سايلاۋالدى باعدارلامالار – الەۋمەتتىك ماسەلەلەر شەشىمى

سايلاۋ • 21 مامىر، 2019

سايلاۋالدى باعدارلامالار – الەۋمەتتىك ماسەلەلەر شەشىمى

ەلىمىزدە سايلاۋالدى ۇگىت-ناسيحات جۇمىستارىنىڭ ەكىنشى اپتاسى باستالدى. وڭىر-وڭىردەگى كەزدەسۋلەر بارىسىندا حالىق وزدەرىن مازالاعان ماسەلەلەردىڭ شەشىمىن كانديداتتاردىڭ سايلاۋالدى باعدارلاماسىنان كەزدەستىرىپ، قىزىعۋشىلىق تانىتىپ جاتىر.

Egemen Qazaqstan

«اق جول» دەموكراتيالىق پارتياسى اتىنان پرەزيدەنتتىككە كانديدات دانيا ەسپاەۆانىڭ رەسپۋبليكالىق شتابى سايلاۋ ناۋقانى اياسىندا ماڭعىستاۋ وبلىسىنا كەلدى. ماڭعىستاۋ جەرىندە اتالعان پارتيا ءتوراعاسى ازات پەرۋاشەۆ جانە پارلامەنت ماجىلىسىنىڭ دەپۋتاتى بەرىك دۇيسەنبينوۆ قوشقار اتا قورىمىنا بارىپ، ۇستازى تاناش مەڭدىبايۇلىنىڭ ارۋاعىنا قۇران باعىشتادى. سودان سوڭ شتاب وكىلدەرى ءتۇپقاراعان اۋدانىنىڭ اقشۇقىر اۋىلىنداعى «قازاق-بەكىرە» كاسىپورنىنىڭ جۇمىسىمەن تانىستى. بەكىرە بالىعىنىڭ بىرنەشە تۇقىمىن قولدان ءوسىرىپ، وتاندىق نارىققا قوسۋمەن اينالىسىپ جۇرگەن سەرىكتەستىكتىڭ بۇگىنگى تىنىسىنان، سونداي-اق الداعى ماقسات-جوبالارىنان حاباردار بولعان دەلەگاسيا اقتاۋداعى «حوليدەي ءيين» قوناقۇيىنىڭ ءماجىلىس زالىندا پارتيانىڭ ماڭعىستاۋ وبلىستىق فيليالى ۇيىمداستىرعان جيىنعا قاتىستى.

كەزدەسۋدى «اق جول» قدپ ماڭعىستاۋ وبلىستىق فيليالىنىڭ ءتوراعاسى جاڭبىرباي ماتاەۆ جۇرگىزىپ وتىردى. پارتيا ءتوراعاسى ا.پەرۋاشەۆ پارتيانىڭ باعىت-باعدارىن، پرەزيدەنتتىكتەن ۇمىتكەر دانيا ەسپاەۆانىڭ سايلاۋالدى باعدارلاماسىنىڭ ماقساتتارىن ءتۇسىندىردى. جينالعاندار وزدەرىنىڭ كوكەيلەرىندە جۇرگەن سۇراقتارىن قويىپ، پىكىر ءالماستى. بىرىڭعاي جيناقتاۋشى زەينەتاقى قورى، كاسىپكەرلىك جانە وعان كورسەتىلەتىن قولداۋ، ەكولوگيا سىندى وزەكتى ماسەلەلەر كوتەرىلدى. اسىرەسە ەلدىك مۇددەنىڭ جاستاردى بەيجاي قالدىرا المايتىندىعى قۋانتتى. شارا سوڭىندا كۇيشى نابيار التاەۆ كۇي تارتىپ، «اق جول-جاستار» جاستار قاناتىنىڭ مۇشەسى ەركەبۇلان قۋانعالي حالىق تەرمەسىن ورىندادى.

سونىمەن قاتار رەسپۋبليكالىق شتاب ماڭعىستاۋ وبلىسىنداعى اقتاۋ ترانسفورماتور زاۋىتىنا بارىپ، ونىڭ جۇمىسىمەن تانىستى. جاڭا زاماناۋي تەحنولوگيالارمەن جابدىقتالىپ، اۋقىمدى اۋماققا قىزمەت كورسەتىپ تۇرعان سەرىكتەستىك ۇجىمىمەن كەزدەسىپ، پرەزيدەنتتىككە كانديدات د.ەسپاەۆانىڭ سايلاۋالدى باعدارلاماسى تانىستىرىلدى.

* * *

«اۋىل» حالىقتىق-دەموكراتيالىق پاتريوتتىق پارتياسى اتىنان پرەزيدەنتتىككە كانديدات تولەۋتاي راقىمبەكوۆتىڭ سايلاۋالدى قوعامدىق شتابتارى وتكەن اپتادا 20-دان اسا شارا وتكىزدى. ونىڭ اراسىندا كانديداتتىڭ ءوزى ەلورداداعى اگرارلىق عىلىم سالاسىنىڭ ماماندارىمەن كەزدەسىپ، وزەكتى ماسەلەلەردى تالقىلادى. ال رەسپۋبليكالىق شتاب باسشىسى ءالي بەكتاەۆ جامبىل جانە اقمولا وبلىسىنا بارىپ، ۇمىتكەردىڭ سايلاۋالدى باعدارلاماسىن تانىستىردى. سونىمەن قاتار ۇگىت-ناسيحات ناۋقانى اياسىندا قىزىلوردا، تۇركىستان جانە قىزىلجار وڭىرلەرىندە ت.راقىمبەكوۆتى قولداۋعا ارنالعان مادەني ءىس-شارالار ۇيىمداستىرىلدى.

«اۋىل» پارتياسى بولعاندىقتان، كانديداتتىڭ سايلاۋالدى باعدارلاماسىنىڭ باسىم باعىتتارى اۋىلدى دامىتۋعا، اۋىل شارۋاشىلىعىن وركەندەتۋگە ارنالعانى انىق. سوندىقتان دا العاشقى اپتاداعى كەزدەسۋلەر مەن ۇگىت-ناسيحات شارالارىن اۋىل شارۋاشىلىعى ينستيتۋتتارىندا، اۋىل ءشارۋاشىلىعى بىلىم وشاقتارىندا جانە شارۋا قوجالىقتارىندا وتكىزدىك»، دەدى رەسپۋبليكالىق قوعامدىق شتاب ءتوراعاسىنىڭ ورىنباسارى قۋانىش سەيىتجانوۆ.

اتالعان مادەني ءىس-شارالاردىڭ قاتارىندا شىمكەنت قالاسىنىڭ تۇرعىندارىنا ارنالعان كونسەرتتى اتاۋعا بولادى. كونسەرت باسىندا ت.راقىمبەكوۆتىڭ سەنىم بىلدىرىلگەن ادامى ق.دوساليەۆ جينالعاندارعا سايلاۋالدى باعدارلامانىڭ نەگىزگى باعىتتارى تۋرالى ايتىپ بەردى. سونىمەن قاتار شىمكەنت قالاسىنداعى قاراتاۋ اۋداندىق «اۋىل» پارتياسى فيليالىنىڭ ءتوراعاسى ع.ورازباەۆ جانە قالانىڭ قۇرمەتتى ازاماتتارى ي.تۇرسىنقۇلۇلى، و.تەمىر، ا.تۇرداليەۆ جانە باسقا دا ءبىرقاتار ەل اعاسى كانديدات تۋرالى وڭ پىكىرلەرىن ايتىپ، كوپشىلىكتى 9 ماۋسىمدا وتەتىن سايلاۋعا بەلسەندى تۇردە قاتىسۋعا شاقىردى.

سالتاناتتى شارادا بوي كورسەتكەن قالا تۇرعىندارىنىڭ اراسىندا جاستار جاعى كوپ جينالدى. بۇل كونسەرت شاھار جۇرتىنا كوتەرىڭكى كوڭىل كۇي سىيلاپ، ءبىر سەرپىلتىپ تاستادى.

* * *

كاسىپوداقتار فەدەراسياسىنان ۇمىتكەر امانگەلدى تاسپيحوۆتىڭ سايلاۋالدى قوعامدىق شتابتارى وڭىرلەردە ۇگىت-ناسيحات جۇمىستارىن قارقىندى جۇرگىزىپ جاتىر. كانديداتتىڭ سەنىم بىلدىرىلگەن ادامدارى باتىس قازاقستان وبلىسىنداعى اقجايىق شيپاجايىنا بارىپ، سول وڭىردەن جانە ماڭعىستاۋ، اتىراۋ، اقتوبە وبلىستارىنان كەلگەن دەمالۋشىلارمەن كەزدەسۋ وتكىزدى. جيىنعا 200-گە جۋىق دەمالۋشى جانە شيپاجاي قىزمەتكەرلەرى قاتىستى. جينالعان جۇرت كانديداتتىڭ تۇعىرناماسىندا كوتەرىلگەن ەڭبەك ادامىنىڭ قۇقى مەن مۇددەسى، ەڭبەك ادامىنا لايىقتى ەڭبەكاقى تولەنۋى جونىندە ايقىندالعان قادامداردىڭ وزەكتى ەكەندىگى جايلى پىكىرلەرىن ءبىلدىردى. بۇعان قوسا، دەمالۋشىلار شيپاجايدىڭ بولاشاعىنا قىزىعۋشىلىق تانىتىپ، الداعى جوسپارلارى تۋرالى ءبىلدى. قاتىسۋشىلارعا ۇگىت-ناسيحات ماتەريالدارى ۇلەستىرىلىپ، جيىن سوڭى اسەم انگە ۇلاستى.

سونىمەن قاتار ا.تاسپيحوۆتىڭ سەنىم بىلدىرىلگەن ادامدارى مەن ەرىكتىلەر اتىراۋ ءوبلىسىندا بىرقاتار كەزدەسۋ ۇيىمداستىردى. اتىراۋلىق كاسىپوداق مۇشەلەرى الدىمەن يساتاي اۋدانى تۇششىقۇدىق اۋىلىنداعى سايلاۋشىلارمەن جۇزدەسىپ، ودان كەيىن سول اۋدانعا قاراستى ح.ەرعاليەۆ اۋىلىنا دا اتباسىن بۇردى. سونداي-اق اتالعان وبلىستىڭ ماحامبەت اۋدانىندا ناسيحاتشىلار توبى حالىق كوپ شوعىرلانعان ورىندارعا ۇگىت ماتەريالدارىن ورنالاستىردى.

ال الماتى وبلىسىنداعى قوعامدىق شتاب الاكول ءاۋدانىنداعى ۇشارال قازاق گيمنازياسىندا كەزدەسۋ وتكىزدى. وتىرىستا كانديداتتىڭ تۇعىرناماسىندا كوتەرىلگەن نەگىزگى باعىتتار جان-جاقتى تالقىلاندى. باستاۋىش كاسىپوداق ۇيىمى ءتوراعالارى جينالعانداردى الداعى سايلاۋدا كونستيتۋسيالىق قۇقىقتارىن تولىق ورىنداپ، وعان ءبىر كىسىدەي قاتىسۋعا شاقىردى.

سونداي-اق قىزىلوردادا ەرىكتىلەر بەلسەندىلىك تانىتىپ، دەمالىس كۇندەرى ءىرى ساۋدا، ويىن-ساۋىق ورتالىقتارىنا اعىلعان ادامداردىڭ قولىنا كانديداتتىڭ باعدارلاماسى باسىلعان پاراقتاردى ۇستاتىپ، سايلاۋ تۋرالى اقپارات بەردى.

11 مامىردا ساعات 18.00-دە سايلاۋ الدىنداعى ۇگىت باستالدى. ول 8 ماۋسىم كۇنگى ساعات 00.00-گە دەيىن جالعاسادى.

سايلاۋ زاڭناماسىنا سايكەس، سايلاۋ الدىنداعى ۇگiت – سايلاۋشىلاردىڭ بەلگiلi بiر كانديداتتى ؛ جاقتاپ نەمەسە قارسى داۋىس بەرۋگە قاتىسۋىنا تۇرتكi بولۋ ماقساتىنداعى قىزمەت.

ۇگىت ءۇش نەگىزگى تاسىلمەن جۇزەگە اسىرىلادى – باق-تا، جاريا iس-شارالاردى وتكىزۋ، كانديداتتاردىڭ جانە ولاردىڭ سەنiم بiلدiرىلگەن ادامدارىنىڭ سايلاۋشىلارمەن جەكە كەزدەسۋلەرىن وتكiزۋ، سونداي-اق ؛ باسپا باسىلىمدارىن، دىبىس-بەينە جانە وزگە دە ۇگiت ماتەريالدارىن شىعارۋ جانە تاراتۋ جولىمەن جۇزەگە اسىرىلادى. ؛

مەملەكەت سايلاۋ الدىنداعى باعدارلامانى جۇرگىزۋ ءۇشىن بۇقارالىق اقپارات قۇرالدارىنا قول جەتكىزۋدىڭ تەڭ جاعدايلارىنا ؛ كەپiلدiك بەرەدi. ؛ ؛

اربىر كانديداتقا تەلەديداردان 15 مينۋتتىق ءسوز سويلەۋگە، راديودان 10 مينۋتتىق ءسوز سويلەۋگە جانە باسپا باسىلىمدارىندا ەكى ماقالا جاريالاۋىنا قاراجات بەرىلەدى.

* * *

قازاقستان كوممۋنيستىك حالىق پارتياسىنان پرەزيدەنتتىككە كانديدات جامبىل احمەتبەكوۆتىڭ رەسپۋبليكالىق سايلاۋالدى شتابى سالاماتتى ءومىر سالتىن ناسيحاتتاۋ اياسىندا نۇر-سۇلتان قالاسىندا فۋتزالدان «كوكتەم-2019» تۋرنيرىن وتكىزدى. «كوكتال» شاعىن اۋدانىنىڭ سپورت الاڭىندا وتكەن دوپ دوداسىنا كانديدات ج.احمەتبەكوۆ تە قاتىستى. ۇمىتكەر ءوزىنىڭ ءومىرى سپورتپەن تىعىز بايلانىستى ەكەنىن اتاپ كورسەتىپ، كاراتەدان قارا بەلبەۋ يەگەرى جانە «سپورتتىق كاراتە فەدەراسياسىنىڭ» قۇرمەتتى پرەزيدەنتى ەكەنىن ايتتى. «سپورت – زاماناۋي قوعامنىڭ ماڭىزدى سالاسى جانە تۇلعا مەن قوعامنىڭ ۇيلەسىمدى دامۋىنىڭ كەپىلى. ءبىز جاستاردى ينتەرنەتكە تاۋەلدىلىكتەن الشاقتاتقىمىز كەلەدى. ينتەرنەتكە شىعاتىن دەسترۋكتيۆتى مازمۇنداعى ماتەريالدار ۇلتارالىق جانە كونفەسسياارالىق ارازدىق تۋدىرىپ، قوعامدا تۇسىنىسپەۋشىلىكتىڭ ورىن الۋىنا نەگىز بولادى. ال سپورت ادامداردى ولاردىڭ تەگى مەن دىنىنە قاراماستان بىرىكتىرەدى. بۇل – ءبىزدىڭ سايلاۋالدى تۇعىرناما ارقىلى قازاقستاندىقتارعا ۇسىنعان تىڭ ءباستامالارىمىزدىڭ بىرى»، دەپ مالىمدەدى ج.احمەتبەكوۆ.

سونىمەن قاتار قىزىلوردا قالاسىندا وبلىستىق سايلاۋالدى شتاب وكىلدەرى اۆتوبۋس پاركىنىڭ ەڭبەك ۇجىمىمەن كەزدەسۋ ۇيىمداستىردى. شتاب جەتەكشىسى ت.تەلەۋباەۆ جينالعاندارعا پارتيانىڭ سايلاۋالدى تۇعىرناماسىن تانىستىردى. ول ماركسيستىك-لەنيندىك ۇستانىمداردىڭ ماڭىزدى تۇستارىن تىلگە تيەك ەتىپ، كوممۋنيستىك تاربيەنىڭ تاجىريبەلىك اسپەكتىلەرى مەن كوممۋنيستەردىڭ باتىستىڭ كەرى قۇندىلىقتارىنا قارسى جۇرگىزىپ جاتقان جۇمىستارىنا توقتالدى.

اۆتوبۋس پاركىنىڭ جۇمىسشىلارى قكحپ ۇمىتكەرىنىڭ سايلاۋالدى تۇعىرناماسىنىڭ نەگىزگى تەزيستەرىن وڭ قابىلدادى. قىزىلوردا اۆتوبۋس پاركى جشس باس ينجەنەرى سايلاۋحان پوستانوۆ ء«بىز – اتا-اجەنىڭ تاربيەسىن كورىپ وسكەن ۇرپاقپىز، بالالارىمىز دا اتا-اجەنىڭ باۋىرىندا بولعانىن قالايمىز. وسى تۇرعىدان العاندا، كوممۋنيستەردىڭ سايلاۋالدى باعدارلاماسى جانىما جاقىن. الداعى سايلاۋدا ۇرپاعىمنىڭ بولاشاعى ءۇشىن لايىقتى تاڭداۋ جاسايمىن دەپ ويلايمىن»، دەدى.

* * *

Nur Otan پارتياسىنان پرەزيدەنتتىككە كانديدات رەتىندە ۇسىنىلعان قاسىم-جومارت توقاەۆتىڭ رەسپۋبليكالىق قوعامدىق شتابىنىڭ ۇگىت-ناسيحات جۇمىستارى اقتوبە وبلىسىندا جالعاستى. كەزدەسۋ بارىسىندا دەلەگاسيا مۇشەلەرى ءبىرقاتار كاسىپورىنعا، مادەني جانە ءبىلىم بەرۋ مەكەمەلەرىنە بارىپ، جۇمىسشىلارمەن، جاستارمەن، پارتيا مۇشەلەرىمەن، قوعامدىق ۇيىمدار وكىلدەرىمەن كەزدەستى. ءوز كانديداتتارىنىڭ سايلاۋالدى باعدارلاماسىنىڭ ءمانىن تولىق ءتۇسىندىرىپ، سايلاۋشىلاردىڭ ۇسىنىستارى، سۇراقتارى مەن وتىنىشتەرىن مۇقيات تىڭدادى.

الدىمەن كانديداتتىڭ جاقتاستارى ايماقتاعى شىعارماشىلىق اكادەميانىڭ الدىنا جينالدى. مۇندا شتاب مۇشەلەرى مەن قوعام بەلسەندىلەرىنىڭ كەزدەسۋى ءوتتى. قوعامدىق شتاب جەتەكشىسى ماۋلەن اشىمباەۆتىڭ سوزىنشە، ق.توقاەۆ ەڭ الدىمەن ءقازاقستاندىقتاردىڭ ال-اۋقاتىن كوتەرۋ مەن ەڭبەكاقىنىڭ ءادىل تۇردە تولەنۋى بويىنشا ەلباسىنىڭ ستراتەگيالىق باعىتىن جالعاستىرۋدى قالايدى. تاعى ءبىر ماسەلە – حالىقتىڭ باسپانا جايىن شەشۋ. وسى تۇرعىدا كانديداتتىڭ تاياۋ جىلدارى 650 مىڭداي قازاقستاندىق وتباسىن پاتەرمەن قامتۋدى جوسپارلاپ وتىرعانى ايتىلدى.

ودان كەيىن رەسپۋبليكالىق قوعامدىق شتاب مۇشەلەرى اقتوبە رەلس-ارقالىق زاۋىتىندا بولىپ، ەڭبەك ۇجىمىمەن كەزدەستى. بۇل – اقتوبە ءوڭىرى عانا ەمەس، بۇكىل ەلىمىزدەگى بىرەگەي زاۋىت سانالاتىن ىرگەلى كاسىپورىن. شتاب مۇشەلەرى كانديداتتىڭ سايلاۋالدى باعدارلاماسىنداعى ماڭىزدى ءباعىتتاردى تۇسىندىردى. سايلاۋشىلاردىڭ ۇسىنىستارىن، سۇراقتارى مەن وتىنىشتەرىن تىڭدادى. كەزدەسۋدە Nur Otan پارتياسى ءتوراعاسىنىڭ ءبىرىنشى ورىنباسارى م.اشىمباەۆ پرەزيدەنتتىككە كانديدات ق.توقاەۆتىڭ ءومىر جولى مەن سايلاۋالدى باعدارلاماسىنا كەڭىنەن توقتالدى. ال قوعامدىق شتابتىڭ مۇشەسى، ءماجىلىس دەپۋتاتى بەكبولات تىلەۋحان جينالعانداردى ەلباسىنىڭ باستاعان يگى ءىسىن جالعاستىرۋشى تۇلعانى قولداۋعا شاقىردى.

* * *

«ۇلت تاعدىرى» ۇلتتىق-پاتريوتتىق قوزعالىسىنان پرەزيدەنتتىككە كانديدات ءامىرجان قوسانوۆتىڭ سايلاۋالدى وبلىستىق شتابتارى ۇگىت-ناسيحات جۇمىستارىن قارقىندى جۇرگىزە باستادى. جامبىل وبلىستىق شتابى تارازداعى تۇڭعىش پرەزيدەنت ساياباعىندا ستۋدەنتتەردىڭ قاتىسۋىمەن فلەشموب وتكىزدى. ارنايى فۋتبولكا كيگەن ەرىكتىلەر پاراقشالاردى، ۇگىت-ناسيحات ماتەريالدارىن تاراتىپ، ارى-بەرى وتكەن جۇرتتىڭ ساۋالدارىنا وراي سايلاۋ تۋرالى جان-جاقتى مالىمەت بەردى. تۇرعىندار كانديداتتىڭ سايلاۋالدى تۇعىرناماسىنىڭ باعىتتارىنا قىزىعۋشىلىق تانىتىپ، ونى تولىقتىرا ءتۇسۋ ءۇشىن وزدەرىنىڭ ۇسىنىستارىن دا ءبىلدىردى. ناسيحاتشىلار توبى تۇرعىندارمەن سۋرەتكە ءتۇسىپ، سايلاۋالدى ۇراندارىن ايتىپ، اندەرىن شىرقادى. مۇنداي فلەشموبتار – كانديداتتارعا قولداۋ كورسەتۋدىڭ ەڭ تانىمال تۇرلەرىنىڭ ءبىرى.

ا.قوسانوۆتىڭ سەمەيدەگى سايلاۋالدى قوسىنى دا ناۋقاندىق شارالارعا قىزۋ كىرىسە باستادى. 19 مامىردا وبلىستىق شتاب قالالىق مادەنيەت ۇيىندە حالىقپەن كەزدەسۋ ۇيىمداستىرىپ، جينالعان قاۋىم كانديداتتىڭ العان بەتىنە وڭ كوزقاراستا ەكەندەرىن ءبىلدىردى. شتاب وكىلدەرى ۇمىتكەردىڭ باعدارلاماسى جانە ونىڭ ءومىر جولى تۋرالى ءسوز قوزعاپ، سۇراقتارعا جاۋاپ بەردى. باسقا قاتىسۋشىلار دا الەۋمەتتىك جانە قوعامدىق تاقىرىپتار تۋرالى جۇرت الدىندا سويلەدى. ءدال وسىنداي ءىس-شارالار جەڭىس گۇلباعىندا جانە م.اۋەزوۆ الاڭىندا دا ءوتتى. وندا دا بەلسەندىلەر تۇرعىندارعا پاراقشالار، ۇگىت-ناسيحات ماتەريالدارىن تاراتىپ، ەستەلىك سۋرەتكە ءتۇستى.

سونداي-اق كانديداتتىڭ سايلاۋالدى شتابىنىڭ مۇشەلەرى نۇر-سۇلتان قالاسىندا ۇگىت-ناسيحات جۇمىستارىن جالعاستىردى. ولار ن.تىلەنديەۆ كوشەسىندەگى تۇرعىن ۇيلەردى ارالاپ، «سالەم» بازارىندا ۇگىت-ناسيحات ماتەريالدارىن تاراتتى. اتالعان ءىس-شارالار كەيىنگى كەزدە ۇمىتكەردى قولداۋشى جاستاردىڭ قاتارى ارتقانىن، كانديداتتى ناسيحاتتاۋ جۇمىستارى ەل وڭىرلەرىن قامتىعانىن اڭعارتادى.

* * *

«ۇلى دالا قىراندارى» رەسپۋبليكالىق قوزعالىسىنان پرەزيدەنتتىككە كانديدات بولىپ تىركەلگەن سادىبەك تۇگەل نۇر-سۇلتان قالاسىنداعى حالىقارالىق ءباسپاسوز ورتالىعىنىڭ قۇرىلعانىنا 20 جىل تولۋىنا بايلانىستى استانانىڭ وسىپ-وركەندەۋىنە ۇلەس قوسقان دارىندى جۋرناليستەردى ەسكە الۋ كەشىن وتكىزدى.

كانديداتتىڭ ومىردەن وتكەن جۋرناليستەردى ەسكە الۋعا ارنالعان «ولاردىڭ ەسىمدەرى – ءبىزدىڭ جۇرەگىمىزدە» اتتى كەشى وسىمەن ءۇشىنشى رەت وتىپ وتىر. جوبانىڭ جەتەكشىسى، قوعام قايراتكەرى س.تۇگەلدىڭ ايتۋىنشا، 2012 جىلى ۇيىمداستىرىلعان العاشقى ءىس-شارا مازمۇندىلىعىمەن كوپشىلىكتىڭ كوڭىلىنەن شىققان. وندا اقسەلەۋ سەيدىمبەك، دۇكەش بايىمبەتوۆ، ۆلاديمير كوچەنوۆ، تالعات ىلىمجان، رافاەل جۇماباەۆ، جۇماتاي سابىرجانوۆ، وكتيابر الىبەكوۆ، جومارت ءابدىحالىق، ۆلاديمير بويكو، مادريد رىسبەكوۆ، شاكيزادا قۇتتاياقوۆ، الماس جولتاەۆ، ولەگ كۆياتكوۆسكيي، ءبىرجان بەلقارا سياقتى ەسىمى حالىققا تانىمال قالامگەرلەردىڭ جارقىن بەينەسىن ەسكە الىپ، ولاردىڭ وتباسى مۇشەلەرى مەن ارىپتەستەرىنىڭ كوڭىلىن تولقىتىپ، ەرەكشە تەبىرەنتكەن.

ۇش جىل بويى وتكىزىلگەن ەسكە الۋ كەشىنىڭ ءتۇيىنى ىسپەتتى وسى جولعى كەزدەسۋگە بىرنەشە قالامگەردىڭ سوڭىندا قالعان وتباسى مۇشەلەرى كەلدى. باسقوسۋعا رافاەل جۇماباەۆ، كەڭەس يۋسۋپوۆ، سماعۇل راحىمبەكوۆ، ەرعازى اسەمبەكوۆ، مارفۋعا بەكتەمىروۆا، ۆيدادي سالاحوۆ، مارات اققۇلوۆ، ايتقادىر تىلەۋوۆ، انۋار وماروۆ، ناتاليا حاباروۆا سەكىلدى جۋرناليستەردىڭ وتباسىنىڭ مۇشەلەرى قاتىسىپ، جۇرەكجاردى لەبىزدەرىن ايتىپ، ەستەلىك سۋرەتكە ءتۇسىپ، ريزاشىلىقپەن تاراستى. وكتيابر الىبەكتىڭ جارى ءارى ءوزى دە ۇزاق جىل بويى جۋرناليست بولىپ قىزمەت اتقارعان راحيا اپاي كانديداتقا قاراتا «باعدارلاماڭمەن تانىستىم، انا ءتىلىمىزدىڭ مارتەبەسىن بيىكتەتۋگە ارنالعان ۇستانىمىڭ كوڭىلىمنەن شىقتى. بولاشاقتا ءۇش تۇعىرلى ءتىل دەپ ۇرپاعىمىزدىڭ ءتىلى شۇبار بولىپ جۇرمەسە دەپ الاڭدايمىن. كوپ ءتىل بىلگەننىڭ زيانى جوق، تەك ءوز ءتىلىمىز وزگە تىلدەردىڭ كولەڭكەسىندە قالىپ قويا ما دەگەن كوڭىلىمدە كۇدىك بار، سونى وزىڭە جەتكىزىپ وتىرمىن»، دەدى.

دايىنداعاندار

ورىنبەك وتەمۇرات،

گۇلايىم شىنتەمىرقىزى

«Egemen Qazaqstan»