ەرماعانبەتوۆ دارحان جانىسحان ۇلى 1986 جىلى تۋعان. ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا بىتىرگەن. 2012 جىلى باتىس قازاقستان ينجەنەرلىك-گۋمانيتارلىق ۋنيۆەرسيتەتىندە ەكونوميكا ماگيسترى دارەجەسىن الدى.
2008 جىلدان باستاپ مەملەكەتتىك قىزمەت سالاسىنا كەلىپ, ءبىلىم جانە كاسىپكەرلىك باسقارمالارىندا ءتۇرلى قىزمەتتەر اتقاردى. 2014 جىلدىڭ قىركۇيەك ايىنان باستاپ, قازىرگى ۋاقىتقا دەيىن يندۋستريالىق- يننوۆاتسيالىق دامۋ باسقارماسى باسشىسىنىڭ ورىنباسارى قىزمەتىن اتقاردى.
سونداي-اق ايماق باسشىسى كاسىپكەرلىك باسقارماسىنىڭ جاڭا باسشىسىن تانىستىردى. جاڭا لاۋازىمعا ەرلان نازاروۆ تاعايىندالدى.
نازاروۆ ەرلان اسىلبەك ۇلى 1983 جىلى تۋعان. قورقىت اتا اتىنداعى قىزىلوردا مەملەكەتتىك ۋنيۆەرسيەتەتىن, پرەزيدەنت جانىنداعى مەملەكەتتىك باسقارۋ اكادەمياسىن, مەملەكەتتىك ساياساتتىڭ ۇلتتىق مەكتەبى, ديۋكا ۋنيۆەرسيتەتى سىندى وقۋ ورىندارىن (اقش) بىتىرگەن.
ەڭبەك جولىن 2004 جىلدان باستاپ قىزىلوردا وبلىسىنداعى ستاتيستيكا باسقارماسىندا مامان بولىپ باستايدى. كەيىن قىزىلوردا, سولتۇستىك قازاقستان, اقتوبە وبلىستارىندا مەملەكەتتىك قىزمەت سالاسىندا ءتۇرلى لاۋازىمداردا جۇمىس جاساعان. 2017 جىلدىڭ قاڭتار ايىنان 2019 جىلدىڭ اقپان ايىنا دەيىن اقتوبە وبلىستىق يندۋستريالدى-يننوۆاتسيالىق دامۋ باسقارماسىنىڭ باسشىسى قىزمەتىن اتقاردى.
سونىمەن قاتار, باسقوسۋدا وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسشىسى مارجان قورعانباەۆا ءوز ەركىمەن قىزمەتتەن بوسادى.
جيىن بارىسىندا جىلۋ بەرۋ ماۋسىمىنىڭ ناتيجەلەرى تالقىلاندى. وبلىس اكىمىنىڭ ورىنباسارى قايرات بەكەنوۆ جىلۋ بەرۋ ماۋسىمىنىڭ قالىپتى وتكەنىن مالىمدەدى. قاتتى جانە سۇيىق وتىنمەن تولىق قامتاماسىز ەتىلىپ, ۇزدىكسىز جىلۋ بەرىلگەن.
وبلىس اكىمى 2019-2020 جىلدارى جىلىتۋ ماۋسىمىنا دايىندىقتى باستاۋدى جانە بۇل ماسەلەنى ەرەكشە باقىلاۋدا ۇستاۋدى تاپسىردى.
ايتا كەتۋ كەرەك, اعىمداعى جىلى كوممۋنالدىق ينفراقۇرىلىم وبەكتىلەرىن دايىنداۋ ءۇشىن 9,4 ملرد تەڭگە بولىنگەن. اعىمداعى جىلدىڭ قازان ايىنا دەيىن 635 قازاندىق, 274,5 شاقىرىم جىلۋ جەلىلەرى, 61,3 شاقىرىم سۋ جانە كارىز جەلىلەرى, 173,9 كم ەلەكتر جەلىلەرى جوندەۋدەن ءوتۋى ءتيىس. 1553 الەۋمەتتىك 2460 تۇرعىن ءۇي جىلۋ ماۋسىمىنا دايىندالدى.
جيىن سوڭىندا وبلىس اكىمى قاراماعىنداعىلارعا اقتوبە قالاسىنداعى باۋ-باقشا ۇجىمدارىنىڭ, سونىمەن قاتار, شۇبارقۇدىق جانە كەڭقياق اۋىلدارىنىڭ تۇرمىسىنا قاتىستى تاپسىرما بەردى.
«جازعى باۋ-باقشا ماۋسىمى باستالدى. باۋ-باقشا ۇجىمدارىنىڭ تۇرعىندارىنا سۋمەن قامتاماسىز ەتۋدە تىكەلەي كومەك كورسەتۋ جولدارىن قاراستىرىڭىزدار. شۇبارقۇدىق پەن كەڭقياقتا دا سۋعا قاتىستى ماسەلە تۋىنداپ وتىر, بۇل – ءبىرىنشى جىل ەمەس. تەز ارادا ولاردى شەشۋ كەرەك», دەدى وڭداسىن ورازالين.
ايماق باسشىسى وڭىردە بىردە-ءبىر ەلدى مەكەن تۇرعىندارى سۋ ماسەلەسىنەن تارشىلىق كورمەۋ قاجەتتىگىن, ەگەر قانداي دا ءبىر ماسەلە تۋىنداعان جاعدايدا مۇمكىندىگىنشە تەزىرەك شەشۋ كەرەكتىگىن اتاپ ءوتتى.
