ارۋجان حاسەتوۆا قازاق مەكتەپ-گيمنازياسىندا وقيدى. مۇعالىمدەردىڭ ايتۋىنشا, ۇلگەرىمى جاقسى, تاپسىرىلعان ىسكە جاۋاپتى. كۇندەلىگىندە تەك ءتورت پەن بەس قانا. وبلىس اكىمى بىلىمگە ۇمتىلعان ارۋجانعا ماقتاۋ ايتىپ, سىيلىق ۇسىندى.
«ارۋجان, سەنى حالىقارالىق بالالاردى قورعاۋ كۇنىمەن قۇتتىقتاۋعا ادەيى كەلدىم. سەنىڭ جاقسى وقيتىنىڭدى بىلەمىن. ءوز الدىڭا ۇلكەن ماقساتتار قويىپ وتىرسىڭ. ۇلكەن ناتيجەلەرگە قول جەتكىزەسىڭ دەگەن سەنىمدەمىن», دەدى قۇمار ىرگەباي ۇلى.
ءوڭىر باسشىسى سوفيا لۋكيانچەنكونى دا مەيراممەن قۇتتىقتادى. سوفيا وبلىس اكىمىنە ءوزىنىڭ سۋرەتتەرى مەن تۋىندىلارىن كورسەتتى. بولاشاقتا ول ديزاينەر بولعىسى كەلەدى.
«سوفيا, سەن وزىڭە ناقتى ماقسات قويىپ وتىرسىڭ. ۇمتىلىپ جاتسىڭ, جارايسىڭ. ەرەكشە بالالاردىڭ مادەنيەت جانە سپورت سالالارىندا بيىك بەلەستەردى باعىندىرعان مىسالدارى كوپ. ءتىپتى اقش پرەزيدەنتى فرانكلين رۋزۆەلت ەل باسقارعان. سەنىڭ ماقساتىڭ ايقىن – ديزاينەر بولۋ. ارمانىڭا جەت», - دەگەن اكىم وعان دا تارتۋ-تارالعى جاسادى.
وبلىس اكىمى ارۋجان مەن سوفيانى زاماناۋي وقۋشىلار سارايىن ارالاۋعا شاقىردى. بۇدان بىلاي مۇمكىندىگى شەكتەۋلى بالالارمەن ءجيى جۇزدەسىپ تۇرۋعا ءسوز بەردى.
