ءبىرىنشى ءۋازىر پاتشاسىن رازى قىلماققا بەكىنىپ جەمىستىڭ ەڭ جاقسى ۋىلجىپ پىسكەنىن جينايدى. ەكىنشى ءۋازىر «پاتشا جەمىس-جيدەكتى ءوزى ءۇشىن تەرگىزىپ جاتقان جوق بولار, ونى تەكسەرىپ اۋرەلەنىپ جاتپايدى-اۋ» دەپ توپشىلايدى دا قولىنا ىلىنگەندى سەبەتكە توعىتا بەرەدى. ءۇشىنشى ءۋازىر «وسى جەمىس-جيدەكتى پاتشا ءوزى جەيدى دەيمىسىڭ؟» دەپ سەبەتكە ءشوپ-شالام ارالاسقان ساپاسىز ءونىمدى تولتىرىپ الىپ كەلىپتى.
كەلەسى كۇنى پاتشا ءۇش ءۋازىردى دە قولدارىنداعى سەبەت تولى جەمىستەرىمەن بىرگە ءۇش ايعا بولەك-بولەك تۇرمەگە قاماۋعا بۇيرىق شىعارادى. ولارعا سىرتتان سۋ, تاماق كىرگىزۋگە تىيىم سالادى.
العاشقى ءۋازىر ءوزىنىڭ تەرگەن جەمىسىنىڭ قىزىعىن ءوزى كورىپ, ءۇش ايدى الاڭسىز وتكىزەدى. ەكىنشى ءۋازىر قابىن اقتارىپ, جەۋگە جارامدىسىن ازەر تاۋىپ قاتتى قينالادى. ءۇشىنشى ءۋازىر ءبىر ايعا جەتپەي اشتان قاتقان ەكەن.
ءبىز بۇل مىسالدان نە تۇسىنەمىز: زىندانعا تۇسكەن ۋازىرلەر وزدەرى تەرگەن جەمىسىمەن كۇنەلتكەنى سياقتى ءبىز دە ەرتەڭ ءتاڭىر الدىنا بارعاندا, تىرىدە نەندەي ساۋاپ جيناپ, جاقسىلىق جاسادىق, ءوزىمىزدىڭ قابىمىزدى نەمەن تولتىردىق, سوعان ساي ىلتيپاتقا يە بولامىز.
