ايماقتار • 16 مامىر، 2019

الماتىدا رەسپۋبليكالىق پەداگوگيكالىق بوس جۇمىس ورىندارى جارمەڭكەسى وتەدى

829 رەتكورسەتىلدى

جۇما، ياعني 17 مامىر كۇنى الماتىدا قازاق ۇلتتىق قىزدار پەداگوگيكالىق ۋنيۆەرسيتەتىندە «جاس مامان» رەسپۋبليكالىق بوس جۇمىس ورىندارى جارمەڭكەسى وتەدى.

ءبىلىم جانە عىلىم مينيسترلىگىنىڭ ۇيىتقى بولۋىمەن تۇڭعىش رەت ۇيىمداستىرىلىپ وتىرعان شارا پەداگوگيكالىق ماماندىقتار بويىنشا ءبىلىم العان تۇلەكتەردى جۇمىسپەن قامتۋعا ارنالعان. جارمەڭكەگە 150-دەن استام جۇمىس بەرۋشى قاتىسپاق. ولاردىڭ قاتارىندا جوعارى جانە ورتا ارناۋلى وقۋ ورىندارى، قالالىق، اۋداندىق ءبىلىم باسقارمالارى، جالپى ءبىلىم بەرۋ ۇيىمدارى مەن نازارباەۆ زياتكەرلىك مەكتەپتەرى بار.

ەلباسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا جوعارى وقۋ ورنىنىڭ تابىستىلىعىن باعالاۋدىڭ باستى ولشەمى – وقۋ بىتىرگەن ستۋدەنتتەردىڭ جۇمىسپەن قامتىلۋى، جالاقىسى جوعارى جۇمىسقا ورنالاسۋى ەكەندىگىن اتاپ وتكەن بولاتىن. وسى ورايدا پەداگوگيكالىق ماماندىقتار بويىنشا بوس جۇمىس ورىندارى جارمەڭكەسى جاستار اراسىندا جۇمىسسىزدىق ماسەلەسىن وڭتايلى شەشۋدىڭ ءبىر تەتىگى بولىپ وتىر، بۇگىندە. سونىمەن قاتار بۇل شارا ۇستاز بەدەلىنىڭ قوعامداعى ءرولىن كوتەرۋگە دە ءوز سەپتىگىن تيگىزبەك.

ۇيىمداستىرۋشىلاردىڭ ايتۋىنشا، جارمەڭكە پەداگوگيكالىق، گۋمانيتارلىق، جاراتىلىستانۋ جانە ونەر سالاسىندا ماماندار دايارلاۋدىڭ جەكەلەگەن باعىتتارى بويىنشا وتكىزىلمەك. جيىن بارىسىندا ستۋدەنتتەر ءبىلىم، عىلىم، ونەر جانە سپورتتاعى جەتىستىكتەرى جايلى ارنايى پورتفوليولارى كورمەسىن وتكىزىپ، تۇساۋكەسەر جاسايدى.

جارمەڭكە جوعارى وقۋ ورىندارى تۇلەكتەرىنە وزدەرىنىڭ ماماندىعىنا سايكەس بوس جۇمىس ورىندارى تۋرالى مالىمەت الۋعا مۇمكىندىك تۋدىرسا، ال جۇمىس بەرۋشىلەر ءۇشىن جاس مامانداردىڭ ىسكەرلىك قاسيەتىن باعالاپ، ءبىلىمى مەن بىلىكتىلىگىن انىقتاۋعا سەپتەسەدى.

شارا اياسىندا «ەڭبەك نارىعىنداعى سۇرانىس جانە الەۋەتتى جۇمىس بەرۋشىلەرمەن ىنتىماقتاستىق» تاقىرىبىندا جيىن وتەدى. القالى باسقوسۋدا جوعارى وقۋ ورىندارىنىڭ وكىلدەرى مەن جۇمىس بەرۋشىلەر تۇلەكتەردى جۇمىسپەن قامتۋدىڭ ماسەلەسىن تالقىلاپ، ءوزارا كەلىسىم جاساماق. سونداي-اق «Head  hunter» كومپانياسىنىڭ وكىلدەرى تاقىرىپ تۋراسىندا جانە مانساپتى قۇرۋ ماقساتىندا ارنايى شەبەرلىك سىنىبىن جۇرگىزەدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار