شاراعا وبلىس اكىمى ەرالى توعجانوۆ, مەملەكەتتىك مەكەمە باسشىلارى, ەتنومادەني بىرلەستىكتەردىڭ وكىلدەرى, جاستار جانە جەرگىلىكتى تۇرعىندار قاتىستى. رەسمي دەرەكتەر بويىنشا وبلىستا 1929 جىلدىڭ باسىندا 35 مىڭ تۇرعىن, 1,5 ميلليونداي مال باسى بولعان. ال, 1939 جىلدىڭ سوڭىندا ولكەمىزدە بار جوعى 26 مىڭ ادام, 25 مىڭعا جەتەر-جەتپەس مال قالعان. قانشاما وتباسىلاردىڭ وتى ءسونىپ, انالار جەسىر, بالالار جەتىم قالدى. سول كەزەڭدەردە تۋعان ەلىنىڭ ەركىندىگى جولىندا كۇرەسكەن جالاۋ مىڭباەۆ, توبانياز ءالنياز ۇلى, الشىن مەڭداليەۆ, جوكە شاباەۆ, نۇرسۇلتان وڭعالباەۆ, ورازماعانبەت تۇرماعانبەت ۇلى, زۇلقاش بايمىرزاەۆ سياقتى تۇلعالى ازاماتتارىمىز توتاليتارلىق رەجيمنىڭ قۇربانى بولدى.
-تاريحىمىزعا وشپەس ءىز قالدىرعان بۇل جىلداردىڭ كورىنىسىن وتكەنىمىزگە سالاۋات, بۇگىنىمىزگە قاناعات ەتۋ ءۇشىن جادىمىزدان شىعارماۋعا ءتيىسپىز. ەلباسى ن.نازارباەۆ «تاريحىمىزدىڭ قاسىرەتتى بەتتەرى, ساياسي قۋعىن-سۇرگىن جانە اشارشىلىق قۇرباندارى ارقاشان ءبىزدىڭ جادىمىزدا جانە ونى ۇمىتپاۋ ءبىزدىڭ قاسيەتتى بورىشىمىز» دەگەن بولاتىن. ولاردىڭ بۇگىندە اتى اقتالىپ, ەسىمدەرى مەن ەرلىكتەرى ۇرپاقتارىنىڭ ساناسىندا ماڭگىلىك جاڭعىرىپ, تاريحتا قالدى. وسى جەردە ارامىزدا سول زۇلمات ۋاقىتتىڭ كۋاگەرلەرى دە بار. ولاردىڭ تاعدىرى – اۋىر تاعدىر. ولار قيىنشىلىققا مويىماي, ۇرپاعىن امان-ەسەن بوستاندىققا جەتكىزۋگە ات سالىستى. سىزدەرگە دە العىسىمىز بەن ريزاشىلىعىمىز شەكسىز, دەدى ايماق باسشىسى.
