دامير زەكەننىڭ اناسى زاۋرە قارامۋرزينانىڭ ايتۋىنشا, ۇلى وعان بىرنەشە كۇن بۇرىن قوڭىراۋ شالىپ, دەنساۋلىعىنىڭ ناشارلاعانىن ايتقان.
«24 مامىر كۇنى دامير شىعىس قازاقستان وبلىسىندا ورنالاسقان №2086 اسكەري ءبولىمىنىڭ گوسپيتالىنە قوڭىراۋ شالىپ, باس اۋرۋىنا شاعىمداندى. 25 مامىردا ونى اسكەري گوسپيتالگە جاتقىزدى. جاعدايى ناشارلاعان سوڭ, ۇلىمدى الماتىداعى جۇقپالى اۋرۋلار اۋرۋحاناسىنا جىبەردى», دەدى زاۋرە قارامۋرزينا.
الماتى قالالىق كلينيكالىق جۇقپالى اۋرۋلار اۋرۋحاناسىنىڭ كەزەكشى دارىگەر-رەانيماتولوگى رۋسلان كيباشەۆتىڭ ايتۋىنشا, ناۋقاسقا قازىر مەنينگيت دياگنوزى قويىلعان.
«دامير زەكەن اسكەري گوسپيتالدەن كەلىپ ءتۇستى. ناۋقاسقا مەنينگيت, مەنينگوكوكتسەميا دياگنوزى قويىلىپ وتىر. ونىڭ قازىر جاعدايى اۋىر. بىزگە كەلىپ تۇسكەندە ونىڭ دۆس-سيندرومى, قان ۇيۋىنىڭ بۇزىلۋى بولدى. ول كەشەندى ەم الادى», دەپ ءتۇسىندىردى كەزەكشى دارىگەر-رەانيماتولوگ.
باس مەملەكەتتىك سانيتارلىق دارىگەر جانداربەك بەكشين شقو اسكەري قىزمەتشىسى دامير زەكەننىڭ اۋرۋحاناعا جاتقىزىلعانىن راستادى.
«وعان مەنينگوكوكتى مەنينگيت دەگەن دياگنوز قويىلدى», دەدى جانداربەك بەكشين.
ەسكە سالا كەتەيىك, 27 مامىر كۇنى وتكەن ءباسپاسوز ءماسليحاتىندا ەلىمىزدىڭ باس مەملەكەتتىك سانيتارلىق دارىگەرى جانداربەك بەكشين قازاقستاندا مەنينگوكوكك جۇقپاسىنىڭ جاعدايى تۇراقتى ەكەنىن اتاپ ءوتتى. 2019 جىلدىڭ باسىنان بەرى مەنينگوكوكك جۇقپاسىنىڭ 22 جاعدايى تىركەلگەن. ستاتسيونارلىق ەمدەلۋدە قازىر شقو, بقو, اقمولا جانە الماتى وبلىستارىنان بەس ناۋقاس بار. مەنينگوكوكتى ينفەكتسياعا كۇدىكتى ستاتسيونارلاردا ەكى ناۋقاس تىركەلگەن. ناۋقاستاردىڭ جاعدايى تۇراقتى.
