگىزى «جۋسان» وپەراتسياسىنىڭ باستى ماقساتى دا الدىمەن بالالاردى قۇتقارۋ بولاتىن. بۇل جولى دا تاراتىلعان بەينەكادرلارعا كوز جۇگىرتەر بولساق, بەيكۇنا بالالاردىڭ كوبىنىڭ ۇلتى قازاق ەكەندىگىن جۇزىنەن اڭعارساڭ دا, ءبىرازى سول قاندى قىرعىن اۋماعىندا دۇنيەگە كەلگەن ءتارىزدى. تيىسىنشە, تويىپ تاماق ىشپەك ءتۇگىلى, ەشقانداي قۇجاتتارىنىڭ رەسىمدەلگەنىنە كۇمان كەلتىرەسىڭ. ونىڭ ۇستىنە, رەسمي ورىندار بالالاردىڭ ءبىرقاتارىنىڭ تۇل جەتىم ەكەندىگىن راستادى – اتا-انالارى سيريادا وققا ۇشقان نەمەسە جوعالىپ كەتكەن.
سول دەرەكتەرگە قاراعاندا, «جۋسان-3» قورىتىندى وپەراتسياسىنىڭ اياسىندا ەلگە قايتارىلعانداردىڭ ىشىندە 67 ايەل بار ەكەن.
بوتا كوزدەرى جاۋدىرەپ, بەلگىسىز جاققا اسىققان بۇلدىرشىندەردىڭ بىرقاتارى قازاق جاۋىنگەرلەرىنىڭ قۇشاعىندا ۇشاققا جەتكەنشە قالعىپ كەتتى. ولار ەلگە جەتكىزىلگەن سوڭ ءدارىگەرلىك تەكسەرۋلەردەن كەيىن بەيىمدەۋ ورتالىقتارىنا ورنالاستىرىلعان.
جالپى, سوعىس وشاعى اۋماعىنان ءوز ازاماتتارىن شىعارىپ الۋعا الەمنىڭ كوپتەگەن ەلى تالپىنىس جاساپ جاتقانىمەن, ءبىزدىڭ ەلىمىز مەملەكەتتىك ورگانداردىڭ ىقپالداستىعى مەن الەمدىك سەرىكتەستەرىنىڭ كومەگىمەن قازىردىڭ وزىندە اۋقىمدى جۇمىستار اتقارىپ ۇلگەردى. ونىڭ جارقىن دالەلى قىسقا ۋاقىتتا قۇتقارىلعان – 357 بالا. ولاردىڭ بەيبىت اسپان استىندا ءومىر ءسۇرۋ قۇقىعىن مەملەكەت ابىرويمەن جۇزەگە اسىردى.
