«باقىتتى بالالىق شاق» اتتى فەستيۆالدىڭ اشىلۋىنا قر ءبىلىم مينيسترلىگىنىڭ رەسپۋبليكالىق وقۋ-ادىستەمەلىك ورتالىعىنىڭ جەتەكشىسى باقىت الىباەۆا مەن وبلىستىق ءبىلىم باسقارماسىنىڭ باسشىسى مايرا مەلدەبەكوۆا قاتىسىپ, وقۋشىلاردىڭ جاقسى دەمالۋلارىنا ساتتىلىك تىلەدى. ارال اۋدانى اكىمىنىڭ ورىنباسارى مەرەي مەيىربەكوۆ بالدىرعانداردى جازعى دەمالىس ماۋسىمىنىڭ اشىلۋىمەن قۇتتىقتادى.
سالتاناتتى شاراعا قاتىسۋشىلار وقۋشىلاردىڭ قولونەر بۇيىمدارىنىڭ جانە روبوتوتەحنيكا كورمەسىن تاماشالادى.
مەرەكەلىك كونتسەرتتە وقۋشىلار شارلارعا تىلەكتەرىن جازىپ, اسپانعا ۇشىردى.
بيىلعى جىلى «قامباش» تىنىعۋ لاگەرىندە 1100 وقۋشىنىڭ جازعى دەمالىسىن ۇيىمداستىرۋ جوسپارلانعان. قازىرگى تاڭدا ءبىرىنشى اۋىسىمدا 130 بالا قابىلدانىپ, تىنىعىپ جاتىر.
كول جاعالاي ورنالاسقان لاگەردە فۋتبول, ۆولەيبول, باسكەتبول, ۇستەل تەننيسى, روبوتوتەحنيكا ۇيىرمەلەرى جانە «تەمىرشى» دەبات كلۋبى مەن «جاس قىران» اسكەري-پاتريوتتىق كلۋبتارى جۇمىس ىستەيدى.
