ايماقتار • 30 مامىر، 2019

«راللي قازاقستان 2019»: كوشباسشى وزگەرگەن جوق

710 رەت كورسەتىلدى

FIA حالىقارالىق اۆتوموبيل فەدەراتسياسىنىڭ «راللي قازاقستان 2019» راللي-رەيدتەر بويىنشا الەم كۋبوگى كەزەڭىنىڭ ءۇشىنشى جارىس كۇنى ءوز مارەسىنە جەتتى. بۇل تۋرالى اۆتوموتوسپورت اگەنتتىگى ءباسپاسوز قىزمەتى حابارلادى.

بۇل كەزەڭدە جەڭىس تۇعىرىنان قايتادان كاتارلىق اۆتوشاباندوز ناسسەر ءال-اتتيا كورىندى. ەكىنشى ورىندى گوللانديالىق بەرنحارد تەن برينكە، ءۇشىنشى ورىنعا پولياك پيلوتى ياكۋب پشيگونسكي كوتەرىلدى. كەزەڭنىڭ قاشىقتىعى 327 شاقىرىمدى قۇرادى.

بۇل كۇنى، ياعني جارىستىڭ ءۇشىنشى كۇنى راللي-رەيدتىڭ قاتىسۋشىلارى كەندەرلىدەن شىعىسقا قاراي اينالما جولدان ءوتتى. قۇم جوتالارى مەن تاستى جولدار ارقىلى ەكيپاجدار ءۇستىرت دوڭەستى ايماعىنىڭ بويىنداعى جىلدام قاشىقتىقتى باعىندىردى.

ۇزدىك ۋاقىتتى كاتاردان كەلگەن پيلوت ناسسەر ال-اتتيا كورسەتتى، ول قاشىقتىقتى 3 ساعات 9 مينۋت جانە 11 سەكۋندتا باسىپ ءوتتى. بۇل جەڭىس ءال-اتتيا مەن ماتە بومەل دۋەتىنە شاباندوزداردىڭ جالپى ەسەبىندە كوشباسشىلىقتى نىعايتۋعا جانە كەستەدەگى قارسىلاستارى بەرنحارد تەن برينكە مەن ياكۋب پشيگونسكيدەن 12 مينۋتقا الشاقتاۋعا مۇمكىندىك بەردى.

ساراپشىلاردىڭ پىكىرىنشە، كاتارلىقتىڭ جەڭىسىنىڭ باستى فاكتورى - ونىڭ ەسەپپەن جۇرگىزۋ ۇلگىسى مەن ۇيىمشىل كوماندالىق جۇمىس.

- بۇل قىزىققا تولى كۇندى ءبىز قۇمدى جوتادان باستادىق. باسقا جارىسۋشىلاردان الشاقتىقتى ارتتىرۋ ءۇشىن بۇگىن بىزگە جەڭىسكە جەتۋ وتە ماڭىزدى بولدى. بارلىعى وڭاي بولمادى، بىراق مەن ناتيجەمىزگە كوڭىلىم تولادى. جىلدامدىقتى كوپ ارتتىرمادىم، ويتكەنى بۇل كەزەڭ تەحنيكالىق جانە كوپتەگەن ناۆيگاتسيانى تالاپ ەتتى، دەدى ناسسەر ءال-اتتيا.

«داكار» ءرالليىنىڭ كەزەڭىندە جەڭىسكە جەتكەن گوللانديانىڭ العاشقى وكىلى بەرنحارد تەن برينكە «راللي قازاقستان 2019»- دا كوشباسشىلىققا جانە دەگەن كەرەمەت ۇمتىلىسىن كورسەتۋدە. اۆتوجارىسشىنىڭ بۇگىنگى ناتيجەسىن ەسكەرسەك، ول جالپى ەسەپتە ءتورتىنشى ورىننان ەكىنشى ورىنعا كوتەرىلدى.

- مەن بۇگىن جارىستى ەكىنشى بولىپ باستادىم، ناسەردىڭ اۆتوكولىگىنەن شىققان شاڭدى كوردىم. بىراق ءبىزدىڭ دوڭگەلەگىمىز تەسىلدى، ونى اۋىستىرۋعا تۋرا كەلدى. سودان كەيىن ءبىز ارنايى ۋچاسكەدەگى قالعان بولىگىن ءساتتى ءوتىپ، مارە سىزىعىن كەستىك. مەن ناتيجەگە ريزامىن، بىراق الدا ءالى ءۇش كۇن سايىس كۇتىپ تۇر، دەدى فينيشتان كەيىن بەرنحارد تەن برينكە.

راللي-رەيد بويىنشا الەم كۋبوگىنىڭ قازىرگى چەمپيونى ياكۋب پشيگونسكي ءۇشىنشى ارنايى ءبولىمدى تەز ءارى ءتيىمدى ءوتتى. الايدا، ياكۋب پشيگونسكي مەن تيمو گوتتشالك ەكيپاجىنىڭ، بارلىق كۇش-جىگەرىنە قاراماستان، ولارعا كوشباسشىدان ارتتا قالۋدى قىسقارتۋ مۇمكىن بولمادى.

- بۇگىن بىزدە ۇلكەن پروبلەمالار بولعان جوق. الدىڭعى دوڭگەلەكتى ءبىر رەت اۋىستىرۋعا تۋرا كەلدى. بىراق، كولىك ءبىراز ۋاقىت بويى سەنىمسىز ءجۇردى، قازىر ءبىز بۇل جونىندە جۇمىس ىستەۋمىز. ەرتەڭ ءبىز ءۇشىن ءبارى جاقسى بولادى دەپ ۇمىتتەنەمىز، دەپ اتاپ ءوتتى شتۋرمان ياكۋب پشيگونسكيدىڭ شتۋرمانى تيمو گوتتشالك.

فرانتسۋز اۆتوجارىسشىسى ستەفان پەتەرانسەل ءوزىنىڭ جۇبايى اندرەا پەتەرانسەل شتۋرمان رەتىندە بۇگىن ءتورتىنشى بولىپ مارەگە جەتتى، جارىس كوشباسشىسىنان 11 مينۋت جانە 21 سەكۋندقا ارتتا قالدى. ءۇشىنشى كەزەڭنىڭ قورىتىندىسى بويىنشا تاجىريبەلى تاكتيكالىق اۆتوشاباندوز بەسىنشى ورىننان ءتورتىنشى ورىنعا كوتەرىلدى.

- ءبىز ءتورتىنشى بولىپ باستادىق، الدىمەن قۇمدى القاپتى ءجۇرىپ وتتىك، سودان كەيىن وتە ادەمى تابيعي لاندشافتقا كەزىكتىك. جولدا ءبىز ءيازيدتىڭ كولىگىن كوردىك جانە جىلدامدىقتى تەجەدىك، بىراق ول بىزگە ءبارى جاقسى ەكەنىن ءتۇسىندى. كەزەڭ قالعان بولىگى ءساتتى ءوتتى. جولدا دالا كوبەلەكتەرى كوپ ەكەن، ءبىز ءتىپتى الدىڭعى اينەكتى تازالاۋ ءۇشىن توقتادىق. كۇن سايىن ءبىزدىڭ ناتيجە جاقسارىپ كەلەدى، بۇل قۋانتادى، دەدى اندرەا پەتەرانسەل.

وتكەن جىلعى «راللي قازاقستان» جارىسىنىڭ جەڭىمپازى ساۋد ارابياسىنىڭ شاباندوزى يازيد ءال-ءرادجيدىڭ كۇنى ءساتسىز بولدى. جوعارى جىلدامدىقپەن ول ءوزىنىڭ Toyota Hilux اۆتوكولىگىمەن تەرەڭ جىراعا ءتۇسىپ، كاپوت ارقىلى اۋدارىلىپ ءتۇستى. ونىڭ جانىنان ءوتىپ بارا جاتقان چەحيالىق شاباندوز ميروسلاۆ زاپلەتالدىڭ ەكيپاجى يازيدكە اۆتوكولىكتى ورنىنا قويۋعا كومەكتەسكەن.

- ءبىز جارىستى بەسىنشى بولىپ باستادىق، 30-شى كيلومەتردە الدىمەن پەتەرانسەلدى باسىپ وزدىق، سودان كەيىن 60 كيلومەتردەگى بەلگىدە پشيگونسكيدى ارتتا قالدىردىق. سودان كەيىن تەن برينكەگە جەتە بەرگەنلە، ءبىز ساتسىزدىككە تاپ بولدىق، دەدى ءال-رادجي.

ناتيجەسىندە ءال-رادجي كۇننىڭ 11-ءشى ناتيجەسىن كورسەتىپ، جالپى ەسەپتە 7-ورىنعا تۇراقتادى.

قازاقستاندىق دۋەت اندرەي چەرەدنيكوۆ پەن يگنات فالكوۆتىڭ دۋەتى بۇگىن قاشىقتىقتى 3 ساعات 49 مينۋت جانە 53 سەكۋندتا ءجۇرىپ، جەتىنشى بولىپ مارە سىزىعىن كەستى. ءۇش كۇننىڭ قورىتىندىسى بويىنشا "OFF ROAD Kazakhstan" كومانداسى جالپى ەسەپتە سەگىزىنشى ورىندا تۇر.

ۆلاديمير ۆاسيلەۆ پەن كونستانتين جيلتسوۆتىڭ رەسەيلىك ەكيپاجى ءۇشىنشى كەزەڭگە قاتىسقان جوق. كەشە كوماندا تەحنيكالىق ماسەلەلەرگە تاپ بولدى. ولاردىڭ Mini John Cooper Works Rally اۆتوكولىگىندە شار تىرەگى، دوڭعالاق جەتەگى جانە تەجەگىش جۇيەسى بۇزىلعان. ۇزاق جوندەۋدەن كەيىن ەكيپاج مارەگە جەتتى، بىراق كەلەسى كۇنى كۇرەستى جالعاستىرماۋعا شەشىم قابىلدادى.

T2 جول تالعامايتىن كولىكتەر كلاسىندا بۇگىن موحاممەد ال-مەەر جەڭىسكە جەتتى، ونىڭ ەكيپاجى ەكىنشى كۇننىڭ قاشىقتىعىن 4 ساعات 50 مينۋت جانە 20 سەكۋندتا ەڭسەردى.

ت3 ساناتىندا فەدور ۆوروبەۆتىڭ ەكيپاجى جەڭىسكە جەتتى، ول 4 ساعات 21 مينۋت جانە 24 سەكۋند ناتيجەسىمەن مارەگە جەتتى. برازيليانىڭ اۆتوجارىسشىسى رەينالدو ۆارەلا مارە سىزىعىن ەكىنشى بولىپ كەستى، بىراق بۇل ساناتتا جالپى ەسەپتە ول كوش باستاپ تۇر.

جۇك سەرياسىندا ءۇشىنشى كۇن قاتارىنان رەسەيلىك «كاماز-ماستەر» كومانداسىنان دميتري سوتنيكوۆ جەڭىستى تويلادى، ونىڭ ەكيپاجى قاشىقتىقتى 3 ساعات 32 مينۋت جانە 3 سەكۋندتا ءجۇرىپ ءوتتى. «داكار» ءرالليىنىڭ بىرنەشە دۇركىن جۇلدەگەرى رەسەيلىك «گاز رەيد سپورت» ەكيپاجىنىڭ وكىلدەرى ميحايل شكلياەۆ پەن الەكساندر لاگۋتتان جارىس كەستەسىندە 4 ساعاتقا الدا تۇر.

جارىستىڭ ءتورتىنشى كۇنى  كەندىرلى قالاسىندا قايتا باستاۋ الادى، وندا راللي قاتىسۋشىلارى جاڭاوزەن قالاسىنىڭ جانىنداعى اينالما جولعا اتتانادى جانە اقتاۋ ماڭىندا مارەگە جەتەدى. ارنايى ۋچاسكەنىڭ ۇزىندىعى 399 كيلومەتردى قۇرايدى.

ماڭعىستاۋ وبلىسى

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار