وسى كۇنگە دەيىن 11 رەت ايقاس الاڭىنا شىعىپ, بارلىعىندا جەڭىسكە جەتكەن جەرلەسىمىز 30 ناۋرىزدا الماتىدا وتكەن تۋرنيردە رەسەيلىك دانيلا پريكازانى ەكىنشى راۋندتا تەحنيكالىق نوكاۋتپەن ۇتىپ, ايتۋلى نۇسقانىڭ التىن بەلبەۋىن يەلەنگەن ەدى. ەندى شاۆقات ءوز اتاعىن قورعاۋ ءۇشىن كۇش سىناسادى.
نۇر-سۇلتانداعى جارىستا راحمونوۆ برازيليالىق تياگو ۆارەجاومەن ايقاسادى. ول وتە تاجىريبەلى سپورتشى. وڭتۇستىك امەريكادان كەلەتىن وعلان وسى كۇنگە دەيىن 34 كەزدەسۋ وتكىزىپ, 27 مارتە جەڭىسكە جەتتى. ونىڭ 22-ىسىندە ايقىن باسىمدىق تانىتتى. 6 رەت ۇتىلىپ, تاعى ءبىر باسەكە تەڭ اياقتالدى.
شاۆقات راحمونوۆ ءۇشىن وسى جەكپە-جەكتە جەڭىسكە جەتۋ وتە ماڭىزدى. ەگەر جەرلەسىمىز ءۇشىن باسەكە ويداعىداي اياقتالاتىن بولسا, وندا وعان ەڭ ايگىلى پروموۋشەن – UFC-گە داڭعىل جول اشىلادى.
