مەملەكەت باسشىسى ايماقتاردان ءتۇسىپ جاتقان ۇسىنىستاردى ەسكەرە وتىرىپ, وڭىرلەردى دامىتۋعا باعىتتالعان ارنايى كەشەندى مەملەكەتتىك باعدارلامانىڭ ىسكە قوسىلاتىنىن ايتتى. قازاقستان پرەزيدەنتى وسى ماقسات-مىندەتتەردى جۇزەگە اسىرۋ ءۇشىن وبلىس باسشىلىعى شەشۋى ءتيىس بىرقاتار ماسەلەنى تاراتىپ بەردى.
– ايماقتاعى ازاماتتاردىڭ جالاقىسىن ءوسىرۋ – ۇكىمەت پەن وبلىس اكىمىنىڭ باستى مىندەتى. لايىقتى جالاقى تولەيتىن جاڭا جۇمىس ورىندارىن اشۋعا باسا ءمان بەرۋ قاجەت. بۇل باعىتتا ءىرى كاسىپورىنداردىڭ قۋاتىن ءتيىمدى پايدالانۋدى نازارعا الۋ كەرەك. كوپ بالالى جانە تۇرمىسى تومەن وتباسىلارعا قولداۋ كورسەتۋ ءۇشىن وبلىستا الەۋمەتتىك جول كارتاسى ىسكە قوسىلعان. بيىل «اۋىل – ەل بەسىگى» باعدارلاماسىنىڭ اياسىندا ءبىلىم, دەنساۋلىق ساقتاۋ, مادەنيەت, جول قۇرىلىسى سالالارىندا قۇنى 1,7 ميلليارد تەڭگە بولاتىن 60 جوبا جوسپارلانعان. وبلىس اكىمىنە سولاردى ۋاقتىلى ءارى ءتيىمدى جۇزەگە اسىرۋدى تاپسىرامىن, – دەدى ول.
