ايماقتار • 15 مامىر، 2019

الماتىدا ەكوقالانىڭ ماكەتى قۇراستىرىلدى

895 رەت كورسەتىلدى

بۇل كۇندەرى ەلىمىزدىڭ ءتورت قالاسىندا «قازاقستاندى كوگالداندىرۋعا قاتىس» ناۋقانى وتۋدە. ۋربانيستەردىڭ قالالاردى قالاي تۇرعىزاتىندىعى، قالا قۇرىلىسىنىڭ زاماناۋي بەتالىستارى جانە ەكولوگيالىق عيماراتتاردىڭ بولاشاعى جايلى №1 الماتى بالالار ءۇيىنىڭ تاربيلەنۋشىلەرىنە بەلگىلى الماتىلىق ساۋلەتشى ەلدار حاسانوۆ ايتىپ بەردى.

بالالار عيماراتتاردىڭ ءپىشىنى وزگەشە بولا الاتىنى، اۋادا نەمەسە سۋدا ورنالاسا الاتىنى، كەڭىستىكتە قوزعالا الاتىنى تۋرالى حاباردار بولدى. ەڭ باستىسى، زاماناۋي ساۋلەتتىڭ ەكولوگيانى ساقتاۋعا باعىتتالاتىنىن ءتۇسىندى. ۇيلەر جەر قۋاتىنىڭ ەسەبىنەن جىلىتىلىپ، جارىقتاندىرىلۋىمەن قاتار، ديزاينىندا جاسىل كوشەتتەرگە ارنالعان كەڭىستىكتى دە قامتۋى مۇمكىن.

«مەن بالالارعا ەكوقالالار تۇرعىزۋ ءۇشىن قاجەتتى جاڭا كاسىپتەر جايلى اڭگىمەلەدىم. ءبىزدىڭ قالالار كوگالداندىرۋدى قاجەت ەتەدى. قازاقستاندا تاپسىرىس بەرۋشىلەرگە ەكوۇيلەر ۇسىناتىن ماماندار بار. الايدا، باستاپقى قۇنى بويىنشا ەكوقۇرىلىستار قىمبات بولعاندىقتان ادامدار ودان باس ءجيى تارتادى. الايدا ەكولوگيالىلىق شىعىنداردىڭ ورنى جىلدام تولادى. بۇگىنگى تىڭداۋشىلاردىڭ اراسىندا بولاشاق ەكوۋربانيست بار شىعار. بالالار ساۋلەت جانە ديزاين جايلى اڭگىمەنى ۇلكەن قىزىعۋشىلىقپەن تىڭدادى»، دەيدى ەلدار حاسانوۆ.

بالالار ۇيىندەگى ەرەكشە كەزدەسۋگە كەلگەن ساۋلەتشىنى Henkel كومپانياسى شاقىردى. بۇل كومپانيا «قازاقستاندى جاسىلداندىرۋعا قاتىس» ناۋقانىنىڭ شەڭبەرىندە قازاقستاندا اعاش وتىرعىزۋدى قاتارىنان بەسىنشى جىل جۇرگىزىپ كەلەدى. ناۋقان كەزىندە الماتى، نۇر-سۇلتان، پاۆلودار جانە تاراز قالالارىندا شامامەن ەكى مىڭ اعاش وتىرعىزىلدى. بيىلعى جىلى تاعى 185 كوشەت وتىرعىزىلادى.

«جىل سايىن ءبىز تەك كوشەت قانا وتىرعىزىپ قويماي، بالالارعا ارنالعان ءبىلىم بەرۋ باعدارلامالارىن وتكىزەمىز. بۇل جولى ءبىز بالالار ءۇيىنىڭ تاربيەلەنۋشىلەرى ءۇشىن ەكو-كۆەست ۇيىمداستىردىق. ساۋلەتشىنىڭ اڭگىمەسىمەن شابىتتانعان بالالار قاعازدان، پلاستيليننەن جانە قولدا بار باسقا زاتتاردان جاسالعان ەكوۇيلەر مەن ەكوكولىكتىڭ ءوز نۇسقالارىن ۇسىندى. شارانىڭ سوڭىندا ءبىز بىرلەسىپ 35 كوشەت وتىرعىزدىق»، دەدى «Henkel» كومپانياسىنىڭ ساتىلىمدار ءبولىمىنىڭ جەتەكشىسى گلەب ابدۋللين.

ايتقانداي، بالالار ءۇيىنىڭ تاربيەلەنۋشىسى الينا گۋدزەەۆا ءانشى بولۋدى ارماندايدى. ەگەر ارمانى ورىندالسا، ەكولوگيالىق ناۋقانداردى وتكىزۋگە ءوزى مۇرىندىق بولاتىنىنا سەنىمدى. 

«ماعان بولاشاق ۇيلەرى وتە ۇنادى. ولار كادىمگى عيماراتتارداي ەمەس ءارى ەكولوگياعا مۇلدەم زيان كەلتىرمەيدى. ەگەر تانىمال ءانشى بولسام، ەكولوگيانى قولداۋعا باعىتتالعان شارالارعا قاتىسۋعا تىرىساتىن بولامىن»، دەيدى كىشكەنتاي الينا.

ورايى كەلىپ تۇرعاندا، №1 وبلىستىق بالالار ۇيىندە جيىرما ءۇش ۇيىرمە بار ەكەنىن، ولاردىڭ ون سەگىزىن ۆولونتەرلەر جۇرگىزەتىندىگىن ايتا كەتكەن ءجون.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار