رۋحانيات • 19 مامىر، 2019

« ۇلى دالا ءان مەن جىرى، اقىندىقتىڭ جەتى قىرى» اتتى شىعارماشىلىق كەش ءوتتى

926 رەتكورسەتىلدى

جاستار سارايىندا سۋىرىپسالما ايتىس اقىندارى بالعىنبەك يماش، اينۇر تۇرسىنباەۆا، جانداربەك بۇلعاقوۆ جانە سارا توقتامىسوۆانىڭ ورنى بولەك ونەرىن قىزىلجارلىقتار قىزىعا تاماشالادى.

اركەز حالىقتىڭ مۇڭ-مۇقتاجىن جىرلاپ جۇرگەن «وت اۋىزدى، وراق ءتىلدى» شايىرلار «رۋحاني جاڭعىرۋ» باعدارلاماسى اياسىندا  « ۇلى دالا ءان مەن جىرى، اقىندىقتىڭ جەتى قىرى» اتتى شىعارماشىلىق كەشىن ۇسىندى.

ايتىس ساحناسىنىڭ تارلاندارىنا جۇرتشىلىق اتىنان جاسى 90-دى القىمداپ قالعان تاشەنوۆا ساپۋرا قاجى قۇرمەت كورسەتتى. تاقيا كيگىزىپ، ورامال جاۋىپ، اق باتاسىن بەردى.

بالعىنبەك پەن جانداربەك  ونەكى ايدىڭ سۇلتانى رامازان ايىن، ۇلتتىق  قۇندىلىقتارىمىزدى   ۇلىقتاپ، سياسى كەبە قويماعان ولەڭدەرىن وقىدى. ولاردىڭ وت باسى، وشاق قاسىنداعى بالا تاربيەسىنە، اتا-انا رولىنە  قاتىستى تاعىلىمدى اڭگىمەلەرى  تالايلارعا وي سالدى.  سىزىلتا ءان سالعان سارا وزگە قىرىنان تانىلسا، اينۇر كەستەلى جىرلارىمەن بولەكتەندى.

ەرىك اسقاروۆ اتىنداعى وبلىستىق اقىندار مەكتەبىنىڭ تۇلەگى داۋلەت قۇرماش پەن تارازدىق  اسەت دۇيسەباي اراسىنداعى دوستىق راۋىشكە تولى ءسوز قاعىسى كورەرمەندەردىڭ ايىزىن قاندىردى.

ال ايتۋلى ءتورت جىر سۇلەيىنىڭ ءوزارا ايتىسۋى ساحنا كورىگىن قىزدىرىپ، كەش اجارىن اشا ءتۇستى. تاپقىرلىققا،  ادەمى ءازىل-قالجىڭعا قۇرىلعان جىر شۋماقتارى توگىلىپ، قوعامداعى كەلەڭسىزدىكتەر، وزەكتى  ماسەلەلەر دە نازاردان تىس قالمادى. ماسەلەن، اينۇر «بەس بالا تاپقان اناعا، ەكى بولمەلى پاتەردەن، بەرىلۋ كەرەك ەڭ كەمى. بالانىڭ جاسى تىيىلماي، اناعا باقىت بۇيىرماي، دامىعان مەملەكەت دەۋىمىز، ەشكىم سەنبەيتىن ەرتەگى»، دەي وتىرىپ، كوپبالالى وتباسىلار جايلى كەڭىنەنە تولعادى.

حالىقتىڭ كوزايىمىنا اينالعان ايتىس ونەرىن ناسيحاتتاۋ، جەرگىلىكتى جاس اقىندارعا قولداۋ كورسەتۋ، كوپشىلىككە رۋحاني قاينار بۇلاقتارىمىزدىڭ ءمان-ماڭىزىن ءتۇسىندىرۋ ماقساتىن دىتتەگەن كەش كورەرمەندەر كوڭىلىنەن شىقتى.

سولتۇستىك قازاقستان وبلىسى

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار