ايماقتار • 15 مامىر، 2019

عارىشتىق ەگىنشىلىك: قازاقستاندىق ستارتاپ Egistic رىنوكقا شىقتى

993 رەت كورسەتىلدى

ەندى شارۋالار ۇيىنەن شىقپاي-اق، القاپتاردىڭ جاعدايىن قاداعالاي الادى. Egistic كومانداسى كەز كەلگەن ۋاقىتتا وسكىندەردىڭ قالىڭدىعى، تىڭايتقىشتاردىڭ قانشالىقتى ەكەندىگى مەن توپىراقتىڭ ىلعالدىلىعىن جانە باسقا دا كوپ جاعدايلاردى قاشىقتىقتان انىقتاۋعا مۇمكىندىك بەرەتىن، عارىش تۇسىرىلىمدەرىن وڭدەۋدىڭ بىرەگەي جۇيەسىن جاسادى. ەندىگى جەردە كوماندا دايىن ونىممەن نارىققا شىعاتىنى تۋرالى مالىمدەپ وتىر.

«ءبىز ءدال ەگىن شارۋاشىلىعىنا ارنالعان Egistic اتتى – قازاقستانداعى العاشقى وتاندىق ونلاين سەرۆيستىڭ ىسكە قوسىلعانىن قۋانا حابارلايمىز. اگروونەركاسىپ كەشەنى قازاقستان ەكونوميكاسىنىڭ باستاپقى سەكتورىنىڭ قوزعالتقىشى بولىپ تابىلادى، سوندىقتان جاڭا تەحنولوگيالاردى ەنگىزۋ اسىرەسە، اۋىل شارۋاشىلىعىن ودان ءارى دامىتۋ ءۇشىن قاجەت. وسى ويدان قۋات العان Egistic كومانداسى 1 جىل بويى ءونىمدى ۇزدىكسىز ىسكە قوسىپ، ناقتى ناتيجەسىمەن تانىستىرىپ وتىر»، – دەدى جوبانىڭ نەگىزىن قالاۋشى نايليا شودوروۆا.

Egistic.kz – بۇل اگرونومدارعا نەمەسە اگروبيزنەس يەلەرىنە ارنالعان، بارىنشا از شىعىنمەن ەگىنشىلىكتەن پايدالى ءتۇسىم الۋعا مۇمكىندىك بەرەتىن كەشەندى شەشىم. ەندى دالاداعى جاعدايدى باقىلاۋ ءۇشىن ۇلكەن اۋماقتى اينالىپ ءوتۋدىڭ قاجەتى جوق. بىردەن، ءبىر «كليكپەن» عانا اقپارات الۋ ءۇشىن Egistic.kz پلاتفورماسىنا قوسىلۋ جەتكىلىكتى. ەگەر پروبلەمالار انىقتالسا، ولاردى جەدەل شەشۋگە مۇمكىندىك بار. مىسالى، ۋاقىتتى جوعالتپاي، ەگىستىكتەر ناشار كوتەرىلگەن ۋچاسكەنى قايتا سەبۋ نەمەسە تىڭايتقىشتار جەتكىلىكسىز بولعان نەمەسە وسىمدىكتەردىڭ دامۋى نورمادان ارتتا قالعان جەرلەردە تىڭايتۋ جۇمىستارى.

Egistic – Tech Garden دەربەس كلاستەرلىك قورى جۇرگىزەتىن Startup Kazakhstan حالىقارالىق اكسەلەراتسيا باعدارلاماسىنىڭ تابىستى جوبالارىنىڭ ءبىرى.

بۇگىندە ەلىمىزدىڭ ءار وڭىرىندە 30-عا جۋىق شارۋا قوجالىعى Egistic پلاتفورماسىن پايدالانادى. جوبانىڭ قالاۋشىلار جىل بويى ولاردىڭ سانى بىرنەشە ەسەگە كوبەيەدى دەپ جوسپارلاپ وتىر. سونىمەن قاتار، جوبا كورشى ەلدەردىڭ نارىعىنا شىعادى. وسىلايشا، باستاپقى كەزەڭدە قازاقستاندىقتاردىڭ ازىرلەنۋىنە رەسەيلىك «ۋرالحيم» الىبى قىزىعۋشىلىق تانىتقان، قازىر ىنتىماقتاستىق تۋرالى كەلىسسوزدەر جۇرگىزىلۋدە.

«ءبىزدىڭ يدەيامىز NURIS، Astana Business Campus نازارباەۆ ۋنيۆەرسيتەتىنىڭ يننوۆاتسيالىق كلاستەرى مەن «عىلىم قورى» اق جانە Tech Garden دكق قولداۋىنسىز ىسكە اسپايتىن ەدى. جوبامىزدىڭ دامۋىنا جان-جاقتى جاردەمدەسكەن ءاربىر ادامعا العىس ايتامىز!» – دەيدى جوبانىڭ نەگىزىن قالاۋشى جاندوس كەرىمقۇلوۆ.


الماتى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار