س.ايتپاەۆا ساپار بارىسىندا وبلىس اكىمىنىڭ ورىنباسارى, قالا جانە اۋدان اكىمدەرى, جەرگىلىكتى اتقارۋشى ورگان وكىلدەرىنىڭ قاتىسۋىمەن كامەلەتكە تولماعانداردىڭ قاۋىپسىزدىگى ماسەلەلەرى بويىنشا وتىرىس وتكىزدى.
س.ايتپاەۆا سوڭعى كەزدەرى بالالاردىڭ زاڭدى قۇقىقتارى مەن مۇددەلەرىنىڭ بۇزىلۋى, ونىڭ ىشىندە بالالارعا قاتىگەزدىكپەن قاراۋ جانە اتا-انالاردىڭ بالا تاربيەسىنە سالعىرت قاراۋ جاعدايلارىنىڭ ورىن العانىن اتاپ ءوتتى.
«وتباسى ماسەلەلەرى, الەۋمەتتىك جەتىمدىكتىڭ, بالالاردىڭ قاراۋسىز قالۋ جانە ولاردىڭ قۇقىقتارىنىڭ بۇزىلۋىنىڭ الدىن الۋ, بالالار قۇقىقتارىنىڭ ساقتالۋىن جانە وسى سالاداعى بيلىك ورگاندارىنىڭ قىزمەتىن قاداعالاۋدىڭ ءتيىمدى جۇيەسىن ۇيىمداستىرۋ, الەۋمەتتىك ارىپتەستىكتى دامىتۋ ماسەلەلەرى بىرلەسىپ شەشىم قابىلداۋدى قاجەت ەتەتىن وزەكتى تاقىرىپ بولىپ تابىلادى», - دەپ اتاپ ءوتتى ۋاكىل.
س.ايتپاەۆا ءوز سوزىندە 2019 جىلدىڭ 1 ساۋىرىنەن باستاپ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالانىڭ قۇقىقتارىن قورعاۋ جونىندەگى فۋنكتسيالاردى جۇزەگە اسىراتىن ۇيىمداردىڭ قىزمەتىمەن بايلانىستى ماسەلەلەر بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ كۇشىنە ەنگەنىن اتاپ ءوتتى. وندا كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسياعا ەلەۋلى ءرول بولىنگەن, ول مەملەكەتتىك ورگاندار مەن مەكەمەلەردىڭ كامەلەتكە تولماعاندار اراسىنداعى قۇقىق بۇزۋشىلىقتاردىڭ, قاداعالاۋسىز جانە پاناسىز قالۋدىڭ الدىن الۋ سالاسىنداعى قىزمەتىن ۇيلەستىرۋدى قامتاماسىز ەتەتىن تۇراقتى جۇمىس ىستەيتىن القالى ورگان بولىپ تابىلادى. مۇنداي كوميسسيالاردىڭ جەرگىلىكتى جەرلەردەگى ءرولى كۇشەيتىلدى جانە ولاردىڭ قوعام الدىنداعى جاۋاپكەرشىلىگى ارتا تۇسەدى.
كەزدەسۋ قورىتىندىسى بويىنشا ۋاكىل وتباسى تاربيەسى, اتا-انالار مەن بالالاردىڭ قۇقىقتىق ساۋاتتىلىعىن ارتتىرۋ, اتا-انالاردىڭ بالالار ءۇشىن جاۋاپكەرشىلىگى (اليمەنت, اجىراسۋ, تۇرعىن ءۇي, جۇمىسقا ورنالاسۋ, لايىقتى ءبىلىم بەرۋ), اقپاراتتىق قاۋىپسىزدىك ماسەلەلەرىنە قاتىسۋشىلاردىڭ نازارىن اۋداردى. ول قوعامدى, بارلىق مەملەكەتتىك ورگانداردىڭ وكىلدەرىن كەلىسىلگەن بىرلەسكەن ءىس-قيمىلداردى كۇشەيتۋگە جانە بالانىڭ يگىلىگى جولىندا بەلگىلەنگەن پروبلەمالاردى جويۋ ءۇشىن بەلسەندى شارالار قولدانۋعا شاقىردى.
