جازعى وقىتۋ كەزەڭىنە پوليگونداردى دايىنداۋ بارىسىندا پوليگوندىق كوماندالار مەن «باتىس» وڭق اسكەري بولىمدەرىنىڭ ساپەر اسكەري قىزمەتشىلەرى پوليگونداردى جارىلماعان سناريادتاردان تازارتۋدى جۇرگىزدى. جۇمىستارعا ينجەنەرلىك-ساپەرلىك بولىمشەلەر مەن پوليگوندىق كوماندالار, سونداي-اق وتىمدىلىگى جوعارى اسكەري تەحنيكا تارتىلدى.
تازارتۋدى قاجەت ەتەتىن اۋماقتاردىڭ جالپى اۋدانى 50000 گا اسادى. بۇل ماڭعىستاۋ, اقتوبە جانە اتىراۋ وبلىستارىندا ورنالاسقان «ويماشا», «بەكەت اتا», «ەسەت باتىر» جانە «قارابوتان» وقۋ-جاتتىعۋ پوليگوندارىنىڭ ۋچاسكەلەرى. پوليگونداردىڭ جاپپاي جوسپارلى تازارتىلۋى جىلىنا ەكى رەت جۇرگىزىلەدى. نەگىزگى مىندەت جەكە قۇراممەن وقۋ ساباقتارىن وتكىزۋ كەزىندە قاۋىپسىزدىكتى قامتاماسىز ەتۋ ماقساتىندا جارىلماعان سناريادتار مەن وق-دارىلەردى جويۋدان تۇرادى.
قاۋىپسىزدىك ماقساتىندا بارلىق قاۋىپتى جارىلعىش زاتتار ورىندا باستىرمالى زاريادپەن قوپارۋ ادىسىمەن جويىلادى. ساپەر اسكەري قىزمەتشىلەر ارنايى جەكە قورعانىش قۇرالدارىمەن, بروندى كەۋدەشەلەرمەن, ساپەردىڭ ارنايى قورعانىش كوستيۋمدەرىمەن قامتاماسىز ەتىلگەن, 0,6 مەترگە دەيىنگى تەرەڭدىكتە قاۋىپتى جارىلعىش زاتتاردى انىقتاۋ بويىنشا مينا ىزدەۋىشتەردى ىزدەستىرۋ جانە بارلاۋدىڭ سۋ جاڭا قۇرالدارىمەن جابدىقتالعان.
بۇدان وزگە, پوليگونداردا پوليگوندىق جابدىق پەن وقۋ-جاۋىنگەرلىك توپتىڭ تەحنيكاسىنا قىزمەت كورسەتۋ بويىنشا ءىس-شارالار وتكىزىلەدى. جۇرگىزىلەتىن جۇمىستار بارىسىندا اسكەري وق اتۋ ورىندارىنىڭ جاي-كۇيى مەن تەحنيكالىق جابدىقتالۋىنا, وقۋ-ماتەريالدىق بازانىڭ جەتىلدىرىلۋىنە, دالالىق لاگەر مەن پوليگوندىق كوماندانىڭ تىنىس-تىرشىلىگى مەن اباتتاندىرىلۋى ماسەلەلەرىنە ايرىقشا نازار اۋدارىلادى.
ماڭعىستاۋ وبلىسى
