وبلىس بويىنشا 1 وبلىستىق, 8 اۋماقتىق سايلاۋ كوميسسيالارى جانە 366 ۋچاسكەلىك سايلاۋ كوميسسياسى جۇمىس اتقارادى. قازىرگى تاڭدا بارلىق دەڭگەيدەگى سايلاۋ كوميسسيالارى ەلەكتوراتتىق وقىتۋدان وتكىزىلۋدە. بارلىعى 29 توپتان قۇرالعان 793 سايلاۋ كوميسسياسىنىڭ مۇشەلەرى وقىتىلىپ جاتىر.
«وبلىس بويىنشا بۇگىندە بيلبوردتار مەن پلاكاتتار ءۇشىن 238 ورىن جانە سايلاۋشىلارمەن كەزدەسۋلەر ۇيىمداستىرۋ ءۇشىن 170 ءۇي-جاي بەلگىلەنگەن, كانديداتتارعا ۇگىت جۇرگىزۋ ءۇشىن تولىق جاعداي جاسالعان», دەدى وبلىستىق سايلاۋ كوميسسياسىنىڭ توراعاسى ابايبەك ءجۇنىسوۆ.
قازاقستان پرەزيدەنتتىگىنە كانديداتتاردىڭ وبلىس بويىنشا 1597 سەنىمدى وكىلى ءتىركەلىپ, كۋالىكتەرى تابىستالدى. كانديداتتاردى قولداۋعا بايلانىستى وبلىس اۋماعىندا 7 قوعامدىق شتاب قۇرىلعان. شتاب وكىلدەرى سايلاۋ كوميسسيالارىمەن ءوزارا كەدەرگىسىز بايلانىسادى جانە كەڭەس الادى.
سايلاۋعا قاتىسىپ, داۋىس بەرۋمەن عانا ءىس بىتپەيدى. سەنىم بىلدىرگەن ادامداردىڭ زاڭ شەڭبەرىنەن شىعىپ كەتپەۋى, داۋىس بەرۋ بارىسىندا ەسكەرەتىن ءماسەلەلەرى جەتكىلىكتى. كەزدەسۋدە وبلىستىق سايلاۋ كوميسسياسىنىڭ حاتشىسى اياگوز سىرلىباەۆا ۇگىت-ناسيحات جۇمىستارىنىڭ ءتارتىبى جانە جالپى شارتتارى تۋرالى جان-جاقتى ايتىپ بەردى.
