ساياسات • 16 مامىر، 2019

فورۋمدى قولداعانى ءۇشىن العىس ءبىلدىردى

690 رەتكورسەتىلدى

قازاقستان پارلامەنتى جوعارعى پالاتاسىنىڭ باسشىسى داريعا نازارباەۆا گرۋزيانىڭ پرەمەر-ءمينيسترى مامۋكا باحتادزەمەن ەكىجاقتى ىنتىماقتاستىقتىڭ اۋقىمدى ماسەلەلەرىن تالقىلادى، دەپ حابارلادى سەناتتىڭ ءباسپاسوز قىزمەتى.

م.باحتادزە گرۋزيا تاريحىندا جانە ەكى ەل اراسىنداعى دوستىق قا­رىم-قاتىناستاردى دامىتۋداعى قازاق­ستاننىڭ تۇڭعىش پرەزيدەنتى ن.نازار­باەۆ­تىڭ ءرولىن جوعارى باعالادى.
سەنات باسشىسى گرۋزيا تاراپىنا قازاقستاندىق باستامالاردى قولداعانى، اتاپ ايتقاندا، استانا ەكونوميكالىق فورۋمىنا قاتىسۋى جانە قولداۋ بىلدىرگەنى ءۇشىن ريزاشىلىعىن ءبىلدىردى. گرۋزيا پرەمەر-ءمينيسترى استانا ەكونوميكالىق فورۋمىنىڭ ەرەكشەلىگىنە توقتالا كەلىپ، ونىڭ ناتيجەگە باعىتتالعانىن اتاپ ءوتتى. 

ساۋدا-ەكونوميكالىق ارىپتەستىكتى كەڭەيتۋ، ماڭىزدى ينفراقۇرىلىمدىق جانە لوگيستيكالىق جوبالار تۋرالى ايتا كەلىپ، د.نازارباەۆا كولىك-ترانزيت سالاسىنداعى ءوزارا ءىس-قيمىلدى ورىستەتۋ قاجەتتىگىن اتاپ ءوتتى. «ترانزيتتىك مۇمكىندىكتەردى پايدالانۋ تيىمدىلىگىن ارتتىرۋ جونىندەگى قازاقستان مەن گرۋزيانىڭ مۇددەلەرى سايكەس كەلەدى. ءبىزدىڭ مەملەكەتتەردىڭ اۋماعى ارقىلى ءىرى ترانسقۇرلىقتىق كولىك دالىزدەرى وتەدى. بۇل زور ارتىق­شىلىقتى پايدالانۋ كەرەك»، دەدى سەنات باسشىسى.

تاراپتار تۋريستىك الەۋەت پەن گۋ­مانيتارلىق ىنتىماقتاستىقتى كە­ڭەي­تۋدىڭ كەلەشەگىن تالقىلادى. گرۋزيا پرە­مەر-ءمينيسترى گرۋزيانىڭ ىشكى جالپى ءونىمىنىڭ 6 پايىزى ەلدەگى ءبىلىم بەرۋدى دامىتۋعا باعىتتالاتىن جاڭا زاڭ تۋرالى حاباردار ەتتى. ول ەكى ەلدىڭ جوعارى وقۋ ورىندارىنا ىنتىماقتاستىقتى بەلسەندى دامىتۋدى ۇسىندى.

سەنات توراعاسى ەلدەگى ماڭىزدى ىشكى ساياسي وقيعالار، قازاقستاندىقتاردىڭ كەلەشەككە زور سەنىممەن قارايتىنى تۋرالى ايتا كەلىپ، ەلىمىزدەگى پرەزيدەنتتىك سايلاۋ جونىندەگى سايلاۋ ناۋقانىنىڭ بارىسى تۋرالى اڭگىمەلەدى. 

سونداي-اق گرۋزيانى كەلە جاتقان تاۋەل­سىزدىك كۇنىمەن قۇت­تىق­تاعان د.نازار­باەۆا: «جەڭىمپاز گرۋزيا حالقى­نىڭ وركەندەپ، دامۋىنا تىلەك­تەس­پىن. بۇل ماقساتقا جاقىن بولاشاقتا قول جەتكىزەتىنىنە سەنىمدىمىن»، دەپ اتاپ ءوتتى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار