«مەن ءتىرى كەزدە تۋبەركۋلەزدى توقتاتىڭىزدار»
سەنبى, 16 ناۋرىز 2013 2:09
وسىنداي ۇرانمەن دۇنيەجۇزىلىك تۋبەركۋلەزگە قارسى كۇرەس كۇنىنە وراي 2013 جىلدىڭ 23 اقپان – 24 ناۋرىز ارالىعىندا رەسپۋبليكا بويىنشا ايلىق جاريالانعان بولاتىن.
الەمدەگى دامىعان 30 مەملەكەتتىڭ قاتارىنا قوسىلۋدى ماقسات تۇتقان ەلىمىزدە تۋبەركۋلەز سياقتى الەۋمەتتىك ماڭىزى بار اۋرۋلارعا قارسى كۇرەسى كەڭ ءورىس الىپ وتىر. ءناتيجەسىندە سوڭعى 5 جىلدا تۋبەركۋلەزبەن سىرقاتتانۋ دەڭگەيىنىڭ تومەندەگەنى بايقالادى. ماسەلەن, 100 مىڭ تۇرعىنعا شاققاندا تۋبەركۋلەزبەن سىرقاتتانۋ كورسەتكىشى 2008 جىلى 125,5 بولسا, 2012 جىلى 81,7, ياعني 34,9 پايىزعا, ال ءولىم كورسەتكىشى 2008 جىلى 16,9-دان 2012 جىلى 7,2 دەيىن (57,4 پايىز) كەمىگەن.
سەنبى, 16 ناۋرىز 2013 2:09
وسىنداي ۇرانمەن دۇنيەجۇزىلىك تۋبەركۋلەزگە قارسى كۇرەس كۇنىنە وراي 2013 جىلدىڭ 23 اقپان – 24 ناۋرىز ارالىعىندا رەسپۋبليكا بويىنشا ايلىق جاريالانعان بولاتىن.
الەمدەگى دامىعان 30 مەملەكەتتىڭ قاتارىنا قوسىلۋدى ماقسات تۇتقان ەلىمىزدە تۋبەركۋلەز سياقتى الەۋمەتتىك ماڭىزى بار اۋرۋلارعا قارسى كۇرەسى كەڭ ءورىس الىپ وتىر. ءناتيجەسىندە سوڭعى 5 جىلدا تۋبەركۋلەزبەن سىرقاتتانۋ دەڭگەيىنىڭ تومەندەگەنى بايقالادى. ماسەلەن, 100 مىڭ تۇرعىنعا شاققاندا تۋبەركۋلەزبەن سىرقاتتانۋ كورسەتكىشى 2008 جىلى 125,5 بولسا, 2012 جىلى 81,7, ياعني 34,9 پايىزعا, ال ءولىم كورسەتكىشى 2008 جىلى 16,9-دان 2012 جىلى 7,2 دەيىن (57,4 پايىز) كەمىگەن.
تۋبەركۋلەز پروبلەمالارى ۇلتتىق ورتالىعىنىڭ ديرەكتورى, پروفەسسور تىلەۋحان ابىلداەۆتىڭ پىكىرىنشە, وتكەن جىلى جاڭا يننوۆاتسيالىق تەحنولوگيالاردىڭ ەنگىزىلۋى, اۋرۋدىڭ جاڭا جاعدايلارىنىڭ اراسىندا تۋبەركۋلەزگە قارسى ءدارى-دارمەكتەرگە دارىلىك سەزىمتالدىق تەستىمەن انىقتاۋ 91 پايىزعا دەيىن (ددۇ ستاندارتى 90 پايىز), ال قايتالاۋ جاعدايلارى 94,5 پايىزعا دەيىن جەتكەن. ال ناۋقاستاردى ەممەن قامتۋ 2008 جىلى 27,5 پايىزدان 2012 جىلى 86,9 پايىزعا وسكەن.
سونداي-اق, تۋبەركۋلەز پروبلەمالارى ۇلتتىق ورتالىعىندا وتكەن ءباسپاسوز ءماسليحاتىندا USAID «ساپالى دەنساۋلىق ساقتاۋ» جوباسىنىڭ تۋبەركۋلەز جونىندەگى ايماقتىق كەڭەسشىسى گومبوگارام تسوگت مىرزا قازاقستان 2012 جىلدىڭ سوڭىندا ددۇ ماقساتتارىنا قول جەتكىزگەنىن, 2015 جىلعا دەيىن كوپ دارىگە ءتوزىمدى تۋبەركۋلەز ناۋقاستارىن 85 پايىز ەممەن قامتىپ جانە كدت تب تابىستى ەمدەۋ دەڭگەيى بويىنشا الەمدە ءبىرىنشى ورىن الاتىندىعىن مالىمدەدى.
تۋبەركۋلەز پروبلەمالارى ۇلتتىق ورتالىعىنىڭ, سالاماتتى ءومىر سالتىن قالىپتاستىرۋ پروبلەمالارى ۇلتتىق ورتالىعىنىڭ جانە ۇكىمەتتىك ەمەس ۇيىمداردىڭ قولداۋىمەن ۇستىمىزدەگى جىلدىڭ 20 ناۋرىزىندا ساعات 13.30-دان 15.00-گە دەيىن رەسپۋبليكا سارايى الاڭىندا الماتى قالاسىنىڭ تۇرعىندارى ءۇشىن دۇنيەجۇزىلىك تۋبەركۋلەزگە قارسى كۇرەس كۇنىنە ارنالعان پرومو-اكتسيا وتكىزىلمەك. سالاماتتى ءومىر سالتىن قالىپتاستىرۋ پروبلەمالارى ۇلتتىق ورتالىعىنىڭ ديرەكتورى, پروفەسسور جاميليا باتتاقوۆانىڭ ايتۋىنشا, اتالمىش ءىس-شارا شەڭبەرىندە تۇرعىندار تەگىن فليۋروگرافيالىق تەكسەرۋدەن ءوتىپ, فتيزياتر مامانداردان كەڭەس الادى, تۇرعىنداردىڭ تۋبەركۋلەز تۋرالى نە بىلەتىنىن انىقتاۋ ماقساتىندا ساۋالناما جۇرگىزىلەدى.
سونىمەن قاتار, ايلىق اياسىندا وسى تاقىرىپتا قالام تارتىپ جۇرگەن جۋرناليستەر اراسىندا بايقاۋ وتكىزىلەدى. بايقاۋدىڭ ماقساتى – باق-تا ازاماتتىق قوعام ينستيتۋتتارىنىڭ, تۇرعىنداردىڭ جانە ۇيىمداردىڭ ەلىمىزدەگى تۋبەركۋلەز ماسەلەلەرىنە نازارىن اۋدارۋ, حالىقتىڭ ساۋاتتىلىعىن ارتتىرۋ جانە ەلىمىزدەگى تۋبەركۋلەزگە قارسى باعدارلامالاردى جۇزەگە اسىرۋدىڭ جەتىستىكتەرى مەن نەگىزگى باعىتتارىن حالىققا جەتكىزۋ.
گۇلزەينەپ سادىرقىزى,
«ەگەمەن قازاقستان».
