ايماقتار • 14 مامىر، 2019

بالا قۇقىقتارى جونىندەگى ۋاكىل ساۋلە ايتپاەۆا الماتى وبلىسىنا جۇمىس ساپارىمەن باردى

670 رەت كورسەتىلدى

سەنات دەپۋتاتى، ەلىمىزدەگى بالا قۇقىقتارى جونىندەگى ۋاكىل ساۋلە ايتپاەۆا بالالاردىڭ قاۋىپسىزدىگىن قامتاماسىز ەتۋ ماسەلەلەرىن تالقىلاۋ جانە بالالاردىڭ تاربيەسىنە قوعامنىڭ نازارىن اۋدارۋ ماقساتىندا تالعار قالاسىنىڭ اكتيۆىمەن كەزدەستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

شاراعا وبلىستىق پروكۋراتۋرا، جەرگىلىكتى پوليتسيا جانە دەنساۋلىق ساقتاۋ ءبولىمىنىڭ وكىلدەرى، اۋداندىق جانە قالالىق ءماسليحات دەپۋتاتتارى، قالالىق ءبىلىم بەرۋ ءبولىمىنىڭ، كاسىپتىك ءبىلىم بەرۋ ۇيىمدارىنىڭ، مەكتەپتەردىڭ باسشىلارى، پەداگوگ-پسيحولوگتار، اتا-انالار قاۋىمداستىعىنىڭ وكىلدەرى، ۇەۇ جانە بۇقارالىق اقپارات قۇرالدارىنىڭ وكىلدەرى قاتىستى.

ۋاكىل بىرقاتار الەۋمەتتىك نىسانداردى ارالاپ، تالعار اگروبيزنەس جانە مەنەدجمەنت كوللەدجىنىڭ ستۋدەنتتەرىمەن جانە ۇجىمىمەن، يۋ.گاگارين اتىنداعى دارىندى بالالارعا ارنالعان №8 گيمنازيانىڭ، №3 تالعار ورتا مەكتەبىنىڭ، بەساعاش اۋىلىنداعى №29 ورتا مەكتەپتىڭ ۇجىمدارىمەن جانە وقۋشىلارى كەزدەستى. ۋاكىل سونىمەن قاتار اتا-انالار قاۋىمداستىعىنىڭ وكىلدەرىمەن، تالعار اۋدانىنىڭ ءبىلىم بەرۋ سالاسىنىڭ قىزمەتكەرلەرىمەن اڭگىمەلەستى.

سەنات دەپۋتاتى س.ايتپاەۆا سونىمەن قاتار جۇرتشىلىق وكىلدەرىمەن، «ادام جانە قوعام» ۇكىمەتتىك ەمەس ۇيىمىنىڭ وكىلدەرىمەن، تاريح عىلىمدارىنىڭ دوكتورى ج. سمانقۇلوۆپەن اشىق پىكىرلەستى.

س. ايتپاەۆا اتا-انالار قاۋىمداستىعىنىڭ وكىلدەرىمەن جانە قاپشاعاي قالاسىنىڭ ءبىلىم بەرۋ سالاسىنىڭ قىزمەتكەرلەرىمەن دە كەزدەستى. قاپشاعاي قالاسىنىڭ بالالار شىعارماشىلىعى ورتالىعىنىڭ جۇمىسىمەن جانە №4 پسيحولوگيالىق-پەداگوگيكالىق تۇزەتۋ كابينەتىنىڭ جۇمىسىمەن تانىستى.

كەزدەسۋ بارىسىندا وڭىردەگى كامەلەتكە تولماعانداردىڭ قۇقىقتارىن قورعاۋ جانە قامتاماسىز ەتۋ، بالالار اراسىنداعى قۇقىق بۇزۋشىلىقتىڭ الدىن الۋ، دەنساۋلىق ساقتاۋ، سونداي-اق جەتىم بالالاردىڭ قۇقىقتارىن ساقتاۋ ماسەلەلەرى تالقىلاندى.

ۋاكىل مەكتەپ دەمالىسى كەزەڭىنە دايىندىق جۇمىستارىن كۇشەيتۋ جانە بالالاردىڭ بوس ۋاقىتىن ۇيىمداستىرۋ قاجەتتىگىن ەرەكشە اتاپ كورسەتتى، سونداي-اق حالىق اراسىندا بەلسەندى اقپاراتتىق-ءتۇسىندىرۋ جۇمىستارىن جۇرگىزۋ، بالالاردىڭ قۇقىقتارىن قورعاۋ جانە وتباسىلىق پروبلەمالار ماسەلەلەرىندە اشىقتىقتى قامتاماسىز ەتۋ قاجەتتىلىگىنە جەرگىلىكتى اتقارۋشى ورگانداردىڭ نازارىن اۋداردى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار