«ازمك» جشس باس ديرەكتورى شۋحراد شاردينوۆتىڭ ايتۋىنشا, شپال شىعارۋ ءوندىرىسى ءونىمنىڭ تەرموىلعالدانۋ كەستەسىن باقىلايتىن اۆتوماتتى باعدارلامامەن قامتاماسىز ەتىلگەن. اۆتوماتتاندىرۋ جۇيەسى ۋاقىتتى ەكى ەسەگە دەيىن سەگە قىسقارتىپ, ونىمدىلىكتى ەكى ەسەگە, ءوندىرىس الاڭدارىن ءتورت ەسە ارتتىرۋعا مۇمكىندىك بەرەدى.
الماتى كوپىر كونسترۋكتسيالارى زاۋىتىنداعى تەمىرجول شپالدارىن شىعاراتىن ءوندىرىس ورنىنىڭ اشىلۋىنا قالا اكىمى باۋىرجان بايبەك ارنايى قاتىسىپ, قالاداعى 1,5 مىڭ ءوندىرىس ورىندارىنىڭ جۇمىسى جايىندا, سونداي-اق بۇگىندە ازمك سالاسىندا ەڭبەك ەتىپ جاتقان بەس جۇزدەن استام جۇمىس كۇشىنىڭ الەۋەتىنە توقتالىپ ءوتتى. قالا باسشىسىنىڭ ايتۋىنشا, بۇگىندە «نۇرلى جول» باعدارلاماسى اياسىندا كولىك ينفراقۇرىلىمى قارقىندى دامىپ كەلەتىندىگىنە بايلانىستى كاسىپورىن ونىمدەرىنە سۇرانىس جوعارى. ال جۇمىسشى ماماندىعىنا قاشان دا قۇرمەت جوعارى, دەپ اتاپ ءوتتى قالا باسشىسى.
قازىرگى كەزدە مەگاپوليستە بيزنەستىڭ جول كارتاسى 2020 جانە جىبەك جولى قالالىق باعدارلاماسى ارقىلى وتاندىق كاسىپورىندارعا قولداۋ كورسەتۋ اياسى بارىنشا ارتىپ كەلەدى. ينۆەستيتسيالىق اۋحالدىڭ جاقسارۋىمەن بايلانىستى اعىمداعى جىلدىڭ ءۇش ايى ىشىندە عانا شەتەلدىك ينۆەستيتسيالار 21,4 پايىزعا ارتىپ, 111,1 ملرد تەڭگەنى قۇرادى. وسىنىڭ دالەلىندەي, الاتاۋ اۋدانىنداعى يندۋستريالدى ايماقتا قۇنى 144 ملرد تەڭگەنى قۇرايتىن 39 جوبا جۇزەگە اسۋدا. جاپونيا, گونكونگ, قىتاي, رەسەي, سونداي-اق نەمىس كاپيتالىنىڭ قاتىسۋىمەن 5 زاۋىت اشىلدى. ولاردىڭ ىشىندە جىلىنا قۋاتى 550 مىڭ توننا تۇرمىستىق قاتتى قالدىقتاردى سۇرىپتايتىن كەشەن, ەلەكترواۆتوبۋستاردىڭ ءۇشىنشى بۋىنىن جاساپ شىعاراتىن زاۋىت, ت.ب. بار.
الماتى
