ايماقتار • 14 مامىر، 2019

قازاقستاندا جيتس-تەن كوز جۇمعاندارعا ارت-نىسان قۇرىلادى

910 رەت كورسەتىلدى

حالىقارالىق جيتس-تەن قايتىس بولعانداردى ەسكە الۋ كۇنى قارساڭىندا دسم قازاق دەرماتولوگيا جانە ينفەكتسيالىق اۋرۋلار عىلىمي ورتالىعى (قدياعو) ۇكىمەتتىك ەمەس ۇيىمدارمەن جانە ازاماتتىق بەلسەندىلەرمەن بىرلەسە وتىرىپ، قازاقستاندا جيتس-تەن قايتىس بولعانداردىڭ ەستەلىگى رەتىندە ارت-وبەكت قۇرۋعا مۇرىندىق بولىپ وتىر.

قدياعو ارت-نىسان قۇرۋ جونىندەگى يدەيالار كونكۋرسىن جاريالاپ، بارلىق مۇددەلى ادامدارعا ءوز ۇسىنىستارى مەن ەسكيزدەرىن 2019 جىلعى 1 قاراشاعا دەيىن [email protected] پوشتاسىنا «كونكۋرس» بەلگىسىمەن جىبەرۋدى ۇسىنىپ وتىر. كونكۋرس جەڭىمپازىنىڭ جوباسى الماتى قالاسىندا جۇزەگە اسىرىلادى. كونكۋرس تۇجىرىمداماسى مەن جانە شارتتارى http://www.rcaids.kz سايتىندا ەگجەي-تەگجەيلى باياندالعان.

– جيتس بۇكىل الەمدە ميلليونداعان ادامنىڭ ءومىرىن جالمادى. ولاردى ۇمىتۋ مۇمكىن ەمەس. ايتۆ-ينفەكتسياسى ەمدەلمەيتىن كەزدە، قايعىلى ەستەلىكتەر ءجيى جاڭارىپ تۇراتىن ەدى. ول كەزدە ناۋقاستاردىڭ ەشقانداي تاڭداۋى بولماعاندىقتان، كوز جۇمىپ جاتتى. انتيرەتروۆيرۋستىق تەراپيانىڭ پايدا بولۋىمەن ايتۆ-احۋالدى ادامداردىڭ ءومىرى ۇزاردى. سول ومىردەن وزعانداردى ەسكە الا وتىرىپ، ەندى ءبارىمىز بىرىگىپ، تىرىلەر تۋرالى ويلاۋىمىز قاجەت، – دەيدى قدياعو ديرەكتورى باۋىرجان بايسەركين.

بيىل جيتس-تەن قايتىس بولعانداردى ەسكە الۋدىڭ حالىقارالىق كۇنىن الەم 19 مامىر كۇنى اتاپ وتەدى. بۇل كۇنى ءتۇرلى ەلدە، سونداي-اق، قازاقستاندا دا دوڭگەلەك ۇستەلدەر، فلەش-موبتار، ترەنينگتەر جانە باسقا دا ءىس-شارالار بولىپ ۇيىمداستىرىلادى. بۇل شاراعا بولىسۋ جيتس-تەن قايتىس بولعانداردى ەسكە الىپ قويماي، ايتۆ ىندەتىنە كىم تاپ بولعاندارعا دەگەن تۇسىنىستىك نيەتتى بىلدىرەدى. ءبىزدىڭ ەلىمىزدە بۇل شارالار «ءومىر ءسۇرۋ ءۇشىن، ەستە ۇستايمىز!» ۇرانىمەن وتەدى.

جيتس-تان كوز جۇمعانداردى ەسكە الۋ كۇنى قارساڭىندا قازاقستاندىق بەلسەندىلەر وسى شاراعا بولىسۋعا نيەت بىلدىرگەندەرگە تاقىرىپقا كوڭىل ءبولىپ، فەيسبۋك جەلىسىندە ءوز سۋرەتىن ارنايى ەسكە الۋ شەڭبەرىن قولدانا وتىرىپ، جيتس-تەن قايتىس بولعانداردى ەسكە الۋدى ۇسىنىپ وتىر.

العاش رەت حالىقارالىق جيتس-تەن قايتىس بولعانداردى ەسكە الۋ كۇنى (World Remembrance Day of AIDS Victims) 1983 جىلى امەريكالىق سان-فرانتسيسكودا اتالىپ وتىلگەن. سودان كەيىن بىرنەشە جىلدان سوڭ وسى اۋرۋعا قارسى قوزعالىستىڭ نىشانى پايدا بولدى. ول كيىمگە تاعىلعان قىزىل باۋ، سونداي-اق، ءتۇرلى-ءتۇستى ماتا – ومىردەن وتكەن كوپتەگەن ادامداردىڭ بەلگىسى رەتىندە ماتا كەسىندىلەرىنەن تىگىلگەن قۇراقتار. بۇل اتريبۋتتاردى 1991 جىلى سۋرەتشى فرەنك مۋر ويلاپ تاپقان. قازىرگى ۋاقىتتا جيتس-تەن قايتىس بولعانداردى ەسكە الۋدىڭ حالىقارالىق كۇنىندە اتالمىش ناۋقان بەلسەندىلەرى مەن بەي-جاي قارامايتىن ادامدار وزدەرىنىڭ كيىمدەرىنە قىزىل باۋ تاعادى.

الماتى

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

ۇقساس جاڭالىقتار