ايماقتار • 17 مامىر، 2019

الماتىدا ىشەك قابىنۋى اۋرۋلارى بويىنشا ءىىى ۇلتتىق فورۋمى ءوتىپ جاتىر

قوعام نازارىن ىشەكتىڭ قابىنۋىنا شالدىققان ناۋقاستارعا بۇرۋ ماقساتىندا، جىل سايىن 35 ەلدىڭ باسىن قوساتىن ناۋقاستار ۇيىمىنىڭ باستاماسىمەن 19 مامىر – دۇنيەجۇزىلىك ىقا كۇنى دەپ بەلگىلەنگەن. بۇل كۇننىڭ رەسمي ءتۇسى – كۇلگىن. اتاۋلى كۇنى الەمدە وسى اۋىر سىرقاتپەن ءومىر ءسۇرىپ وتىرعان بەس ميلليون ادامدى قولداۋ كورسەتىلەدى.

ايناش ەسالى

سونىمەن بۇگىن الماتىدا ىشەك قابىنۋى اۋرۋلارى (ىقا) بويىنشا ءۇشىنشى ۇلتتىق فورۋم مەديتسينا قىزمەتكەرلەرى جانە ناۋقاستاردىڭ قاتىسۋىمەن دۇنيەجۇزىلىك ىقا كۇنى قارساڭىندا ءوتىپ وتىر.

فورۋم ەمدەۋدىڭ اسا ءتيىمدى ناتيجەلەرى مەن ءومىر ءسۇرۋ ساپاسىن مەيلىنشە جاقسارتۋ ءۇشىن مەديتسينا قاۋىمداستىعىنىڭ كرون جانە ويىق جارالى كوليت اۋرۋلارىمەن اۋىراتىن ناۋقاستارمەن ءوزارا ارەكەتىن نىعايتۋعا ارنالعان ديالوگ الاڭ بولىپ تابىلادى.

فورۋمنىڭ وزەكتىلىگى مىنادا: قازاقستانداعى ناۋقاستاردىڭ ورتاشا جاسى 30 جاس، ناۋقاستاردىڭ ۇشتەن ءبىر بولىگى مۇگەدەك، ال ولاردىڭ ىشىندە ءولىم-ءجىتىم كورسەتكىشى جالپى حالىققا قاراعاندا 40%-دان ارتىق.

فورۋمدا بەلگىلى دارىگەرلەر، ولاردىڭ ىشىندە گاستروەنتەرولوگتار، نۋتريتسيولوگتار، پسيحولوگتار دەرتتى ادامداردىڭ دۇرىس تاماقتانۋ قاعيدالارىنا، پسيحولوگيالىق كۇيدى جەڭىلدەتۋ تەحنيكالارىنا، كاسىبي جانە الەۋمەتتىك بەيىمدەلۋگە ۇيرەتەدى.

ونلاين رەجيمىندە، فەيسبۋك جانە ينستاگرامم الەۋمەتتىك جەلىلەرىندە مامانداردىڭ ءتۇسىندىرۋ جۇمىستارى جانە دە كەرى بايلانىس جۇرگىزۋى ارقىلى تۋرا ترانسلياتسيا جاساۋ وسى اقپاراتتىڭ مەيلىنشە قولجەتىمدى بولۋىنا مۇمكىندىك بەردى. فورۋم سپيكەرلەرىنىڭ قاتارىندا – الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى قانات توسەكباەۆ، كارديولوگيا جانە ىشكى اۋرۋلار عزي گاستروەنتەرولوگيا جانە گەپاتولوگيا كافەدراسىنىڭ مەڭگەرۋشىسى، پروفەسسور الەكساندر نەرسەسوۆ، «ىشەك اۋرۋلارىن زەرتتەۋ جونىندەگى قازاق عىلىمي قوعامى» قق ءتورايىمى ءجاميلا قايبۇللاەۆا، «ىقا اۋىراتىن تۇلعالارعا كومەك كورسەتۋ جانە قولداۋ» قق توراعاسى ەربول ءامىرجانوۆ جانە باسقالار بار.

سونداي-اق 19 مامىردا دۇنيەجۇزىلىك ىقا كۇنىنىڭ قۇرمەتىنە نۇر-سۇلتان قالاسىنداعى «حان-شاتىر» ساۋدا ويىن-ساۋىق ورتالىعىنىڭ عيماراتىنا كۇلگىن ءتۇستى جارىق تۇسىرىلەتىن بولادى. ىقا اۋىراتىن ناۋقاستارعا تىلەكتەستىك بەلگىسى رەتىندە 18-19 مامىردا قازاقستان پرەمەر-ليگانىڭ 240 فۋتبولشىسى كۇلگىن ءتۇستى بايلاۋىشپەن الاڭعا شىعاتىن بولادى.

ءىس-شارانى قر دسم «كارديولوگيا جانە ىشكى اۋرۋلار عىلىمي-زەرتتەۋ ينستيتۋتى» اق، «ىشەك اۋرۋلارىن زەرتتەۋ جونىندەگى قازاق عىلىمي قوعامى» قق، «ىقا اۋىراتىن تۇلعالارعا كومەك كورسەتۋ جانە قولداۋ قورى» قق ۇيىمداستىرىپ وتىر.

الماتى