ورتالىقتا شاعىن جانە ورتا بيزنەس, تۇرعىن ءۇي, جۇمىسپەن قامتۋ, دەنساۋلىق ساقتاۋ ماسەلەلەرى, مەملەكەتتىك باعدارلامالارعا قاتىسۋ مۇمكىندىكتەرى تۋرالى كەڭەس بەرۋ كابينەتتەرى مەن پسيحولوگ, ادىستەمەلىك جانە مەديتسينالىق كەڭەس بەرۋ كابينەتتەرى, سونداي-اق, «جاس سارباز» اسكەري-پاتريوتتىق ورتالىعى جۇمىس ىستەيدى. سونىمەن قاتار, مۇندا ينتەرنەت-كىتاپحانا, انتيكافە, IT-پارك, كونفەرەنتس-زال جانە جاتتىعۋ زالى بار. ورتالىقتىڭ جالپى اۋدانى - 3870 م2, ول اۋىسىمىنا 670 كەلۋشىگە ەسەپتەلگەن, مۇندا 32 مامان قىزمەت اتقارادى.
پرەزيدەنت ورتالىقتىڭ قىزمەتىمەن تانىسىپ, ايماق جاستارىمەن كەزدەستى. سانكت-پەتەربۋرگ مەملەكەتتىك ونەركاسىپتىك تەحنولوگيالار جانە ديزاين ۋنيۆەرسيتەتىنىڭ تۇلەگى جازيرا سمايلوۆا جاس ۇرپاققا جاسالىپ جاتقان قامقورلىعى مەن قولداۋى ءۇشىن مەملەكەت باسشىسىنا العىسىن ءبىلدىردى. وبلىستا 2014 جىلدان باستاپ ايماق باسشىلىعىنىڭ باستاماسىمەن قىزىلوردالىق مەكتەپ تۇلەكتەرى رەسەي فەدەراتسياسى ۇكىمەتىنىڭ گرانتى ەسەبىنەن ماسكەۋ مەن سانكت-پەتەربۋرگتىڭ الدىڭعى قاتارلى تەحنيكالىق جوعارى وقۋ ورىندارىندا ءبىلىم الۋ مۇمكىندىگىنە يە بولعان ەدى. 2018 جىلى 32 تۇلەك وقۋىن ءتامامداپ, ايماق كاسىپورىندارىنا جۇمىسقا ورنالاستىرىلدى. 2019 جىلى تاعى 132 ءبىلىم الۋشى وقۋىن اياقتايدى دەپ كۇتىلىپ وتىر. بارلىعى 520 سىربويىلىق جاس رەسەيدىڭ وزىق ينجەنەرلىك جوعارى وقۋ ورىندارىندا ءبىلىم الىپ جاتىر.
كەزدەسۋدەن سوڭ بىرقاتار رەسپۋبليكالىق جانە حالىقارالىق ۆوكالدىق ونەر بايقاۋىنىڭ جەڭىمپازى كونستانتين لۋتسا پرەزيدەنتكە سىر جاستارىمەن ەستەلىك سۋرەتكە ءتۇسۋدى ۇسىندى.
