عالىمدار وزدەرىنىڭ سوڭعى عىلىمي جاڭالىقتارىن تانىستىردى. ولاردىڭ ىشىندە ساپالى ۇزاق ءومىر سۇرۋگە ارنالعان ونىمدەر, مەديتسينالىق, كوسمەتيكالىق جانە سپورت ورتالىقتارىنداعى حالىقتىڭ ءومىر ءسۇرۋ ساپاسىن جاقسارتۋ جونىندەگى گەندىك تەستىلەۋ بويىنشا قىزمەتتەر, ىسىك اۋرۋلارىن ءدارى-دارمەكپەن ەمدەۋ, جىلىجايلار ءۇشىن ديودتى جارىق شامدارىنىڭ ءوندىرىسى, ءىرى قارا مالدىڭ ونىمدىلىگىن ارتتىرۋعا ارنالعان جەم قوسپالارى مەن باسقا دا ونىمدەر بار.
ەل ەكونوميكاسىنىڭ باسىم باعىتتارىنا عىلىمي جاڭالىقتاردى ەنگىزۋ دەڭگەيىن ارتتىرۋ ءۇشىن «عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ تۋرالى» زاڭ قابىلدانعان بولاتىن. زاڭنىڭ نەگىزگى ماقساتى جوعارى وقۋ ورىندارى مەن عىلىمي ۇيىمدار جاساعان جاڭا تەحنولوگيالاردى كوممەرتسيالىق تۇرعىدا پايدالانۋدى ىنتالاندىرۋ بولىپ تابىلادى. قور كوممەرتسيالاندىرۋ جوبالارىنا مەملەكەتتىك قارجىلاندىرۋدىڭ جالپى كولەمىنىڭ 14, 5 پايىزى (5 ملرد تەڭگە) مولشەرىندە جەكە بيزنەستەن قوسىمشا قارجى تارتتى.
قازىرگى كەزدە كوممەرتسيالاندىرۋ جوبالارىن ىسكە اسىرۋ ناتيجەلەرى بويىنشا 31 جوبا ءونىم شىعارۋ كەزەڭىنە شىقتى, بيۋدجەتكە 964 ملن تەڭگە سالىق اۋدارىمدارى قامتاماسىز ەتىلدى, جۇمىس ورىندارى اشىلدى.
سەنات توراعاسى عالىمداردىڭ وزەكتى ماسەلەلەرى مەن ۇسىنىستارىن تىڭداي كەلىپ, «عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ تۋرالى» زاڭعا سايكەس قوردىڭ تابىس تابۋى ءتيىس ءارى تابىس تابا الاتىن تولىققاندى ينۆەستور بولۋى كەرەك ەكەنىن اتاپ ءوتتى. بۇل جاعدايدا قور ءاربىر بيزنەس-جوبانى ءوزىنىڭ مەنشىگى رەتىندە باعالايتىن بولادى, قوردىڭ تابىستىلىعى ۇلعايادى, عىلىم مەن بيزنەس جوبالاردى كوبىرەك الادى. قارجىلاندىرۋ كوزدەرىن بىرىكتىرۋدىڭ ناقتى مۇمكىندىگى پايدا بولادى.
د.نازارباەۆا سونىمەن قاتار عىلىمي جوبالار ماركەتينگىن بەلسەندى تۇردە جۇرگىزىپ, عىلىمي قىزمەتتەردىڭ ناتيجەلەرىن بۇقارالىق اقپارات قۇرالدارىندا كەڭىنەن جاريالاۋ, رەسپۋبليكالىق تەلەارنالاردا ارنايى ايدارلار قالىپتاستىرۋ, الەۋمەتتىك جەلىلەردى پايدالانۋ جانە باسقا دا جۇمىستاردى قولعا الۋ قاجەت دەپ ەسەپتەيدى.
زاڭنامالىق اكتىلەردەگى قايشىلىقتارعا بايلانىستى نورماتيۆتىك-قۇقىقتىق اكتىلەرگە, سونداي-اق قولدانىستاعى سالىق سالۋ جۇيەسىنە بىرقاتار ماسەلەلەر بويىنشا وزگەرىستەر ەنگىزۋ قاجەت بولىپ وتىر.
