ايماق باسشىسى قۇمار اقساقالوۆ پەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ وبلىس ورتالىعىنداعى كوشى-قون قىزمەتى ورتالىعىندا بولدى. وسىدان ەكى جىل بۇرىن اشىلعان نىساندا 12 قىزمەت تۇرلەرى ەلەكتروندىق كەزەك ارقىلى كورسەتىلەدى. قىزمەت ساپاسىن “Digital agent” ءموبيلدى قوسىمشاسى ارقىلى باعالاۋعا بولادى. ۇجىممەن كەزدەسكەن ۆەدوموستۆو جەتەكشىسى عيماراتتى ءتيىمدى پايدالانۋعا باسا نازار اۋدارىپ, لاۋازىمدى قىزمەتكەرلەر كەڭ كابينەتتە وتىرۋلارى كەرەك دەگەن كوزقاراستان ارىلۋ قاجەتتىگىن اتاپ كورسەتتى.
ا. شپەكباەۆ №2 پەتروپاۆل قالالىق مامانداندىرىلعان اۋدانارالىق ەكونوميكالىق سوتى مەن پوليتسيا باسقارماسىندا اشىلعان فرونت-وفيستەردىڭ جۇمىسىمەن تانىستى.
«اشىقتىق, حالىق ءۇشىن قولايلى جاعداي جاساۋ جانە اكىمشىلىك كەدەرگىلەردى ازايتۋ – بۇل قازىرگى قوعامنىڭ تالابى», دەدى كەزدەسۋدە كەزىندە اليك جاتقامباي ۇلى.
№ 3 ەمحانادا 76 دارىگەر مەن 246 ورتا مەديتسينا قىزمەتكەرى 70977 ادامعا قىزمەت كورسەتەدى. ۋچاسكەلىك دارىگەرگە, زەرتحاناعا قان تاپسىرۋعا, دياگنوستيكا كابينەتتەرىنە جازىلۋ ەلەكتروندىق ۇلگىدە جۇرگىزىلەدى. ۇستىمىزدەگى جىلى “قىزىلجار – ادالدىق الاڭى” جوبالىق كەڭەسىنىڭ ۇسىنىسىمەن قىزمەت كورسەتۋ ساپاسىن جاقسارتىپ, دارىگەرلەردىڭ جۇمىسىن باعالاۋ ءۇشىن Qr-كودى ەنگىزىلگەن. الداعى ۋاقىتتا زەرتحانالىق اقپاراتتىق جۇيەنى ەنگىزۋ جوسپارلانىپ وتىر. ەلوردالىق مەيمان م.قوزىباەۆ اتىنداعى سقمۋ-ءدىڭ ماتەريالدىق-تەحنيكالىق بازاسىمەن جانە جاستاردىڭ بويىندا ادالدىقتى قالىپتاستىرۋ بويىنشا اتقارىلىپ جاتقان جۇمىس بارىسىمەن دە تانىستى. جوعارى وقۋ ورنىندا “سانالى ۇرپاق” ءوفيسى جانە ستۋدەنتتەرگە قىزمەت كورسەتۋ ورتالىعى, “ادالدىق دۇكەنى” جۇمىس ىستەيدى. وقۋشىلار سارايىنا بارعان اگەنتتىك توراعاسىنا حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ يگى شارالارى ۇسىنىلدى. “قىزىلجار – ادالدىق الاڭى” جوبالىق كەڭسەسى دە وسى جەردە ورنالاسقان. جوبا جۇمىسىنا تارتىلعان مەملەكەتتىك قىزمەتشىلەر, كاسىپكەرلەر, بۇقارالىق اقپارات قۇرالدارىنىڭ وكىلدەرى التى سالانىڭ جۇمىسىن باقىلاۋعا العان.
اگەنتتىك توراعاسى شال اقىن اۋدانىندا «اشىق اكىمدىك» جوباسىنىڭ اشىلۋ راسىمىنە قاتىسىپ, تسيفرلاندىرۋ باعدارلاماسىنىڭ جۇزەگە اسۋ بارىسىمەن تانىستى.
سولتۇستىك قازاقستان وبلىسى
