قاسىم-جومارت توقاەۆ ەكونوميكالىق ءوسىمنىڭ ىرعاعى كوبىنەسە تەحنولوگيالىق كوشباسشىلىق پەن تسيفرلىق تەحنولوگيالاردىڭ دامۋىنا بايلانىستى ەكەنىن اتاپ ءوتتى. ونىڭ ايتۋىنشا, جاڭا تەحنولوگيالار مەن يننوۆاتسيالاردى ەنگىزىپ, ەكونوميكالىق قىزمەت قۇرىلىمىن وزگەرتكەن كومپانيالار تابىستىراق بولادى.
– ءسىز تەك رەسەيدە عانا ەمەس, ءتىپتى ودان دا كەڭىرەك اۋقىمدا تسيفرلاندىرۋ جانە جاساندى ينتەللەكت سالالارى بويىنشا مىقتى مامانسىز دەسەم, ارتىق ايتقاندىق ەمەس. ءسىزدىڭ «استانا» حالىقارالىق قارجى ورتالىعىنىڭ الداعى جۇمىستارىنا قاتىستى پىكىرىڭىزدى بىلگىمىز كەلەدى, – دەدى قازاقستان پرەزيدەنتى.
تاراپتار بانك سالاسىن دامىتۋدىڭ وزەكتى ماسەلەلەرىن, سانكتسيالىق ساياساتتىڭ ەكى ەل ەكونوميكاسىنا ىقپالىن, سونداي-اق, ەكونوميكالىق ءوسىمدى ىنتالاندىرۋدىڭ زاماناۋي قۇرالدارىن قولدانۋ پەرسپەكتيۆالارىن تالقىلادى.
