بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە «كاسپي» فۋتبول كلۋبىنىڭ جاتتىقتىرۋشىسى امانتاي قوشاي مالىمدەدى.
مامىردىڭ العاشقى كۇندەرىندە حورۆاتيا ەلىندە وتكەن حالىقارالىق تۋرنيرگە پولشا, ءازىربايجان, ۋكراينا, سەرۆيا ەلدەرىنەن جانە الاڭ يەلەرىن قوسقاندا جيىرماعا جۋىق كوماندا قاتىسقان. جاسىل الاڭدا «كاسپيلىكتەر» 4 ويىن ويناپ, ونىڭ بىرەۋىندە جەڭىسكە جەتىپ, ءبىر ويىندى تەڭ دارەجەدە اياقتاعان. سونىمەن قاتار, كوماندا قازاقستان چەمپيوناتىنا دا بيىل العاش رەت قاتىسۋدا. بەس تۋردان تۇراتىن ويىننىڭ العاشقىسى وسكەمەن قالاسىندا وتكەن, مامىردىڭ 17-سىندە الماتى قالاسىنا اتتاناتىن كوماندا مۇشەلەرى «تاراز», «سەمەي», «وقجەتپەس», «اقجايىق» كوماندالارىنا قارسى وينايتىن بولادى.
تامىز ايىنىڭ سوڭىنا دەيىن ەل چەمپيوناتى اياسىندا بۇل كوماندا 16 رەت جاسىل الاڭعا شىعادى. جاتتىقتىرۋشىلاردىڭ ايتۋىنشا حالىقارالىق جارىسقا قاتىسۋ ارقىلى كوماندا كوپ تاجىريبە جيناعان. قازىرگى تاڭدا كوماندا قۇرامىندا 24 ويىنشى بار. ولاردىڭ فۋتبولعا دەگەن ىقىلاستارى مەن جەڭىسكە دەگەن ۇمتىلىستارى ەرەكشە دەيدى جاتتىقتىرۋشىلارى. سونداي-اق جاتتىقتىرۋشىلار مەن ويىنشىلار وبلىستىق سپورت باسقارماسى مەن اقتاۋ قالاسى اكىمىنە العىستارىن ءبىلدىردى.
ماڭعىستاۋ وبلىسى
