- بۇگىنگى كۇنى قىزىلوردا وبلىسىندا قولدانىستاعى مۇناي-كەن ورىندارى 50%-عا سارقىلعان, سوندىقتان «وڭتۇستىك تورعاي», «سىرداريا» جانە «شۋ-سارىسۋ» كەن ورىندارىندا 5 مىڭ مەتردەن اسا تەرەڭدىكتە بۇرعىلاۋدى جۇزەگە اسىرۋ ۇسىنىلدى. بۇل ءۇشىن 11 ملرد تەڭگەنى قاجەت ەتەتىن ءتيىستى گەولوگيالىق - بارلاۋ زەرتتەۋلەر جۇرگىزۋ قاجەت. بۇل جۇمىستار ءوز كەزەگىندە جاڭا كەن ورىندارىن يگەرىپ قانا قويماي, سونىمەن قاتار, مۇناي سەرۆيستىك جۇمىستاردىڭ كولەمىن ارتتىرۋعا مۇمكىندىك بەرەدى. اتالعان 3 كەن ورنىندا گەولوگيالىق زەرتتەۋگە 2020 جىلعا 3,5 ملرد تەڭگە قاراستىرىلادى, - دەدى قۋانىشبەك ىسقاقوۆ.
بۇدان باسقا, كەشەندى جوسپارعا قىزىلوردا وبلىسىنىڭ جەر قويناۋىن پايدالانۋشىلارىنا ىشكى نارىققا مۇناي جەتكىزۋ اۋىرتپالىعىن تومەندەتۋ بويىنشا ماسەلە ەنگىزىلدى. ءوڭىردىڭ مۇناي-گاز سەكتورىندا مۇناي ءوندىرۋ كولەمىنىڭ ازايۋىمەن قاتار ءوڭىردىڭ مۇناي كومپانيالارى وندىرىلگەن مۇنايدىڭ 80% ىشكى نارىقتا تومەن باعادا ساتۋعا ءماجبۇر. وندىرىلگەن ءونىمدى ساتۋدا مۇنداي ارا-قاتىناس مۇناي وپەراتورلارىنىڭ تاپقان تابىسىنىڭ ءبىر بولىگىن جاڭا كەن ورىندارىن بارلاۋعا جانە بۇرعىلاۋعا, سونداي-اق جاڭا تەحنولوگيالاردى ەنگىزۋگە باعىتتاۋعا مۇمكىندىك بەرەدى. ەكسپورت ۇلەسىن 50 پايىزعا دەيىن ۇلعايتۋ مۇناي وپەراتورلارىنا الىنعان پايدانىڭ ءبىر بولىگىن جاڭا كەن ورىندارىن بارلاۋ مەن بۇرعىلاۋعا, سونداي-اق جاڭا تەحنولوگيالاردى ەنگىزۋگە جىبەرۋگە مۇمكىندىك بەرەدى.
